བོད་ཡིག

e-texts produced with BDRC’s OCR application

rgya gar skad du/ ar+ya da na nu shang sa/ bod skad du/ 'phags pa sbyin pa'i legs pa'o// sangs rgyas dang / byang chub sem dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan du yod pa na/ dze ta'i tshal mgon med zas sprin gyi kan dga' ra ba na bzhugs so// de nas bcom ldan 'das kyis dge slong rnams la bka' stsal pa/ dge slong dag mkhas pa rnams kyis rnam pa sum cu rtsa bdun sbyin pa byin no// sum cu rtsa bdun gang zhe na/ ser sna rnam par spang ba'i phyir/ dad pas sbyin pa byin no// dus su smin pa byin no// de bzhin gshegs pas gang gnang ba rung ba dngos po gsum yongs su dag par sbyin pa byin no// sems kyi 'khrug pa'i skyon thams cad spang ba'i phyir/ bsti stang du byas te sbyin pa byin no// snying po med pa'i lus las snying po blang ba'i phyir/ rang gi lag nas sbyin pa byin no// gzhan la mi gnod pa'i sbyin pa byin na/ rnam par smin pa gtong ba chen po rab tu thob par 'gyur ro// kha dog phun sum tshogs pa sbyin pa byin na/ rnam par smin pa kha dog mdzes pa rab tu thob par 'gyur ro// smos phun sum tshogs pa sbyin pa byin na/ rnam par smin pa grags pa'i spos rab tu thob par 'gyur ro// ro bro ba phun sum tshogs pa sbyin pa byin na/ rnam par smin pa ro bro ba mchog gi dpe byad bzang po rab tu 'thob par 'gyur ro// gya nom pa sbyin pa byin na/ rnam par smin pa longs spyod bya nom pa rab tu 'thob par 'gyur ro// rgya chen po'i sbyin pa byin na/ rnam par smin pa longs spyod rgya chen po rab tu 'thob par 'gyur ro// bza' ba sbyin pa byin na/ rnam par smin pa skye ba thams cad du bkres pa rnam par gcod pa rab tu 'thob par 'gyur ro// btung ba sbyin pa byin na/ rnam par smin pa skye ba thams cad du skom pa rnam par gcod pa rab tu 'thob par 'gyur ro// gos sbyin pa byin na/ rnam par smin pa gos kyi longs spyod sna tshogs rab tu 'thob par 'gyur ro// gnas sbyin pa byin na/ rnam par smin pa pu shu dang / khang pa brtsegs pa dang / khyams dang / khang pa dang / gzhal med khang dang / bskyed shing gi ra ba dang / kun dga' ra ba dang / yul rab tu thob par 'gyur ro// mal cha sbyin pa byin na/ rnam par smin pa rigs mthon po rab tu 'thob par 'gyur ro// gzhon pa sbyin pa byin na/ rnam par smin pa rdzu 'phrul gyi rkang pa bzhi rab tu 'thob par 'gyur ro// sman sbyin pa byin na/ rnam par smin pa rga shi med cing mya ngan dang kun nas nyon mongs pa 'gog pa'i mya ngan las 'das pa rab tu 'thob par 'gyur ro// chos sbyin pa byin na/ rnam par smin pa skye ba dran pa rab tu 'thob par 'gyur ro// me tog sbyin pa byin na/ rnam par smin pa byang chub kyi yan lag gi me tog rab tu 'thob par 'gyur ro// phreng ba sbyin pa byin pa na/ rnam par smin pa 'dod chags dang / zhe sdang dang / gti mug gi dri ma rnam par dag pa rab tu 'thob par 'gyur ro// bdug pa sbyin pa byin na/ rnam par smin pa nyon mongs pa'i dri nga ba thams cad med par rab tu 'thob par 'gyur ro// gdugs sbyin pa byin na/ rnam par smin pa chos la dbang ba'i dbang phyug rab tu 'thob par 'gyur ro// dril bu sbyin pa byin na/ rnam par smin pa sgra dbyangs yid du 'ong ba rab tu 'thob par 'gyur ro// sa li stan sbyin pa byin na/ rnam par smin pa tshangs pa'i sgra dbyangs lta bu rab tu 'thob par 'gyur ro// mar me sbyin pa byin na/ rnam par smin pa lha'i mig sgrib pa med cing rnam par dag pa rab tu 'thob par 'gyur ro// dar sbyin pa byin na/ rnam par smin pa lha dang mi'i nang na rnam par grol ba'i dar gyis bcings pa rab tu 'thob par 'gyuraro// de bzhin gshegs pa'i mchod rten nam/ de bzhin gshegs pa'i sku gzugs la 'bru mar dri zhim po phul bas/ spos kyi khrus chu dbul ba phul na/ rnam par smin pa skyes bu chen po'i mtshan sum cu rtsa gnyis dang / dpe byad bzang po brgyad cu rab tu 'thob par 'gyur ro// khrus kyi yo byad sbyin pa byin na/ rnam par smin pa skye ba thams cad du nad nyung ba dang rigs kyi mchog tu skye zhing / kun tu mdzes pa rab tu 'thob par 'gyur ro// snying po lnga sbyin pa byin na/ rnam par smin pa skye ba thams cad du mthu che zhing / spro ba chen po mi thul ba rab tu 'thob par 'gyur ro// byams pa la gnas te/ sbyin pa byin na/ rnam par smin pa gnod sems med pa rab tu 'thob par 'gyur ro// snying rje la gnas te sbyin pa byin na/ rnam par smin pa 'tshe ba med pa rab tu 'thob par 'gyur ro// dga' ba la gnas te sbyin pa byin na/ rnam par smin pa mi 'jigs pa rab tu 'thob bar 'gyur ro// gtang snyoms la gnas te sbyin pa byin na/ rnam par smin pa mi dga' ba rab tu 'thob par 'gyur ro// rnam pa sna tshogs sbyin pa byin na/ rnam par smin pa longs spyod sna tshogs rab tu 'thob par 'gyur ro// lan la mi re ba la gnas te/ sbyin pa byin na/ rnam par smin pa bla na med pa yang dag par rdzogs pa'i byang chub rab tu 'thob par 'gyur ro// dge slong dag mkhas pa rnams kyis rnam pa sum cu rtsa bdun po de dag sbyin pa byin no// bcom ldan 'das kyis de skad ces bka' stsal nas/ dge slong dag yi rangs te/ bcom ldan 'das kyis gsungs pa la mngon par bstod do// / 'phags pa sbyin pa'i legs pa rdzogs so//