Wylie

e-texts produced with BDRC’s OCR application

རྒྱ་གར་སྐད་དུ། ཨརྱ་ད་ན་ནུ་ཤང་ས། བོད་སྐད་དུ། འཕགས་པ་སྦྱིན་པའི་ལེགས་པའོ།། སངས་རྒྱས་དང་། བྱང་ཆུབ་སེམ ་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་དུ་ཡོད་པ་ན། ཛེ་ཏའི་ཚལ་མགོན་མེད་ཟས་སྤྲིན་གྱི་ཀན་དགའ་ར་བ ་ན་བཞུགས་སོ།། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་མཁས་པ་རྣམས་ཀྱིས་རྣམ་པ་སུམ་ཅུ་རྩ་བདུན་སྦྱིན་པ་བྱིན་ནོ།། སུམ་ཅུ་རྩ་བདུན ་གང་ཞེ་ན། སེར་སྣ་རྣམ་པར་སྤང་བའི་ཕྱིར། དད་པས་སྦྱིན་པ་བྱིན་ནོ།། དུས་སུ་སྨིན་པ་བྱིན་ནོ།། དེ་བཞིན་གཤེགས་པས་གང་གནང་བ་རུང་བ་དངོས་པོ་གསུམ་ཡོངས་སུ་དག་པར ་སྦྱིན་པ་བྱིན་ནོ།། སེམས་ཀྱི་འཁྲུག་པའི་སྐྱོན་ཐམས་ཅད་སྤང་བའི་ཕྱིར། བསྟི་སྟང་དུ་བྱས་ཏེ་སྦྱིན་པ་བྱིན་ནོ།། སྙིང་པོ་མེད་པའི་ལུས་ལས་སྙིང་པོ་བླང་བའི་ཕྱིར། རང་གི་ལག ་ནས་སྦྱིན་པ་བྱིན་ནོ།། གཞན་ལ་མི་གནོད་པའི་སྦྱིན་པ་བྱིན་ན། རྣམ་པར་སྨིན་པ་གཏོང་བ་ཆེན་པོ་རབ་ཏུ་ཐོབ་པར་འགྱུར་རོ།། ཁ་དོག་ཕུན་སུམ་ཚོགས་པ་སྦྱིན་པ་བྱིན་ན། རྣམ་པར ་སྨིན་པ་ཁ་དོག་མཛེས་པ་རབ་ཏུ་ཐོབ་པར་འགྱུར་རོ།། སྨོས་ཕུན་སུམ་ཚོགས་པ་སྦྱིན་པ་བྱིན་ན། རྣམ་པར་སྨིན་པ་གྲགས་པའི་སྤོས་རབ་ཏུ་ཐོབ་པར་འགྱུར་རོ།། རོ་བྲོ་བ་ཕུན་སུམ ་ཚོགས་པ་སྦྱིན་པ་བྱིན་ན། རྣམ་པར་སྨིན་པ་རོ་བྲོ་བ་མཆོག་གི་དཔེ་བྱད་བཟང་པོ་རབ་ཏུ་འཐོབ་པར་འགྱུར་རོ།། གྱ་ནོམ་པ་སྦྱིན་པ་བྱིན་ན། རྣམ་པར་སྨིན་པ་ལོངས་སྤྱོད་བྱ ་ནོམ་པ་རབ་ཏུ་འཐོབ་པར་འགྱུར་རོ།། རྒྱ་ཆེན་པོའི་སྦྱིན་པ་བྱིན་ན། རྣམ་པར་སྨིན་པ་ལོངས་སྤྱོད་རྒྱ་ཆེན་པོ་རབ་ཏུ་འཐོབ་པར་འགྱུར་རོ།། བཟའ་བ་སྦྱིན་པ་བྱིན་ན། རྣམ ་པར་སྨིན་པ་སྐྱེ་བ་ཐམས་ཅད་དུ་བཀྲེས་པ་རྣམ་པར་གཅོད་པ་རབ་ཏུ་འཐོབ་པར་འགྱུར་རོ།། བཏུང་བ་སྦྱིན་པ་བྱིན་ན། རྣམ་པར་སྨིན་པ་སྐྱེ་བ་ཐམས་ཅད་དུ་སྐོམ་པ་རྣམ་པར་གཅོད ་པ་རབ་ཏུ་འཐོབ་པར་འགྱུར་རོ།། གོས་སྦྱིན་པ་བྱིན་ན། རྣམ་པར་སྨིན་པ་གོས་ཀྱི་ལོངས་སྤྱོད་སྣ་ཚོགས་རབ་ཏུ་འཐོབ་པར་འགྱུར་རོ།། གནས ་སྦྱིན་པ་བྱིན་ན། རྣམ་པར་སྨིན་པ་པུ་ཤུ་དང་། ཁང་པ་བརྩེགས་པ་དང་། ཁྱམས་དང་། ཁང་པ་དང་། གཞལ་མེད་ཁང་དང་། བསྐྱེད་ཤིང་གི་ར་བ་དང་། ཀུན་དགའ ་ར་བ་དང་། ཡུལ་རབ་ཏུ་ཐོབ་པར་འགྱུར་རོ།། མལ་ཆ་སྦྱིན་པ་བྱིན་ན། རྣམ་པར་སྨིན་པ་རིགས་མཐོན་པོ་རབ་ཏུ་འཐོབ་པར་འགྱུར་རོ།། གཞོན་པ་སྦྱིན་པ་བྱིན་ན། ་རྣམ་པར་སྨིན་པ་རྫུ་འཕྲུལ་གྱི་རྐང་པ་བཞི་རབ་ཏུ་འཐོབ་པར་འགྱུར་རོ།། སྨན་སྦྱིན་པ་བྱིན་ན། རྣམ་པར་སྨིན་པ་རྒ་ཤི་མེད་ཅིང་མྱ་ངན་དང་ཀུན་ནས་ཉོན་མོངས་པ་འགོག་པའི་མྱ ་ངན་ལས་འདས་པ་རབ་ཏུ་འཐོབ་པར་འགྱུར་རོ།། ཆོས་སྦྱིན་པ་བྱིན་ན། རྣམ་པར་སྨིན་པ་སྐྱེ་བ་དྲན་པ་རབ་ཏུ་འཐོབ་པར་འགྱུར་རོ།། མེ་ཏོག་སྦྱིན་པ་བྱིན་ན། རྣམ་པར ་སྨིན་པ་བྱང་ཆུབ་ཀྱི་ཡན་ལག་གི་མེ་ཏོག་རབ་ཏུ་འཐོབ་པར་འགྱུར་རོ།། ཕྲེང་བ་སྦྱིན་པ་བྱིན་པ་ན། རྣམ་པར་སྨིན་པ་འདོད་ཆགས་དང་། ཞེ་སྡང་དང་། གཏི་མུག་གི་དྲི་མ་རྣམ ་པར་དག་པ་རབ་ཏུ་འཐོབ་པར་འགྱུར་རོ།། བདུག་པ་སྦྱིན་པ་བྱིན་ན། རྣམ་པར་སྨིན་པ་ཉོན་མོངས་པའི་དྲི་ང་བ་ཐམས་ཅད་མེད་པར་རབ་ཏུ་འཐོབ་པར་འགྱུར་རོ།། གདུགས ་སྦྱིན་པ་བྱིན་ན། རྣམ་པར་སྨིན་པ་ཆོས་ལ་དབང་བའི་དབང་ཕྱུག་རབ་ཏུ་འཐོབ་པར་འགྱུར་རོ།། དྲིལ་བུ་སྦྱིན་པ་བྱིན་ན། རྣམ་པར་སྨིན་པ་སྒྲ་དབྱངས་ཡིད་དུ་འོང་བ་རབ་ཏུ་འཐོབ ་པར་འགྱུར་རོ།། ས་ལི་སྟན་སྦྱིན་པ་བྱིན་ན། རྣམ་པར་སྨིན་པ་ཚངས་པའི་སྒྲ་དབྱངས་ལྟ་བུ་རབ་ཏུ་འཐོབ་པར་འགྱུར་རོ།། མར་མེ་སྦྱིན་པ་བྱིན་ན། རྣམ་པར་སྨིན་པ་ལྷའི་མིག ་སྒྲིབ་པ་མེད་ཅིང་རྣམ་པར་དག་པ་རབ་ཏུ་འཐོབ་པར་འགྱུར་རོ།། དར་སྦྱིན་པ་བྱིན་ན། རྣམ་པར་སྨིན་པ་ལྷ་དང་མིའི་ནང་ན་རྣམ་པར་གྲོལ་བའི་དར་གྱིས་བཅིངས་པ་རབ་ཏུ་འཐོབ་པར་འགྱུརརོ།། ་དེ་བཞིན་གཤེགས་པའི་མཆོད་རྟེན་ནམ། དེ་བཞིན་གཤེགས་པའི་སྐུ་གཟུགས་ལ་འབྲུ་མར་དྲི་ཞིམ་པོ་ཕུལ་བས། སྤོས་ཀྱི་ཁྲུས་ཆུ་དབུལ་བ་ཕུལ་ན། རྣམ་པར་སྨིན་པ་སྐྱེས་བུ ་ཆེན་པོའི་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་རབ་ཏུ་འཐོབ་པར་འགྱུར་རོ།། ཁྲུས་ཀྱི་ཡོ་བྱད་སྦྱིན་པ་བྱིན་ན། རྣམ་པར་སྨིན་པ་སྐྱེ་བ་ཐམས་ཅད་དུ་ནད་ཉུང ་བ་དང་རིགས་ཀྱི་མཆོག་ཏུ་སྐྱེ་ཞིང་། ཀུན་ཏུ་མཛེས་པ་རབ་ཏུ་འཐོབ་པར་འགྱུར་རོ།། སྙིང་པོ་ལྔ་སྦྱིན་པ་བྱིན་ན། རྣམ་པར་སྨིན་པ་སྐྱེ་བ་ཐམས་ཅད་དུ་མཐུ་ཆེ་ཞིང་། སྤྲོ་བ ་ཆེན་པོ་མི་ཐུལ་བ་རབ་ཏུ་འཐོབ་པར་འགྱུར་རོ།། བྱམས་པ་ལ་གནས་ཏེ། སྦྱིན་པ་བྱིན་ན། རྣམ་པར་སྨིན་པ་གནོད་སེམས་མེད་པ་རབ་ཏུ་འཐོབ་པར་འགྱུར་རོ།། སྙིང་རྗེ་ལ ་གནས་ཏེ་སྦྱིན་པ་བྱིན་ན། རྣམ་པར་སྨིན་པ་འཚེ་བ་མེད་པ་རབ་ཏུ་འཐོབ་པར་འགྱུར་རོ།། དགའ་བ་ལ་གནས་ཏེ་སྦྱིན་པ་བྱིན་ན། རྣམ་པར་སྨིན་པ་མི་འཇིགས་པ་རབ་ཏུ་འཐོབ ་བར་འགྱུར་རོ།། གཏང་སྙོམས་ལ་གནས་ཏེ་སྦྱིན་པ་བྱིན་ན། རྣམ་པར་སྨིན་པ་མི་དགའ་བ་རབ་ཏུ་འཐོབ་པར་འགྱུར་རོ།། རྣམ་པ་སྣ་ཚོགས་སྦྱིན་པ་བྱིན་ན། རྣམ་པར་སྨིན་པ ་ལོངས་སྤྱོད་སྣ་ཚོགས་རབ་ཏུ་འཐོབ་པར་འགྱུར་རོ།། ལན་ལ་མི་རེ་བ་ལ་གནས་ཏེ། སྦྱིན་པ་བྱིན་ན། རྣམ་པར་སྨིན་པ་བླ་ན་མེད་པ་ཡང ་དག་པར་རྫོགས་པའི་བྱང་ཆུབ་རབ་ཏུ་འཐོབ་པར་འགྱུར་རོ།། དགེ་སློང་དག་མཁས་པ་རྣམས་ཀྱིས་རྣམ་པ་སུམ་ཅུ་རྩ་བདུན་པོ་དེ་དག་སྦྱིན་པ་བྱིན་ནོ།། བཅོམ་ལྡན་འདས་ཀྱིས་དེ ་སྐད་ཅེས་བཀའ་སྩལ་ནས། དགེ་སློང་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། ། འཕགས་པ་སྦྱིན་པའི་ལེགས་པ་རྫོགས་སོ།། ་