<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
F187: chos kyi 'khor lo'i mdo<br><table><tr><td>
<input type="button" onclick="location.href='tcompletep.php?id=F187&coll=F&volcur=0';" value="show page break" />
<td width=150><td>
<input type="button" onclick="location.href='tcompletel.php?id=F187&coll=F&volcur=0';" value="show line break" />

<td width=150><td>
<a href="tcompleteu.php?coll=F&id=F187&volcur=0" style=font-size:25px;">བོད་ཡིག</a><td width=150><td>e-texts produced with BDRC’s OCR application <a href="https://github.com/buda-base/tibetan-ocr-app" target="_blank"><img src="../sub/link.png" width=20></table><hr><p style="font-size:18px;">rgya gar skad du/ d+harma tsag kra su tra/ bod skad du/ chos kyi 'khor lo'i mdo// thams cad mkhyen pa la phyag 'tsha'o//
 'di skad bdag gis thos pa'i dus gcig na/ sangs rgyas bcom ldan 'das ba ra na se drang srong smra ba'i ri dgas kyi nags na bzhugs te/ de nas bcom ldan 'das kyis dge
 slong rnams la bka' stsal pa/ dge slong dag nga sngon ma thos pa'i chos rnams la/ 'di ni sdug bsngal 'phags pa'i bden pa'o zhes tshul bzhin yid la byed pa na mig
 skyes so// shes pa dang / rig pa dang blo dang / rtogs pa skyes so// dge slong dag ngas sngon ma thos pa'i mdo sde rnams la/ 'di ni sdug bsngal kun 'byung ba'o//
 'di ni sdug bsngal 'gog pa'o// 'di ni sdug bsngal 'gog par 'gro ba'i lam mo zhes tshul bzhin yid byed pa na/ mig skyes so// shes pa dang rig pa dang / blo dang rtogs
 bya/ pa skyes so// dge slong dag ngas sngon ma thos pa'i bden pa des ngas mngon par shes te yongs su shes par bya'o//
 zhes tshul bzhin du yid la byed pas mig skyes so// shes pa dang rig pa dang blo dang / rtogs pa skyes so// dge slong dag ngas sngon ma thos pa'i chos rnams
 la sdug bsngal kun 'byung ba 'phags pa'i bden pa de ngas mngon par shes pas spang bar bya'o// zhes tshul bzhin yid la byed pa na mig skyes so// shes pa
 dang rig pa dang blo dang rtogs pa skyes so// dge slong dag ngas sngon ma thos pa'i chos rnams la/ sdug bsngal 'gog pa 'phags pa'i bden po de/ ngas mngon par
 shes pas mngon sum du bya'o// zhes tshul bzhin yid la byed pas na mig skyes so// shes pa dang rig pa dang blo dang rtogs pa skyes so// dge slong dag ngas sngon
 ma thos pa'i chos rnams la/ sdug bsngal 'gog par 'gro ba'i lam 'phagaso pa'i bden pa des ngas mngon par shes pas sgom par bya'o// zhes tshul bzhin
 yid la byed pas mig skyes so// shes pa dang rig pa dang blo dang rtogs pa skyes so// dge slong dag ngas sngon ma thos pa'i chos rnams la sdug bsngal 'phags pa'i
 bden pa de ngas mngon pos yongs su shes so// zhes tshul bzhin yid la byed pa na mig skyes so// shes pa dang rig pa dang blo dang rtogs pa skyes so// dge slong
 dag ngas sngon ma thos pa'i chos rnams la/ sdug bsngal kun 'byung ba 'phags pa'i bden pa de ngas mngon par shes pas/ spangs so zhes tshul bzhin yid la byed
 pa na mig skyes so// shes pa dang rig pa dang blo dang rtogs pa skyes so// dge slong dag ngas sngon ma thos pa'i chos rnams la sdug bsngal kun 'byung ba 'gog pa 'phags
 pa'i bden pa des ngas mngon par shes pas mngon du bya'o// zhes tshul bzhin yid la byed pa na mig skyes so// shes pa dang rig pa dang blo dang rtogs pa skyes so//
 dge slong dag ngas sngon ma thos pa'i chos rnams la/ sdug bsngal 'gog par 'gro ba'i las 'phags pa'i bden pa de ngas mngon par shes pas sgom mo zhes tshul
 bzhin yid la byed pa na mig skyes so// shes pa dang rig pa dang blo dang rtogs pa skyes so// dge drug nga ji srid du 'phags pa'i bden pa bzhi po 'di rnams la da ltar
 lan gsum du bzlas te rnam pa bcu gnyis su bsgom pa'i mig ma skyes/ shes pa ma yin rig pa ma yin blo ma yin rtogs pa ma skyes pa de srid du da lha dang bcas pa'i
 'jig rten/ bdud dang bcas/ tshangs pa dang bcas/ dge slong dang bram zer bcas pa'i skye dgu dang lha dang mir bcas pa 'di las grol ba dang / nges par
 dbyung ba dang / mi ldan pa dang / rab tu grol ba dang / phyin ci log dang bral ba'i sems kyis ming du gnas par ma gyur cig/ dge slong dag ngas bla na med pa yang dag
 par rdzogs pa'i byang chub mngon par rdzogs par sangs rgyas so zhes bya bar ma shes so// dge slong dag ngas gang nas 'phags
 pa'i bden pa bzhi po 'di rnams la de ltar lan gsum du bzlas te/ rnam pa bcu gnyis su bskor ba'i mig skyes shing / shes pa dang rig pa dang blo dang rtogs pa de nas/
 da lha dang bcas pa'i 'jig rten bdud dang bcas/ tshangs pa dang bcas/ dge sbyong dang bram zer bcas skyo dgu dang / lha dang mir bcas pa las grol ba dang /
 mi ldan pa dang / rab tu grol ba dang / phyin ci log dang / bral ba'i sems kyis mang du gnas par ma gyur cig/ dge slong dag nges de nas bla na med pa yang dag
 par rdzogs pa'i byang chub mngon par rdzogs par sangs rgyas so zhes bya bar shes so// chos kyi rnam grangs de bka' stsal nas/ tshe dang ldan pa ko'u di n+ya dang / lha brgyad
 khri chos rnams la chos kyi mig rdul med cing dri ma dang bral ba skyes so// de nas bcom ldan 'das kyis tshe dang ldan pa ko'u de n+ya la bka' stsal pa/ ko'u di n+ya khyod kyis
 chos kun shes sam/ bcom ldan 'das kun 'tshal logaso// ko'u di n+ya khyod kyis chos kun shes sam/ kun shes sam/ yad bde bar gshegs pa kun
 'tshal lags so// kun 'tshal legs so// tshe dang ldan pa ko'u di n+yas chos shes pas de'i phyir tshe dang ldan pa ko'u di n+ya kun shes/ ko'u di n+ya zhes tshig bla dgas su
 btags so// tshe dang ldan bko'u di n+yas chos kun shes so// sa bla'i gnod sbyin rnams sgra sgrogs par byed de/ grogs po dag bcom ldan 'das kyi ba ran ser
 grong khyer smra ba ri dgas kyi nags su lan gsum du bzlas te/ rnam pa bcu gnyis su chos kyi 'khor lo chos dang ldan pa dge sbyong ngam bram ze 'am/ lha 'am
 bdad dam tshangs pa 'am sus kyang 'jig rten na chos dang mthun par ma bskor bar skye bo mang po la phan pa dang / skye bo mang po la bde ba dang 'jig rten la snying rtse
 ba dang / lha dang mi rnams kyi don dang / phan pa dang / bde ba'i phyir bskor bas lha'i ris mngon par 'phel zhing lha ma yin gyi ris yongs su nyams so zhes
 dbyangs sgrags so// sa sla'i gnod sbyin rnams kyis sgra thos nas/ nam mkha' la rgyu ba'i gnod sbyin dang rgyal chen bzhi pa'i ris dang / sum cu rtsa gsum
 pa'i lha dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams na/ skad cig de dang / thang cig de dang /
 yud tsam de dang / thang cig dang / yud tsam de la tshangs pa'i 'jig rten gyi bar du sgrogs so// tshangs ris kyi lha rnams kyis kyang sgra sgrogs par byed do//
 grogs po dag bcom ldan 'das kyi ba ra na ser drang srong smra ba ri dgas kyi gnas su lan gsum bzlas te/ rnam pa bcu gnyis chos kyi 'khor lo chos dang ldan pa/
 dge sbyong ngam/ bram ze 'am/ lha 'am bdud dam/ tshangs pa 'am sus kyang 'jig rten du chos dang mthun pa 'ga' yang ma bskor
 skye bo mang po la phan pa dang / skye bo mang po la bde ba dang / 'jig rten la snying rtse ba dang / lha dang mi rnams kyi don dang / phan pa dang bde ba'i phyir bskor bas lha'i
 ris mngon par 'phel zhing / lho ma yin gyis ris yongs su nyams so zhes dbyangs sgrags so// bcom ldan 'das kyi ba ra na ser drang srong smra ba ri dwags kyi nags
 su lan gsum du bzlas te/ rnam pa bcu gnyis su chos kyi 'khor lo chos dang ldan par bskor bas de'i phyir chos kyi rnam grangs 'di la chos kyi 'khor lo bskor ba zhes
 bya ba/ tshig bla dgas su btags so// chos kyi 'khor lo'i mdo rdzogs s+ho//
 rgya gar skad du/ ar+ya ad b+hU ta d+harma par+ya na ma/ bod skad du/ 'phags pa rmad du byung ba zhes bya ba chos kyi rnam grangs/
 sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na 'od ma'i 'tshal
 bya ka lan da ka gnas pa bzhugs so// de nas tshe dang ldan pa kun dga' bo// snga dro'i dus kyi tshe chos gos dang sham thabs dgos te/ lhung bzed thogs nas/
 rgyal po'i khab du bsod snyoms kyi phyir zhugs te/ tshe dang ldan pa kun dga' bo rgyal po'i khab kyi grong khyer du mthar chags su bsod snyoms spyod pa'i tshe/ phyogs shig/
 na khang partsegs pa sgo brgyad cu yod pa/ byugs pas byugs pa/ gdugs dang / rgyal mtshan dang / ba dan bsgreng ba dang / dar gyi lda ldi mang po dpyangs pa zhig mthong
 nas/ de 'di snyam du sems te/ rigs kyi bu 'am rigs kyi bu mo dad pa gang la la zhig gis khang pa brtsegs pa 'di lta bu byas te/ phyogs bzhi'i dge slong gi dge 'dun
 la phul ba dang / gang de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i mchod rten 'jim pa las skya ru
 ra'i 'bras bu khab tsam gyis srog shing byas la rgya shugs kyi lo ma'i gdugs gsol nas/ nas kyi 'bru tsam gyi sku gzugs byas la/ yung 'bru rtsam gyi ring srel
 bcug na de gnyis las bsod rnams shin tu che ba gang yin snyam mo// de yang 'di snyam du sems te/ ston pa ni bdag gi mngon sum du gyur/ bde bar gshegs
 pa ni bdag gi mngon sum du gyur gyis/ bcom ldan 'das la bdag gis don 'di nyid gsol to// bcom ldan 'das kyis bdag la ji skad bstan pa bzhin du bzung /
 bar bya'o snyam mo// de nas tshe dang ldan pa kun dga' bo rgyal po'i khab tu bsod snyoms blangs te/ zas kyi bya ba byas nas/ bsod snyoms kyi zas byi ma spangs te/