བོད་ཡིག

e-texts produced with BDRC’s OCR application

bya/ rgya gar skad du/ a ni t+ya ta su tra/ bod skad du/ mi rtag pa nyid kyi mdo// sangs rgyas dang byang chub sems dpa' thams cad la phyag 'tshal lo// 'di skad bdag gi thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kan dga' ra ba na/ dge slong gi dge 'dun chen po dang / thabs cig tu bzhugs te/ de nas bcom ldan 'das kyi dge slong rnams la bka' stsal pa/ dge slong dag chos bzhi po 'di dag ni 'jig rten thams cad la sdug pa phangs pa/ yid du 'ong ba mngon par dga' bar bya'o// bzhi gang zhe na/ dge slong dag nad med pa ni 'jig rten thams cad la mi sdug pa/ dben pa/ mi phangs pa yid du mi 'ong ba/ mngon par dga' bar bya ba ma yin pa'o// dge slong dag lang tsho ni 'jig rten thams cad la sdug pa dben pa phangs pa/ yid du 'ong ba mngon par dga' bar bya'o// lang tshe de'i mtha' rga ba yin te/ dge slong dag rga ba ni 'jig rten thams cad la mi sdug pa mi phanges pa/ yid du mi 'ong ba mngon par dga' bar bya ba ma yin pa'o// dge slong dag 'byor pa ni 'jig rten thams cad la sdug pa dben pa bangs pa yid du 'ong ba/ mngon par dga' bar bya'o// 'byor pa de'i mtha' yang rgud pa ste/ dge slong dag rgud pa ni 'jig rten thams cad la mi sdug pa/ mi dben pa mi phangs pa yid du mi 'ong ba mngon par dga' ba bya ba ma yin pa'o// dge slong dag srog ni 'jig rten thams cad la sdug pa dben pa phangs pa/ yid du 'ong ba mngon bar dga' bar bya ba'o// srog de'i mtha' yang 'jig rten thams cad la mi sdug pa mi dben pa mi phangs pa/ yid du mi 'ong ba mngon par dga' bar bya ba ma yin pa'o// / bcom ldan 'das kyis de skad ces bka' stsal te/ bde bar gshegs pas de skad ces gsungs nas/ ston pas gzhan yang 'di skad bka' stsal to// nad med mi rtag lang tshe rtag ma yin/ 'byor pa mi rtag srog kyang rtag ma yin/ skye bo mi rtag nyid kyis nyen gyur na/ 'dod pa'i yon tan dga' ba ji ltar skye/ bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// mi rtag pa nyid kyi mdo rdzogs s+ho// /