བོད་ཡིག

e-texts produced with BDRC’s OCR application

rgya gar skad du/ Ar+ya tra ya sti sha pa ra brta na ma ma hA yA na su tra/ bod skad du/ 'phags pa sum cu rtsa gsum pa'i le'u zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das sum cu rtsa gsum / pa'i lha'i nang na// shing yong 'du drung na/ ar mo na gi lta bu'i rdo leb na bzhugs te/ skra skrun pa'i yum la thugs rtse ba'i phyir/ dge slong brgyad stong gi dge slong gi dge 'dun chen po thams cad kyang dgra bcom pa/ zag pa zad pa/ rdzu 'phrul che ba/ dbang che bar grags pa/ mthu bo che sha stag dang / byang chub sems dpa' bdun khri nyis stong thams cad kyang / byang chub sems dpa'i mngon par shes pa/ bzod pa thob pa/ spobs pa thogs pa med pa/ phal cher 'jig rten gyi khams tha dad pa nas 'dus pa sha stag dang thabs gcig tu dbyar gnas par zhal gyi bzhes nas/ de nas bcom ldan 'das 'khor 'bum phrag du mas yongs su bskor cing / mdun gyis ltas de chos ston to// de nas de'i tshe lha'i bu zla ba zhes bya ba dang / zla mchog ces bya ba gnyis 'khor de nyid kyi nang du 'das par gyur te 'dag go/ de nas lha'i bu zla ba bstan las langs te/ bla gos phrag pa gcig tu gzar nas/ pus mo g.yas pa'i lha nga sa la gtsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o// de skad ces gsol pa dang / bcom ldan 'das kyis lha'i bu zla ba la 'di skad ces bka' stsal to// zla ba khyod su'i don du de bzhin gshegs pa la zhu bar 'dod// de nas bcom ldan 'das la lha'i bu zla bas tshig su bcad de gsol pa// gang dag bdag la sman pa dang // sems can gzhan la sman slad du// sems can kun la snying rtse'i slang // snying rtse legs par bskyed nas ni// byang chub rdal bral bdud rtsi 'tshal zhing don du sgrub bgyid pa// shAkya seng ge ba dag ni de dag don du zhu ba zhu// gang dag ma zhum sems kyis bskal pa bye ba skrod bgyid cing // sdug bsngal spong la 'gro ba thams cad grol bar bgyid// gang dag sems can kun la sems snyoms sbyor ba snyoms par bgyid// bdag ni mi 'dren de dag don du rgyal la zhu ba legs// gang dag sangs rgyas mtshan mchog sum cu rtsa gnyis rtags rnams kyis// sku spras rdul bral bsod nams zhing chen mthong 'gyur nas// yon tan rgya mtsho gangs chen mtsho rnams de dag 'dod bgyid pa// gzi brjid chen po de dag don du bdag gis zhu ba lag// gang dag rtag tu skyes bu khyu mchog ye shes ma gtogs par// gzhan du blo gros mi bskyed gzhan du sems par mi bgyid dang // gang dag nyan thos rang rgyal dag tu blo gros mi skyed pa// rtsol bar brtan pa de dag don du bdag ni zhu ba lags// gang dag rnyed dang mi rnyed grags dang mi grags mnyam par sems// smad dang sngags dang bde dang sdug bsngal dag gis skyob mi 'gyur// 'jig rten chos rnams zil gyis gnan te gnas shing bskyod ma mchis// 'jigs dang bral ba de dag don du bdag ni zhu ba lags// gang dag bdag la phangs mtshungs 'drar gzhan bdag la yang phangs par 'dzin// srid pa gsum na tha dad 'byed pa ma mchis sbyor ba nyams// gang dag byams par sems shing tshul chos tha ba skyon ma mchis// skye bo de dag rnams kyi don du bdag ni zhu ba lags// gang dag rtag tu sbyin dang tshul khrims dag cing rnam dag spyod/ bdag nyid spong bar bgyid kyi tshul khrims phung po gtong mi bgyid// gang dag rtag tu lus dang ngag dang yid rnams legs par bsdams// bdag ni dri med de dag don du rgyal la zhu ba lags// gang dag bzod pa smra zhing legs par bsdams pa'i shes dang ldan// sdug bsngal dang ni bsad dang bcing dang brdeg pa rnams kyang bzod// kun nas dkrugs/ kyang khro ba dang tha ba mi skyed par mi bgyid pa// nges par bgyid pa de dag don du bdag ni zhu ba lags// gang dag brtson 'grus stobs gnas dam pa'i don dang ldan// 'jig rten don gyi slad du rgyu zhing bdag gi phyir ma lags// dkar po'i spyod pa rnams kyis mi ngom rgya mtsho chab dang 'dra// gang dag rgya mtsho de dag don du rgyal la zha ba lags// gang dag rnam par rtogs pa sna tshogs shas cher mi 'jug pa// gang dag nyon mongs sna tshogs pan bgyis 'phags pa'i ye shes ldan// gang dag bsam gtan mngon shes rnam rtsen rdzu 'phrul rkang par ldan// bsam gtan gnas pa de dag don du bdag ni zhu ba lags// gang dag shes rab pha rol son cing ye shes mtha' yas ldan// rtogs dang kun rtog bral zhing spros pa ma mchis zhi bar gyur/ gang gi chos 'di dben zhing ya ma rlar yang rtog gyur pa// gang zag chen po de dag don du zhu ba lags// gang dag rdzu 'phrul shes la mkhas shing shin tu rab zhi spyod// zhing rnams khrag khrig mchil zhing du mi 'dzin pa ma mchis dang // sangs rgyas khrag khrig phyag 'tshal 'dzin pa 'ang ma mchis pa// mthong na dga' ba de dag don du bdag ni zhu ba lags// gang dag nyon mongs bdud dang bral zhing phung po'i bdad bcom pa// gang dag 'chi bdag bdud dang bral zhing lha'i bdud bcom dang // gang dag bdud kun nges bcom nas ni byang chub reg gyur pa// mun dang bral ba de dag don du bdag ni zha ba lags// gang dag nags dang tshul du bcas pa'i sa gzhi skyod nas kyang // byang chub rdul med sangs rgyas ye shes mchog ni 'tshang rgya dang // gang dag sems gcig la ni shes pa ci mchis 'byung 'gyur ba// rdo rje lta bu de dag don du bdog ni zhu ba lags// gang dag ye shes kun mkhas gzi brjid chen pos gzi skyed dang // gang dag rtag tu sangs rgyas bdud phyir chos spyod rab tu brtan// gang dag 'dren pa dag ni dge 'dun mkhas rnams dga' mgur spong // de dag don du srid gsum dag na bdag ni zhu ba lags// bcom ldan 'das ji ltar na byang chub sems dpa' sems dpa' chen po mngon par shes pa chen po dang // ye shes kyi khyed par pha rol tu son pa rnams lags// bcom ldan 'das ji ltar na byang chub sems dpa' sems dpa' chen po bsam gyi mi khyab pa'i thabs la mkhas pas yongs su bsngo ba shes pa dang ldan pa lags/ bya/ bcom ldan 'das ji ltar na byang chub sems dpa' sems dpa' chen po chos thams cad tshul gcig pa dang / ro gcig dang 'jug pa gcig pa dang / bstan pa gcig la rjes su thob pa rnams lags/ bcom ldan 'das ji ltar na byang chub sems dpa' sems dpa' chen po zab mo'i tshul khrims can bag ma mchis par spyod pa dang / bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba rnams lags/ de skad ces gsol pa dang / bcom ldan 'das kyis lha'i bu zla ba la 'di skad ces bka' stsal to// zla ba legs so legs so// zla ba khyod kyi go cha chen po bgos pa rnams dang / 'dron po phal po che sgrol bar 'dod pa rnams dang / chos kyi sgron ma chen po sbar bar 'dod pa rnams dang / chos kyi gru chen po sgrol bar 'dod pa rnams dang / chos kyi 'khor lo chen po bskor bar 'dod pa rnam dang / chos kyi rnga bo che chen po rdung bar 'dod pa rnams dang / chos kyi rnga chen po brdung bar 'dod pa rnams dang / chos kyi rgyal mtshan chen po bsgreng bar 'dod pa rnams dang / chos kyi rtog chen po bzung bar 'dod pa rnams dang / shes rab kyi snang ba chen po bya bar 'dod pa rnams dang / ye shes chen po rjes su 'gro bar 'dod pa rnams dang / ye shes chen po yongs su rdzogs par byed 'dod pa de dag dang / de lta bur yon tan tshad med pa de dag ldan pa'i sems can de dag gi don du de bzhin gshegs pa la zhu ba byed pa khyod legaso// lha'i bu de'i phyir legs par rab tu nyon la tshul bzhin du yid la byos shig dang / ji ltar byang chub sems dpa' sems dpa' chen po rnams mngon par shes pa chen po ye shes kyi khyad par dam pa'i pha rol tu son pa yin pa dang / ji ltar byang chub sems dpa' sems dpa' chen po rnams bsam gyi mi khyab pa'i thabs mkhas pas/ yongs su bsngo ba shes pa dang ldan pa yin pa dang / ji ltar byang chub sems dpa' sems dpa' chen po rnams chos thams cad tshul gcig pa dang / ro gcig pa dang / 'jug pa gcig pa dang / gshad pa gcig pa la rjes su thob pa yin pa dang / ji ltar byang chub sems dpa' sems dpa' chen po rnams zab mo'i tshul khrims can bag yod par spyod pa dang / bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba ngas khyod la bstan to// bcom ldan 'das de ltar 'tshal lo zhes gsol te/ lha'i bu zla bas bcom ldan 'das kyis ltar mnyan pa dang / bcom ldan 'das kyi de la 'di skad ces bka' stsal to// lha'i bu byang chub sems dpa' sems dpa' chen po chos bzhi dang ldan na/ mngon par shes pa chen po dang / ye shes kyi khyad par dam pa'i pha rol tu son pa yin te/ bzhi gang zhe na/ lha'i bu 'di la byang chub sems dpa' sems dpa' chen po ni chos thams cad shes pa yang mkhas la/ chos thams cad la yang mngon par shes pa med do// de ni chos thams cad nam mkha' dang mnyam par rig pa dang / shes bathob pa dang / mngon sum du gyur pa yang yin la/ chos thams cad kyang chos nyid dang 'thun par sbyor te/ chos kyi dbyings la ma gtogs par chos gzhan ci yang dag par mi mthong ngo // lnga'i bu de la chos thams cad tshul gcig pa gang zhe na/ sngon gyi mtha' thams cad ji ltar stong pa de kho na bzhin du/ phyi ma'i mtha' yang stong la/ da ltar byung ba gang yin pa de yang ngo bo nyid kyi stong ste/ lha'i bu de ltar na dus gsum stong pa nyid la rnam par rtog pa gang yin pa de la ji lta ba bzhin zhes bya'o// de la 'byed pa dang / shes pa dang / ston pa dang / 'dog pa dang / 'brel pa dang / rnam par 'byed pa dang / gsal bar byed pa dang / 'chad pa 'di ni mkhas pa zhes bya'o// de la ji ltar na chos thams cad la mngon par zhen pa med ce na/ lha'i bu chos thams cad ni bdag nyid kyi kun nas slong bas kun nas blang ba ste/ des chos thams cad dran pa nye bar bzhag pas kun nas bslang bar rig par/ bdag la mngon par zhen pa med do// de bdag la mngon par zhen pa med pas/ chos gzhan rnams slong bar byed do// chos gang yang mi shes shing ma slang bas na/ de la mngon par zhen par mi nus so// de la mngon par zhen pa med pas na/ chos mnyam par bzhag par yang byed la/ chos gang la mngon par zhen par mi 'gyur ro// lha'i bu de la ji ltar na byang chub sems dpa' sems dpa' chen po chos thams cad nam mkha' dang 'dra bar shes zhes na/ lha'i bu khams gsum pa ni sems tsam du zad pa/ sems de yang gzugs med pa/ bstan du med pa/ rnam par rig par byed pa ma yin pa/ sgyu ma lta bu ste/ sems de yang sems kyi chos nyid kyis yongs su btsal kyang mi rnyed/ sems gang gis sems yongs su btsal ba'i sems de yang mi rnyed do// de sems mi dmigs pas/ chos thams cad mi dmigs so// chos thams cad mi dmigs pas/ chos gang yang mtshan ma 'am/ rdzas su yang dag par mi mthong ste/ chos thams cad la yang chags par mi 'gyur ro// chos thams cad yongs su ma grub pa'i phyir nam mkha' dang 'dra bar shes so// / lha'i bya dper na nam mkha' ma skyes shing yongs su ma grub pa de bzhin du/ des chos thams cad shes so// ji ltar nam mkha' zhes bya ba de yang dben pa de bzhin du/ chos thams cad kyang ming tsam du zad de dag kyang dben pa'o// ji ltar byang chub sems dpa' chos nyid dang 'thun par sbyor zhe na/ lha'i bu 'di la byang chub sems dpa' sems dpa' chen pos 'di la so sor yang dag par slabs na chos 'di dag thams cad cig gi cig mi shes shing mi mthong ste/ mig gis kyang rna ba mi shes mi mthong la/ rna bas kyang mig mi shes mi mthong ngo // snas kyang lce mi shes shing mi mthong la/ ldes kyang sna mi shes shing mi mthong ngo // lus kyis kyang yid mi shes shing mi mthong la/ yid kyis kyang lus mi shes mi mthong ngo // chos 'di dag thams cad ni bems po sprod pa med pa byed pa med pa'o// des de chos kyi dbyings dang 'dra ba shes te/ de lta bu'i shes rab dang ldan pa de ni yul drug las chos gang banang bar gyur pa na/ de 'di snyam du sems te/ 'di la ni gang phyi rol rig par byed pa'i nang gi chos gang yang med do// 'di la ni gang nang // gi rig par byed pa'i phyi rol gyi chos gang yang med do snyam mo// des de ltar shes shing de ltar mthong bas/ chos gang gi yang skye ba 'am/ gnas par yang dag par mi mthong ngo // lha'i bu gang la skye ba yang med/ 'gag pa yang med/ gnas pa yang med pa ni chos kyi dbyings so// lha'i bu gzhan yang byang chub sems dpa' 'di snyam du sems te/ chos thams cad ni gnas pa ste/ gtan du mi skye bar gnas pa'i phyir ro snyam mo// de de ltar chos thams cad la yang dag par ji lta ba bzhin du so sor rtog pa dang ldan na/ chos nyid la ma gtogs pa'i chos gang mi mthong la/ chos thams cad kyang chos nyid dang 'thun par sbyor te/ lha'i bu byang chub sems dpa' sems dpa' chen po chos bzhi po de dag dang ldan na/ mngon par shes pa chen po dang / ye shes kyi khyad par dam pa'i pha rol tu son pa yin no// lha'i bu de la mngon par shes pa gang zhe na/ lha'i bu mngon par shes pa zhes bya ba ni chos thams cad gzhan gyi dring mi 'jogs pa'i shes pa gang yin pa'o// lha'i bu ye shes bya ba ni/ chos thams cad la gnyis su mi 'byed pa gang yin pa'o// lha'i bu gnyis su med pa zhes bya ba ni gang ming dang gzugs 'dog par mi byed/ rna ba dang / sgra 'dog par mi byed/ lde dang ro 'dogs par mi byed/ lus dang reg bya 'dogs par mi byed/ yid dang chos 'dogs par mi byed pa'o// byang chub sems dpa' ye shes de lta bu dang ldan pa ni mngon par shes pa lnga thob par 'gyur te/ de yang bsams pa ji lta ba bzhin du smon lam yongs su rdzogs nas thob par 'gyur ro// lha'i bu ye shes de lta bu dang ldan pa ni/ lha'i mig gi phyogs bcur sangs rgyas kyi zhing bye ba khrag khrig 'bum phrag dpag tu med pa dag mthong ngo // sangs rgyas kyi zhing de dag na/ sangs rgyas bcom ldan 'das nyan thos kyi dge 'dun dang bcas ba gang dag bzhags pa de dag kyang mthong ngo // sangs rgyas bcom ldan 'das de dag gis chos bstan pa gang yin pa de dag kyang lha'i rna ba'i khams kyis thams cad thos so// sangs rgyas kyi zhing de dag na/ sems can rnams kyis bsam pa dang / spyod pa tha ma dang / 'bring dang / rab gang dag yin pa de dag thams cad kyang rab tu shes so// sangs rgyas kyi zhing de dag thams cad du yang skad cig de la 'gre'o// de bdag nyid sngon gyi gnas shes pa mngon sum du byed pa las kyang brtsams nas chos ston par byed de/ lha'i bu byang chub sems dpa' sems dpa' chen po ye shes de lta bu dang ldan pa ni/ thams cad mkhyen pa nyid ma thob par yang sems can rnams la sangs rgyas kyi bya ba nye bar gnas pa yin te/ sangs rgyas kyi chos thams cad kyang myur du yongs su rdzogs nas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// de nas bcom ldan 'das kyis de'i tshe/ de nas tshigasu bcad pa 'di dag bka' stsal to// thabs shes pa la mkhas shing gsal ba ni// mngon shes chen po yongs su rdzogs par byed// rtag tu chos kun na mkha' lta bur shes// de ni zab mo'i tshul khrims ldan pa yin// chos rnams thams cad ji bzhin shes pa ni// mkhas pa mngon par zhen par mi byed de// rtag tu chos kun na mkha' lta bu dang // rtag tu stong pa bdag med shes pa yin// chos dang chos kyi dbyings la mthun par sbyor// chos kyi dbyings la ma gtogs mthong ba med// gang gis de mthong de yang lhag par mthong // de ltar mngon par brtson pas mngon shes thob// mngon shes chos rnams ji ltar stong pa bzhin// / ma 'ongs pa rnams de bzhin stong pa dang // des ni da ltar byung ba'ang de bzhin thob// de dag sngan chad ji bzhin brjod pa yin// chos rnams thams cad rtag tu dus gsum stong // mkhas pa mi rtogs rnam par rtog mi byed// mi rtog rnam par rtog pa mi byed na// ji bzhin mthong ba la ni 'jig pa med// de nyid shes ldan mkhas par gsal ba ste// chos kyang ston la chos kyi 'dus shes med// rlom sems med pa la ni rten pa'ang med// brten pa med pa la ni g.yo ba 'ang med// chos 'di thams cad bdag la byang ba ste// de ni bdag med rang bzhin bdag med do// chos 'di thams cad bdag med rtogs nas kyang // mkhas pa chos gzhan kun nas slong mi byed// ma skyes gang yin de ni 'byung mi 'gyur// de ni de la mngon par zhen pa med// rnam par gzhag pas chos kun ston par byed// chos rnams ston kyang bdag la sems pa med// srid gsum thams cad sems las grub par 'gyur// sems de nyid kyang rtag tu bstan du med// gzugs med lung du ma stan sgyu ma 'dra// mkhas pa de ni sems kyi chos nyid tshol// de ni sems kyi chos nyid tshol ba na// sems dang sems kyi chos nyid mthong ba med// sems de sems gang gis ni tshol byed pa// sems nyid de yang de bzhin mthong ba med// de ni chos rnams kun gyis mi gos te// de ni mtshan ma'i 'dod chags 'jug pa med// de ni chos kun ma grub shes nas kyang // de yis rtag tu na mkha' lta bur shes// ji ltar na mkha' skyes par ma gyur na// de bzhin de yis chos rnams thams cad shes// snying po med pa'i nam mkha' ming gis byas// de bzhin chos rnams stong pas ming gis byas// chos rnams stong pa ming gis rnam par mdzod// nams kyang rna bas mig ni mthong ba med// rna ba yis ni nam yang mig ma mthong // snas kyang lce min lces kyang sna ma yin// de dag gcig la cig ni mthong ba med// lus kyi nam yang yid ni mthong mi 'gyur// yid kyi nams kyang lus ni mthong ba med// 'di dag phan tshun 'dogs par mi byed de// de phyir 'di dag rtag tu dben pa yin// spyod med byed pa med la bems po ste// chos kyi dbyings la rtag tu mtshungs shing nyams// nang yang phyi rol dag gi mi shes la// phyi rol dag kyang nang gis mi shes so// de phyir/ / chos rnams 'di dag rab shes pa// rtag tu de yis shes pa mtha' yang yas// phyogs bcur sangs rgyas bye ba nyan thos bcas// mthong du zin kyang rtog par mi byed do// shes rab mtha' yas cha tshul khrims rab dag pa// de dag chos rnams ston pa gang yin pa// legs par gsungs pa de dag thams cad thos// bzung nas kyang ni yang dag ston par byed// des ni sems can kun gyi sems kyang shis// rdzu 'phrul gyis ni zhing rnams bye bar 'gro/ bskal pa bye ba bsam gyis mi khyab pa// gang gis ji snyed sngon gyi gnas kyang dran// de phyir mngon shes lnga po 'di sgoms nas// bde gshegs ye shes dang yang nye bar 'gyur// khams de rtag tu sangs rgyas bya bas gnas// byang chub ma thob bar yang don byed 'gyur// gang zhig 'di 'dri'i chos bstan thos nas kyang // dga' ba rgya chen gtso bo skye 'gyur ba// de la bdud kyis tshugs par mi 'gyur te// myur du byang chub mchog tu rdzogs 'chang rgya// lha'i byang chub sems dpa' sems dpa' chen po chos bzhi dang ldan na/ bsam gyis mi khyab pa'i thabs shes pa la mkhas par rig par bya'o// bzhi gang zhe na/ lha'i bu 'di la byang chub sems dpa' sems dpa' chen po ni thabs mkhas pa yin te/ de ji lta ji ltar bdag nyid sdug bsngal ba dang / yid mi bde ba dang / 'khrugs pa rnams kyis gnod par 'gyur ba mthong ba de ltar sems can rnams kyi sdug bsngal zhi bar bya ba'i phyir/ brtson 'grus rtsom ste des sems can thams cad kyang byang chub kyi sems la nges par 'dogs la/ chos thams cad byang chub kyi sems la nges par 'dogs so// de sems can thams cad kyi dus gsum du yang dag par bsgrub pa'i bsod nams kyi phung po la yang rjes su yi rang byed la/ sangs rgyas thams cad kyi dus gsum du yang dag par bsgrubs pa'i bsod nams kyi phung po la yang rjes su yid rang bar byed de/ dge ba'i rtsa ba de yang sems can de dag thams cad nyid la 'dor zhing / yongs su gtong bar byed de/ gang rnam pa thams cad mkhyen pa nyid du yongs su mi bsngo ba'i sems bskyed pa ci yang med la/ sems las ma gtogs pa'i byang chub kyang yang dag par ma mthong ngo // byang chub kyi mtshan nyid gang yin pa sems kyi mtshan nyid kyang de yin par shes nas 'dra bar byed do// sems dang byang chub la yang mngon par zhen pa med la/ thabs shes pas dge ba'i rtsa ba yang rnam par 'phel bar byed do// des chos kyi dbyings kyang rnam par yang dag par mi mthong la/ bsam gyi mi khyab pa'i chos rnams rtogs pas dge ba'i rtsa ba yang dag par sgrub pa yang mchog mi shes so// sems kyi las dang / dge ba'i sems la yang mchog tu 'dzin pa medado/ de sbyin pa yang byin par byed la/ de la yang rnam par mi rtog go// tshul khrims kyang bsrung la/ de la yang mchog tu 'dzin pa med do// bzod pa yang bsgom la/ de la yang mi gnas so// brtson 'grus kyang rtsom la/ de yang dben par shes so// bsam gtan la yang snyoms par 'jug la/ de la yang mi rten to// shes rab la yang spong la/ / de la yang kun tu mi spyod do// sems can rnams la yang yongs su smin par byed la/ de la yang mi dmigs par spyod do// zhing yang yongs su dag par byed la/ phan bdags pa'i tshul gyis byed do// ye shes kun yongs su tshol la/ de yang yongs su tshol ba med pa'i tshul gyi byed do// chos kyang ston pa de yang brjod du med pa'i tshul gyis byed do// lha'i bu de ltar spyod pa'i byang chub sems dpa' sems dpa' chen po ni/ dge ba'i rtsa ba ci tsam du chung ba yang tshad med do// lha'i bu byang chub sems dpa' sems dpa' chen pos ji ltar dge bo'i rtsa ba ji tsam du chung ba yang / tshad med par byed ce na/ lha'i bu 'di la byang chub sems dpa' sems dpa' chen bo ni/ chos thams cad la tshad med pa'i 'du shes bskyed par byed de/ gang la mu thugs pa yod pa de lta'i chos ni gang yang med do// de ci'i phyir zhe na/ lha'i bu chos thams cad stong pa dang / mtshan ma med pa dang / smon pa med pa dang / stong pa gang yin pa de ni tshad med pa'i phyir ro// tshad med par byas pa'i sems kyis chos kyi phyir/ sbyin pa ji tsam du chung ba yang thabs la mkhas pas tshad med par byed do// de ci'i phyir zhe na/ gang byang chub kyi sems de yongs su bsngo ba'i byang chub de tshad med pa'i phyir ro// des tshad med pa'i spyod pas/ 'di lta ste/ sangs rgyas bcom ldan 'das rnams kyi byang chub tshad med pa'i chos nyid rtog par 'gyur ro// lha'i bu gzhan yang byang chub sems dpa' sems dpa' chen po ni/ sems can gyi spyod pa la 'jug ste/ de thabs mkhas pas chos lta bu la mos pa'i sems can rnams la de lta bu'i bsam pas gnas te/ sbyin pa 'am/ rab tu sbyin pa 'am/ chos bstan pas gnas so// lha'i bu gzhan yang sbyin pa'i sgo nas de'i rang bzhin du gnas te/ tshul khrims kyi rang bzhin du ma yin/ bzod pa'i rang bzhin du ma yin la/ des kyang rlom sems su mi byed de/ tshul khrims dang yang mi ldan zhing / bzod pa yang phun sum tshogs la/ gzhan dag gis byas pa dang ma byas pa rnams kyang bzod do// dkar po'i spod pa thams cad la yang brtson 'grus rtsom la/ bsam gtan la yang bsam gtan byed cing / shes rab kyis lhag par mthong ba yang mkhas so// lha'i bu gzhan yang byang chub sems dpa' thabs shes pa la mkhas pa nyid nyan thos rnams dang lhan cig 'khod na yang / de dag la 'dod par yang byed la/ de'i snying po gang yin pa des kyang 'tshe bar byed do// sangs rgyas kyi byang chub kyi theg pa pa dag la yang lhan cig 'khod na yang de dag la 'dod par yang mi byed la/ de'i snying po gang yin pa des kyang nye bar 'tsho bar byed de/ lha'i bu byang chub sems dpa' chos bzhi po de dag dang ldan na/ bsam gyi mi khyab pa'i chos shes pa la mkhas pa yin no// de nas de'i tshe bcom/ ldan 'das kyis tshigs su bcad pa 'di dag bka' stsal to// bdag nyid dang ni gzhan dag gis// gnyi ka'i sdug bsngal rab shes nas// bdag gi sdug bsngal zhi byed cing / gzhan gyi sdug bsngal kun zhi byed// sems can thams cad byang chub sems// sems la chos rnams thams cad kyang // don gcig du ni 'dogs par byed// sems can kun gyi bsod nams gang // dus gsum gyis ni bsdus rnams dang / sangs rgyas kun gyis bsod nams gang // de dag kun gyi rjes yi rang // dge ba de dag thams cad kyang // sems can kun la sbyin par byed// sangs rgyas kyi ni ye shes phyir// lhag pa'i bsam pas 'jug par byed// sems ni skyes pa thams cad kyang // byang chub du ni yongs su bsngo// chos nyid ma gtogs sems gzhan nam// byang chub kyang ni mthong ba med// de ni sems dang byang chub dang // rnam pa gnyis su mi mthong ste// byang chub de'i mtshan nyid gang / sems dang de'i mtshan nyid yin// mnyam pa nyid kyis chos rnams mnyam// de ni gnas pa yong med de// mdzangs pa thabs la mkhas pa ni// dkar po'i chos kyis rgyas par 'gyur/ chos dbyings la ni 'phel ba med// chos kyi dbyings ni bsam mi khyab// sangs rgyas chos rnams tshol ba la// rtag tu chog par 'dzin pa med// bdag ni dkar pos rgyas so snyam// de ni sems kyis bsam mi byed// de ni gang du bsngo ba yin// byang chub de yang chog mi 'dzin// sbyin pa mi rtog sbyin par byed// rlom sems med par tshul khrims bsrung // rtag tu bzod bsgom byed la// sems can la yang gnas pa med// sems dang lus ni dben pa yis// rtag tu brtson 'grus brtsom par byed// rten med bsam gtan phun sum tshogs// shes rab kyi ni pha rol son// sems can rnams kyang smin byed la// de ni dmigs pas gnas pa med// zhing dang yongs su spong byed la// lhag par 'dzin pa'ang yod ma yin// de ni sangs rgyas ye shes tshol// yi ge rnams la'ang chags pa med// de ltar spyod pa de la ni// byang chub rnyed par dka' ba med// tshad med bsam gyis mi khyab pa'i// stong pa nyid dang mtshan med pa// / smon pa med la mos na ni// de la tshad kyang med par 'gyur// mos pa ji bzhin gzung phyir sems can la// sbyin pa spong kyang de la gnas pa med// smin pa'ang byin byed yang na len par/ byed// de dang 'thun par chos kyang ston par byed// sbyin pa byas kyang de la chags pa med/ tshul khrims mchog min bzod la chags pa med// brtson 'grus mchog min bsam gtan chags pa med// shes rab ye shes la ni ser sna med// sbyin pa byin yang tshul khrims spod// bzod pa sgom yang rtag tu brtson 'grus ldan// bsam gtan gyis ni rtag tu gnas pa med// sbyin byed de ni shes pas nges par 'byung // rang sangs rgyas dag nyan thos de dag dang // rtag tu gnas kyang byang chub sems dpa' ni// rtag tu snying po ci yod 'tshe byed kyang // 'jig med de dag la ni 'dod pa med// chos 'di dag gis gnas pa rdzogs pa yin// byang chub sems dpa' rmad du med pa rnams// thabs kyi shes pa bsam gyi mi khyab ste/ de dag sbyin pa chung ngu mtha' yas 'gyur// lha'i bu byang chub sems dpa' chos bzhi dang ldan na// chos thams cad tshul gcig pa dang // ro gcig pa dang / 'jug pa gcig pa dang / bstan pa gcig par rab tu shes so// bzhi gang zhe na/ lha'i bu 'di la byang chub sems dpa' ni chos kyi dbyings lam 'dres pa'i shes pa la mkhas pa dang chos thams cad stong pa'i rjes su 'gro ba dang / chos gang la yang sgro 'dogs par mi byed de// bdag tu sgro 'dogs gzhan du sgro 'dogs par mi byed pa dang / dben pa'i tshul gyis chos thams cad khong du chud pa ste/ lha'i bu byang chub sems dpa' chos bzhi po de dag dang ldan na/ chos thams cad tshul gcig pa dang / ro gcig pa dang / 'jug pa gcig pa dang / bstan pa gcig par rab tu shes so// des de ltar shes pas/ 'jig rten pa dang 'jig rten las 'das pa'i chos rnams kyis rnam pa gnyis su 'jug ste/ kha na ma tho ba dang bcas pa dang / kha na ma tho ba med pa rnams dang / zag pa dang bcas pa dang / zag pa med pa rnams dang / 'dus byas dang 'dus ma byas kyi chos rnam pa gnyis su mi 'jug go// des ni chos gang la yang mchog gam/ tha mar yang dag par mi mthong ngo // so so'i skye bo'i chos rnams dang / dgra bcom pa'i chos rnams tha dad par yang mi mthong ngo // so so'i skye bo'i chos rnams kyi rang bzhin gang yin pa de nyid dgra bcom pa'i chos rnams kyi rang bzhin no// 'brir yang med la bsnun du yang med do// tshul gcig pa yang shes te/ 'di lta ste/ dben pa'i tshul lo// chos thams cad kyi bar du dbye ba yang ston la/ chos kyi dbyings chad par yang yang dag par mi mthong ngo // bzod pa gcig pa dang yang ldan ste/ 'di lta ste/ stong pa nyid kyi bzod pa'o// stong pa nyid dang bzod pa yang rnam pa gnyis su mi byed do// gcig pa gcig gis chos thams cad la 'jug ste/ 'di lta ste/ mi skye bas 'jug pa'o// lha'i bu/ byang chub sems dpa' de ni bla na med pa yang dag par rdzogs pa'i byang chub dang nye ba yin/ de 'di snyam du bdag nye bar gyur tam/ 'on te nye bar ma gyur cig ga snyam du mi sems so// de ci'i phyir zhe na/ de tshul gcig pa las sems can rnams kyang gzhan la/ byang chub kyang gzhan par yang dag par mi mthong ba'i phyir ro// gzhan yang 'di la sems can mi dmigs pa gang yin pa nyid byang chub yin no// de nas bcom ldan 'das kyis don de nyid thugs su chud nas/ yang rgyas par dpyad de/ de'i tshe tshig su bcad pa 'di dag bka' stsal to// chos kyi dbyings ni 'byed bar mi byed de// chos kyi dbyings la yang dag dmigs pa med// chos kyi dbyings bzhin chos kun de dang 'dra// 'dzin pa med cing rdzas kyang ci yang med// chos kun stong pa nyid kyi rjes su 'gro// nang dang phyi rol 'dus byas gang yin pa'i// chos kun ya ma rla ste byed pa med// chos rnams thams cad tshul gcig yin par shes// chos rnams gang la'ang sgo ni 'dogs mi byed// bdag dang gzhan la'ang snyan par mi byed de// bdag dang bdag gis snyam pa gsal byas la// de la nam kyang tha dad dbye ba med// dben pa spyod cing rab tu dben lagus// chos kun stong pa nyid du lta bar byed// de ni chos rnams kun la lta ba na// dben pa la yang rtog par mi byed do// 'jig rten 'jig rten 'das pa'i chos bstan la// don shas cher gnyis su mi 'jug ste/ / kha na mtho khan ma tho med// zag bcas zag med chos la de mi rlom// 'dus byas rnams dang 'dus ma byas rnams la// gnyis sum 'byed rtag tu gcig par// so so'i skye bo 'am dgra bcom gang yin pa// phan gdags 'os su gyur pa'i chos ma mthong // so so'i skye bo'i rang bzhin gang bstan pa// de dag nyid ni dgra bcom chos rnams yin// 'brir yang med la bsnan du'ang ci yang med// dben pa'i sgo nas tshul cig khong du chud// de ni chos kun rab dbye shes mod kyi// chos kyi dbyings la 'byed par yong mi byed// chos 'di thams cad stong pa ma gtogs par// bzod pa'ang gzhan la 'dod pa'ang gzhan ma yin// stong pa nyid la mi rlom sems nyid med// 'di dag skye med rang bzhin 'byung ba med// des ni 'jug pa gcig par thams cad shes// de ltar spyod pa de la byang chub ste// byang chub mtshungs med la ni nye bar 'gyur// bdag dang byang chub la yang sems pa med// chos rnams 'di dag thams cad bdag mi dmigs// des ni dmigs su med par byang chub rtogs// lha'i bu byang chub sems dpa' sems dpa' chen po chos bzhi dang ldan na// zab mo'i tshul khrims can bag yod par gnas pa zhes bya'o// bzhi gang zhe na lha'i bu 'di la byang chub sems dpa' sems dpa' chen po 'di snyam du sems te/ tshul khrims zhes bya ba 'di gang yin snyam mo// de de ltar tshul bzhin du so sor rtog pa 'di snyam du sems te/ lus kyi legs par spyod pa dang / ngag gi legs par spyod pa dang / yid kyis legs par smod pa dang / yid kyi legs par spyod pa gang yin pa de ni// tshul khrims shes bya ba yin no snyam mo// de 'di snyam du sems te/ de la lus kyi legs par spyod pa gang zhe na/ lus kyi srog gcod pa 'am/ ma byin pa len pa 'am/ 'dod pa la log par g.yem pa'i las ma byas pa gang yin pa de ni/ lus kyi legs par spyod pa yin no// de la ngag gi legs par spyod pa gang zhe na/ ngag gi rdzun du smra ba 'am/ phra ma 'am/ ngag rtsub mo 'am/ tshig dkyil pa'i las ma byas pa gang yin pa de ni/ ngag gi legs par spyod pa yin no// de la yid kyi legs par spyod pa gang zhe na/ yid kyi rnab sems sam/ gnod sems sam/ log par lta ba'i las ma byas pa gang yin pa de ni/ yid kyi legs par spyod pa yin no snyam mo// de de ltar tshul bzhin du so sor rtog pa na/ de 'di snyam du sems te/ lus sam/ ngag gam/ yid kyi las ma byas pa gang yin pa de ni sngon po zhes bya ba 'am/ ser po zhes bya ba 'am/ dmar po zhes bya ba'am/ dkar po zhes bya ba 'am/ gcod ka 'am/ shel gyi kha dog lta bu zhes bya bar gdags par mi nus la/ de ni mig gis rnam par shes par bya ba 'am/ rna bas rnam par shes par bya ba 'am/ snas rnam par shes par bya ba 'am/ lces rnam par shes par bya ba 'am/ lus kyi rnam par shes par bya ba 'am/ yid kyi rnam par shes par bya ba yin no// de ci'i phyir zhe na/ 'di ltar/ de ni ma skyes pa dang / ma skyed pa dang / ma 'gags pa de ni chos gang gis kyang rnam par shes par bya ba ma yin pa'i phyir ro snyam mo// de 'di snyam du sems te/ gang 'dus ma byas pa de ni tshul khrims yin te/ de la ni bdags pa ci yang med do// gang gdags su med la de la ni/ bdag gis kyang ni mngon par zhen par byar med do snyam mo// de de ltar spyod ban tshul khrims de yang dag par mi mthong ngo // gang tshul khrims de yongs su bsngos pa de yang yang dag par ma mthong ste/ de ltar na byang chub sems dpa' zab mo'i tshul can zhes bya'o// lha'i bu gzhan yang byang chub sems dpa' sems dpa' chen po ni 'jig tshogs la lta ba yongs su shes rab dang ldan pa yin te/ lta ba gang gis tshul khrims dang ldan pa'am/ tshul khrims 'chang ba zhes spros pa'i 'jig tshogs la lta ba slong bar mi byed do// lha'i bu gzhan yang byang chub sems dpa' sems dpa' chen po ni/ zab mo'i tshul la zhugs pa yin te/ de ni lus dang ngag gi spyod pa dang / spyod yul shes bzhin du spyod pas tshul khrims ldan pa zhes bya'o// de yang bdag la dmigs pa dang / gzhan la dmigs pas spyod par mi byed de/ des na zab mo'i tshul khrims can zhes bya'o// lho'i bu gzhan yang byang chub sems dpa' sems dpa' chen po tshul khrims ma nyams pa dang / tshul khrims ma zhig pa yin no// lha'i bu ji ltar na byang chub sems dpa' sems dpa' chen po tshul khrims ma nyams pa dang / tshul khrims ma zhig pa yin zhe na/ lha'i bu bdag la dmigs pa ni tshul khrims la dmigs par 'gyur ro// lha'i bu gang bdag mi dmigs pa de ni tshul khrims la mi dmigs so// gang tshul khrims la mi dmigs pa de ni tshul khrims nyams par mi byed cing / de ni tshul khrims 'jigs par mi byed do// de'i phyir nyams par mi byed do// 'jig par mi byed ce na/ de ni gzhan las chos thams cad shes pa yin te/ gang gzhan las 'gyur ba de la ni bdag kyang med/ bdag gi pa yang med do// gang la bdag med pa de la ni 'jig par 'gyur ba ci yang med do// lha'i bu dang chub sems dpa' sems dpa' chen po chos bzhi po de dag dang ldan na/ zab mo'i tshul khrims can bag yod par gnas pa zhes bya'o// de nas de'i tshe bcom ldan 'das kyis tshig su bcad pa 'di dag bka' stsal to// lus dag ngag dag yid dag gang // de ni rtag tu dag par spod pa ste// rtag tu legs par bsdams shing gnas pa ste// byang chub sems dpa' tshul khrims ldan zhes bya// las lam bcu po rab dag 'di dag rnams// byang chub sems dpa'o mkhas pa gang bsrung zhing // lus dang ngag dang yid kyis gang byas pa// de ni mkhas rnams tshul khrims yin zhes brjod// ma byas ma bskyed ma skyes gang yin pa// de la bsngags pa med cing gnas pa'ang med// gang la bsngags pa'ang med cing gnas pa'ang med// / de la nam kyang gdags pa rnyed mi 'gyur// rtag tu tshul khrims ma nyams ma zhig dang // de ni mig gi shes par mi nus la// rna bas mi shes sna yang lce ma yin// lus dang yid kyis rnam par mi shes so// dbang po drug gis mi shes gang yin pa// de la gnas par bya bar mi nus te// de nyid tshul khrims yongs su dag par mthong // nams kyang tshul khrims dmigs te gnas pa med// de ni tshul khrims tsam te rlom pa med// de ni bdag tu 'du shes khrims mi bsrung // tshul khrims bsrung yang tshul khrims 'du shes med// dran ldan zab mo'i tshul khrims ldan pa yin// 'jig tshogs lta ba rnam par gsal byas la// de la lta bar byas pa 'byung mi 'gyur// gang la lta med lta ba'i gnas med ba// de ni tshul khrims ldan pa 'tshal mi rlom// zab mo'i chos kyi tshul la zhugs pa ste// de'i cho ga rtag pa ma yin la// shin tu shes bzhin ldan zhing legs par gsungs// tshul khrims sgo nas gzhan gyi rnyed mi 'gyur// bdag tu dmigs pa tshul khrims dmigs par 'gyur// gang la bdag med de la bdag khrims med// bdag yod na ni tshul khrims rlom pa ste// mtha' zhes bya ste gnyis ka'i chags ma yin// bdag med smra ba tshul khrims rlom pa yin// bdag med smra ba tshul khrims brten pa med// bdag med smra ba tshul khrims rlom pa med// bdag med smra ba tshul khrims sems pa med// tshul khrims ma nyams tshul khrims ma rmongs pa// bdag gi tshul khrims ldan zhing bdag mi slong // gang la bdag dang tshul khrims 'du shes med// de 'dra 'di ni zab pa zhes kyang brjod// gang gi tshul khrims de 'drar 'jig pa med// de la nam kyang 'chal pa'i khrims mi 'byung // chos kun dmigs su med pa gang yin pa// de 'dra'i tshul khrims 'phags pa rnams kyis bsngags// byis pa gang dag bdag tu lta la gnas/ tshul khrims srung zhing bdag ni khrims ldan snyam// tshul khrims bde ba ma lus zad gyur nas// de dag ngan 'gro gsum las thar mi 'gyur// gang dag bdag tu lta ba mtha' dag gsal// de dag 'dir ni bdag dang bdag gi med// bdag tu lta med gang de tshul khrims ldan// de la phyin chad log ltar ltung 'jig med// gang zhig tshul khrims rnam par 'di 'dra shes// de la 'chal pa'i tshul khrims lta mi nus// bdag dang de bzhin rnams gsum mi mthong na// tshul khrims tshul khrims lta ci zhig smos// de skad ces bka' stsal pa dang // bcom ldan 'das la lha'i bu zla bas 'di skad ces gsol to// bcom ldan 'das sangs rgyas bcom ldan 'das rnams kyi bla na med pa yang dag par rdzogs pa'i byang chub de tsam du zab pa 'di ngo 'tshar lags so// bcom ldan 'das byang chub sems dpa' sems dpa' chen po de ltar mi gnas pa dang / len pa ma mchis pas/ chos ji lta ba bzhin du gnas la/ rna bar rtog pa thams cad yang dag par 'chad pa dang / bdag tu 'du shes pa dang bral ba dang / bskal pa grangs ma mchis par yang spod pa dang / sangs rgyas kyi chos thams cad yongs su ma rdzogs kyi bar du/ nyan thos dang rang sangs rgyas kyi sar yang mi ltung la/ bar ma dor yang rnam par byang bar yang mi 'gyur ba yang ngo 'tshar che lags so// bcom ldan 'das byang chub sems dpa' sems dpa' chen po chos dang ldan na/ chos zab mo lo yang spyod la/ yang dag pa'i mtha' yang mngon du byugyi lags/ de skad ces gsol pa dang / bcom ldan 'das kyis lha'i bu zla ba la 'di skad ces bka' stsal to// lha'i byang chub sems dpa' sems dpa' chen po chos bzhi dang ldan na/ chos zab mo rnams la yang spyod la/ yang dag ba'i mtha' yang mngon sum du mi byed do// bzhi gang zhe na/ lha'i bu byang chub sems dpa' sems dpa' chen po ni thams cad mkhyen pa'i ye shes sgrub pa'i phyir/ dam bcas pa la brtan pas snying po la gnas pa dang / sems can thams cad yongs su mi gtong bar gnas pa'i phyir/ zhum pa med pa'i brtson 'grus dang ldan pa dang / sangs rgyas kyi gdung rgyun mi chad pa la zhugs pa'i phyir/ snying rje chen po dang ldan pa dang / dge ba'i rtsa ba thams cad yongs su bsngo ba la mkhas pa'i phyir/ thabs mkhas pa ste/ lha'i bu byang chub sems dpa' sems dpa' chen po chos bzhi po de dag dang ldan na/ chos zab mo la yang spyod la/ bar ma dor yang dag pa'i mtha' mngon sum du'ang mi byed do// de nas de'i tshe bcom ldan 'das kyis tshigs su bcad pa 'di dag bka' stsal to// mkhas pa rtag tu yid dam bcas pa brtan// sngon chad yid dam bcas pa spong mi byed// dpa' bo thams cad mkhyen pa'i ye shes phyir// theg pa gzhan la 'dod pa skye mi byed// rtag tu bag dang ldan zhing brtson 'grus rtsom// zhum pa med pa'i sems kyis rtag tu spyod// de yis sems can gang yang btang ba med// de'i sems ni sems can kun la snyoms// 'jig rten 'di dag kun la snying rje bas// sdug bsngal bzod cing sems kyang zhum pa med// ji nas sangs rgyas gdung rgyud mi chad pa// de phyir dkon mchog mang po 'byung bar byed// mkhas rnams thabs shes pa la legs par bslab// le lo med par dge ba yongs su bsngo// 'khor ba'i chu bo la ni phan phyir brtse// bar ma dor ni zag rnams zad mi shes// byang chub sems dpa' 'jigs med gang dag gis// chos rnams 'di dag legs par bsdus par 'gyur// de dag zab mo'i chos rnams spyod pa ste// nams kyang yang dag mtha' la reg mi 'gyur// de nas bcom ldan 'das la lha'i bu zla bas 'di skad ces gsol to// bcom ldan 'das ji ltar na byang chub sems dpa' sems dpa' chen po zab mo la spyod pa lags/ de skad ces gsol pa dang / bcom ldan 'das kyis lha'i bu zla ba la 'di skad ces bka' stsal to// lha'i bu 'di la byang chub sems dpa' sems dpa' chen po ni/ 6so so'i skye bo'i chos rnams kyang bstsal bar yang mi byed de/ sangs rgyas kyi chos kyang rnam par dag par mi mthong ste/ so so'i skye bo'i chos rnams ma gtogs par sangs rgyas kyi chos thob pa yongs su mi tshol lo// so so'i skye bo'i chos kyang gzhan la/ sangs rgyas kyi chos rnams kyang gzhan no zhes de ltar mi sprod do// so so'i skye bo'i chos rnams ni rgya chung la/ rgyamam su sa nas kyi sas rgyas kyim sa ma bsgob pa yang ma tshul ba mabyed pa/ sangs rgyas kyi chos rnams ni che'o zhes de ltar mi spyod do// so so'i skye bo'i chos rnams ni zag pa dang bcas pa yin la/ sangs rgyas kyi chos rnams ni zag pa med pa'o zhes de ltar mi spyod do// gzhan yang de 'di snyam du sems te/ so so'i skye bo'i chos gang dag yin pa dang / sangs rgyas kyi chos gang dag yin pa rnams ni shes pa 'am/ mthong ba 'am/ nye bar gtags par mi nus so// de ci'i phyir zhe na/ stong pa nyid la ni shes pa 'am/ mthong ba 'am/ nye bar rtog pa med de/ 'di lta ste rang bzhin gyi bems po yin pa'i phyir ro// snyam mo// lha'i bu 'di ltar chos rnams kyi chos nyid dang / chos kyi ngo bo nyid dang / chos gnas pa nyid dang / chos ji lta ba bzhin gang yin pa de la ni gnyis po gang gis so so'i skye bo zhes bya 'am/ nyan thos zhes bya ba 'am/ rang sangs rgyas shes bya ba 'am/ yang dag par rdzogs pa'i sangs rgyas shes bya ba gnyis su gnyis po ci yang med do// lha'i bu zab mo la spyod pa'i byang chub sems dpa' rnams la ni/ gang sangs rgyas kyi chos ma yin pa de lta bu gang yang med do// de ci'i phyir zhe na/ lha'i bu chos rnams kyi chos smra ba gang yin pa de ni slar med do// slar med ba de ni brjod du med pa'o// brjod du med pa gang yin pa de la ni yod pa med do// gang la yod pa med pa de la ni 'byung ba med do// gang la 'byung ba med pa de la dngos po'i rnam par rig pa med do// lha'i bu chos thams cad ni dngos po med pa yin te/ gang na chos thams cad kyi bgrang ba las grol ba ni sangs rgyas kyi chos rnams yin te/ lha'i bu de bas na rnam grang 'dis kyang chos thams cad rnam par mi rtog pa'i spyod pa'i tshul gyis/ sangs rgyas kyi chos rnams yin no// zhes de ltar rig par bya'o// gang rnam par rtog pa la spyod pa de dag la ni gnyis su 'jug pa'i rnam par shes 'byung ba yin te/ de dag ni rnam par shes pa'i spyod yul la spyod pa'o// gang dag sangs rgyas kyi chos zag pa med pa gang dag yin// pa de dag le lo yang rtog la de dag la brtag nas kyang zag pa rnams slong bar byed pa de dag gi ni chos kyi dbyings la kan nas nyon mongs pa'am/ rnam par bang ba med par mi sheso// / chos thams cad kyi rang bzhin shes pa yin pa de dag ni chos gang la yang kun nas nyon mongs pa'i chos sam/ rnam par byang ba'i chos su 'dzin pa'ang med/ kun nas nyon mongs pa'i chos sam/ rnam par byang ba'i chos dmigs pa lta ga la yod de de ni gnas med do// lha'i bu de ltar na/ byang chub sems dpa' sems dpa' chen po zab mo'i sprod pa yin te/ gang sangs rgyas kyi chos ma yin pa'i chos gang yang med par mthong la/ gang gis mthong ba yang lhag par mthong ba dang / ji ltar mi mthong ba de lta bur mthong ste/ de ltar mthong ba'i byang chub sems dpa' ni bdud dam/ bdud kyis ris kyi lha rnams kyis mi chags so// de skad ces bka' stsal pa dang / bcom ldan 'das lA lha'i bu zla bas 'di skad ces gsol to// bcom ldan 'das byang chub sems dpa' sems dpa' chen po de ltar 'di lta bu'i chos rnams la nye bar gtogs la/ skye ba yang brtsom par bgyid de/ skye ba dang / gum pa dang / gum nas kyang skye bar 'gyur ba ni ngo 'tshar lags so// bcom ldan 'das kyis bka' stsal pa/ lha'i bu dper na/ sgyu ma mkhan gyi sprul pa ni/ 'ong ba dang / 'gro ba dang / 'dug pa dang / nyal ba dang / smra bar yang byed la/ de yang rnam par mi rtog pa bzhin du/ lha'i bu gang gis chos thams cad sgyu ma lta bur shes pa de ni 'gro ba dang / skye ba thams cad kyang stong la/ de yang rnam par mi rtog go// lha'i bu byang chub sems dpa' ni skye ba dang / 'byung ba yang rlom sems su mi byed la/ sngon gyis byin gyis brlabs kyis skye bar 'gyur ro// de skad ces bka' stsal pa dang / bcom ldan 'das la lha'i bu zla bas 'di skad ces gsol to// bcom ldan 'das kyis gang 'di skad du/ byang chub sems dpa' ni skye ba dang / 'byung ba yang rlom sems su mi byed ces bka' stsal pa de la/ bcom ldan 'das de bzhin gshegs pa ni lha mo sgyu 'phrul las 'khrungs te/ sku bkrun pa'i yum la thugs rtse ba'i slad du/ sum cu rtsa gsum pa'i lha rnams kyi nang du dbyar gnas par zhal gyi bzhes na/ ji ltar de bzhin gshegs pa rlom sems su mi mdzad pa lags/ bka' stsal pa/ lha'i bu de bzhin gshegs pa ni lha mo sgyu 'phrul ma las skyes so// gsol pa/ 'o na de bzhin gshegs pa gang las 'khrung lags/ bka' stsal pa/ lha'i bu de bzhin gshegs pa ni shes rab kyi pha rol tu phyin pa las skyes so// lha'i bu gang dag shes rab kyi pha rol ta phyin pa ni sangs rgyas bcom ldan 'das rnams skyes pa'i yum mo// zhes smra ba ni yang dag par smra ba yin no// shes rab kyi pha rol tu phyin pa ni/ 'das pa dang / ma 'ongs pa dang / da ltar byang ba'i sangs rgyas bcom ldan 'das rnams bskyed pa'i yum yin no// zhes smras pa ni yang dag par slab pa yin no// de ci'i phyir zhe na/ lha'i bu skyes bu chen po'i mtshan sum cu rtsa gnyis ni/ lha mo sgyu 'phrul las skyes pa ma yin/ lha'i bu skyes bu chen po'i mtshan sum cu rtsa gnyis ni shes rab kyi pha rol tu phyin pa la slabs pas mngon par grub pa yin no// lha'i bu de bzhin gshegs pa'i stobs bcu po 'di dag ni lha mo sgyu 'phrul las skyes pa ma yin gyi de bzhin gshegs pa'i stobs bcu ni/ shes rab kyi pha rol tu phyin pa la bslabs pas mngon par grub pa yin no// lha'i bu de bzhin gshegs pa'i mi 'jig pa bzhi po 'di dag ni lha mo sgyu 'phrul las skyes pa ma yin no// sangs rgyas kyi chos ma 'dres pa bcwo brgyad dang / byams pa chen po dang / snying rje chen po dang / dga' ba chen po dang / gtang snyoms chen po dang / spo gtsug ltar mi mthong ba dang / de bzhin gshegs pa don yod pa dang / sangs rgyas kyi spyan dang / sangs rgyas kyi ye shes dang / sangs rgyas kyi so so yang dag par rig pa dang / pha rol gyi sems shes pa dang / lha'i bu mdor bsdu na/ gang dag gis de bzhin gshegs pa de bzhin gshegs pa zhes bya ba'i grangs su 'gro ba'i sangs rgyas kyi chos de lta bu gang dag yin pa de dag ni/ lha mo sgyu 'phrul las skyes pa ma yin gyis lha'i bu de ltar na de bzhin gshegs pa'i sangs rgyas kyi chos dpag tu med pa gang dag gis/ de bzhin gshegs pa de bzhin gshegs pa zhes bya ba'i grangs su 'gro ba de lta bu de dag ni shes rab kyi pha rol tu phyin pa la spyod cing / shes rab kyi pha rol tu phyin pa la bslabs pas/ mngon par grub pa yin te/ lha'i bu khyod chos kyi rnam grangs 'dis kyang / ci nas de bzhin gshegs pas shes rab kyi pha rol tu phyin pa las skyes kyi/ lha mo sgyu 'phrul ma yin pa de ltar rig par bya'o// de nas bcom ldan 'das la lha'i bu zla bas 'di skad ces gsol to// bcom ldan 'das gal te shes rab kyi pha rol tu phyin pa la chos gang gis yang bskyed pa ma lags/ kun pa ma lags/ 'gags par mi bgyid pa ma lags/ na/ bcom ldan 'das ji ltar shes rab kyi pha rol tu phyin pa la de bzhin gshegs pa kun pa lags/ bka' stsal pa/ lha'i bu chos gang dag gis de bzhin gshegs pa de bzhin gshegs pa zhes bya ba'i grangs su 'gro ba'i chos de dag ni skye ba yang med/ 'chi 'pho yang med/ 'byung ba yang med do// lha'i bu gang skye ba yang med/ 'chi 'pho yang med/ 'byung ba yang med la de lta bu'i ye shes de bskyed pa ni shes rab kyi pha rol tu phyin pa ste/ shes rab kyi pha rol tu phyin pa las ni gang skye ba med pa dang / 'chi 'pho med pa dang / 'byung ba med pa'i de bzhin gshegs pa skyes so// lha'i bu gang la skye ba yang med pa dang / 'chi 'pho ba yang med/ 'byung ba yang med pa de ni shes rab kyi pha rol tu phyin pa yod pa las yang dag par 'byung ba yod mod kyi/ shes rab kyi pha rol tu phyin pa med pa las ni nges par 'byung ba med do// gsol pa/ bcom ldan 'das de ltar shes rab 'chis na/ nges par 'byung ba ma mchis pa lags na/ ci shes rab la sems pa 'am/ 'tshal ba ma mchis sam/ bka' stsal pa/ lha'i bu shes rab la ni sems pa 'am/ shes pa yang med do// lha'i bu gal te shes rab sems pa'am shes pa zhig yin par 'gyur na// shes rab las rtag tu nges par 'byung ba med par 'gyur ro// de ci'i phyir zhe na/ lha'i bu gang la sems sam/ tshor ba yang yod na de la nges par 'byung ba ci yang med pa'i phyir// lha'i bu gang gi shes rab kyi pha rol tu phyin pa sems pa med cing shes pa med pa de'i phyir shes rab rtag tu nges par 'byung ba yin no// gsol pa/ bcom ldan 'das nges par 'byung ba zhes bgyi ba de gang gi tshigs bla dgas lags/ bka' stsal pa/ lha'i bu spros pa med pa'i tshigs bla dges so// gsol pa/ bcom ldan 'das spros pa ma mchis pas ci zhig nges par 'byin par bgyi lags/ bka' stsal pa/ lha'i bu gang dag spros pa gcod pa de dag ni kham gsum du skye bar mi 'dor ro// gang dag spros par mi byed pa de dag ni khams gsum du skye bar 'dor bar byed do// lha'i bu de lta bas na gang khyod spros pa med pa nges par 'byung bso ci zhig nges par 'byin ces zer ba ni/ khams gsum las nges par 'byin par byed do// gsol pa/ bcom ldan 'das kyi khams gsum las yang dag par 'da' bar bgyi ba'i slad du nyon thos rnams la chos ston pa lags sam/ bka' stsal pa/ lha'i bu da ni 'dod pa'i khams las rtsa ma ste/ nyan thos rnams / la chos ston la/ de bzhin gshegs pas 'dod pa'i khams kyang mi dmigs so// lha'i bu nga ni gzugs kyi khams las kyang brtsam ste/ nyan thos rnams la chos ston la/ de bzhin gshegs pas gzugs kyi khams kyang mi dmigs so// lha'i bu nga ni gzugs med pa'i khams las brtsams te/ nyan thos rnams la chos ston la/ de bzhin gshegs pas gang gzugs med pa'i khams kyang mi dmigs so// lha'i bu nga ni yang dag par 'da' bar bya ba'i phyir chos ston la/ de bzhin gshegs pas yang dag par 'da' ba'i chos de yang dag par ma mthong ngo // lha'i bu nga'i nyan thos rnams ni 'dod pa'i khams la dmigs nas/ 'dod pa'i khams las yang dag par 'da' bar mi byed do// nga'i nyan thos rnams ni gzugs kyi khams la dmigs nas/ gzugs kyi khams las yang dag par 'da' bar mi byed do// nga'i nyan thos rnams ni gzugs med pa'i khams la dmigs nas/ gzugs med pa'i khams las 'da' bar mi byed do// lha'i bu gzhan yang nga'i nyan thos rnam ni khams gsum mi dmigs pas/ khams gsum pa la mi rten te/ chos rnams stong pa nyid du dmigs pas/ 'dod pa'i khams dang smon lam mi 'debs so// gzugs kyi khams su smon lam mi 'debs so// gzugs med pa'i khams su smon lam mi 'debs so// khams gsum par smon lam mi 'debs pas na/ khams gsum par mi skye'o// ma skyes pa de dag gi 'gro ba ni bdags su med do// kye lha'i bu 'on kyang 'phags pa rnams ni yang dag par 'da' ba zhes de skad brjod par mdzad do// 'on kyang don dam par na/ 'di la su yang dag par 'da' ba yang med do// 'ong ba yang med do// de ci'i phyir zhe na/ lha'i bu chos thams cad ni yang dag par 'da' ba med pa las lta bar bya'o// lha'i bu dper na nam mkha' ni ma skyes pa/ ma byas pa/ mngon par ma grub pa/ bzod pa med pa/ 'ong ba med pa ste chos thams cad de bzhin du lta bar bya'o// gtam 'di bstan pa na/ 'khor de'i nang nas/ lha'i bu bdun khri nyis stong chos rnams la chos kyi mig rdul med cing dri ma dang bral ba skyes so// sngon dge ba'i rtsa ba skyed pa'i lha'i bu khri drug stong ni/ bla na med pa yang dag par rdzogs pa'i byang chub tu sems skyes so// dge ba'i rtsa ba yongs su smin pa'i byang chub sems dpa' brgyad stong ni mi skye ba'i chos la bzod pa skyes so// de dag gi lag tu bcom ldan 'das kyis mthus/ sngon ma byung ba'i me tog gi snod byung bar gyur te/ me tog gi snod de dag nas de bzhin gshegs pa la gtor to// me tog de dag gis kyang sum cu rtsa gsum pa'i gnas khor khor yug tu khebs par gyur to// de nas bcom ldan 'das la lha'i dbang po brgya byin gyis 'di skad ces gsol to// bcom ldan 'das lha'i bu 'di rnams kyis de bzhin gshegs pa la me tog gtor ba gang lags pa 'di dag ni sngon ma mthong lags so// de nas lha'i bu zla bas lha'i dbang po brgya byin la 'di skad ces smras so// ke'u shi ka da ltar gang la me tog gis gtor ba'i de bzhin gshegs pa 'di yang sngon ma mthong ngo // de ci'i phyir zhe na/ ke'u shi ka sems gang gis de bzhin gshegs pa ma mthong ba'i sems can de ni 'gag shing med par gyur te/ mthong bar mi nus so// ke'u shi ka de bas na gang ci mthong yang rung ste/ de dag thams cad ni sngon ma mthong ba'o// gang ci thos kyang ste/ de dag thams cad ni sngon ma thos pa'o// smras pa/ lha'i bu khyod kyis de bzhin gshegs pa mthong ngam/ smras pa/ ke'u shi ka gal te de bzhin gshegs pa gzug shes bya ba yin na ni/ bdag gis de bzhin gshegs pa mthong ngo / ke'u shi ka gal te de bzhin gshegs pa tshor ba dang / 'du shes dang / 'du byed rnams dang / rnam par shes pa bya ba yin na ni/ bdag gis de bzhin gshegs pa mthong na/ ke'u shi ka de bzhin gshegs pa ni gzugs shes bya ba 'am/ tshor ba dang / 'du shes dang / 'du byed rnams dang / rnam par shes pa zhes bya ba ma yin no// ko'u shi ka de bzhin gshegs pa ni phung po lnga'i chos kyi mtshan nyid kyis rab tu phye ba ma yin te/ de ni mthong ba dang sla ba yin no// ko'u shi ka gzhan yang gang yang khyod 'di skad du/ lha'i bu khyod kyis de bzhin gshegs pa mthong ngam/ zhes zer ba ni/ ji ltar de bzhin gshegs pas bdag gzigs pa de bzhin/ bdag gis de bzhin gshegs pa mthong ngo // smras pa/ lha'i bu khyod kyis de bzhin gshegs pa ji ltar mthong / smras pa/ ke'u shi ka de bzhin gshegs pa 'dun na bzhugs pa 'di la zhus shig/ de nas bcom ldan 'das la lha'i dbang po rgya byin gyis 'di skad ces gsol to// bcom ldan 'das lha'i bu zla ba ji ltar gzigs lags/ bka' stsal pa/ ko'u shi ka gzugs su mi mthong ngo // tshor ba dang / 'du shes dang / 'du byed rnams dang / rnam par shes pa mi mthong ngo / sngon gyi mtha' dang / phyi ma'i mtha' dang / da ltar byung bar mi mthong ngo // langs pa dang / 'dug pa dang / 'gro ba dang / 'ong ba dang / rgyab dang / glu dang / 'dun dang / chos ma gtogs par mi mthong ngo // slob par mi mthong ngo // mi slob par mi mthong ngo // mi slob pa'i chos dang ldan par mi mthong ngo // dgra bcom par mi mthong ngo // dgra bcom pa'i chos dang ldan par mi mthong ngo // nyan thos kyi sa dang / sa sangs rgyas kyi sa dang / sangs rgyas kyi sar mthong ste/ ko'u shi ka de ltar mthong ngo // ko'u shi ka sus de ltar mthong ba des ni yang dag par mthong ste/ log par mthong ba ma yin te/ sus yang dag par mthong ba des ni ci yang mi mthong ngo // su ci yang mi mthong ba des ni mnyam par mthong ste/ mi mnyam ba dang mnyam par mi mthong ngo // ko'u shi ka de ltar gzigs pa'i de bzhin gshegs pa'i de bzhin gshegs pa zhes bya'o// ko'u shi ka de ltar gzigs pa'i de bzhin gshegs pa ni de bzhin gshegs pa zhes te/ 'on kyang de bzhin gshegs pa ni chos kyi dbyings 'dres par yang mi mdzad de/ ko'u shi ka 'di ji snyam du sems bya/ de ltar gzigs pa'i de bzhin gshegs pas/ ci zhig gzigs pa'i de bzhin gshegs par 'gyur/ gsol pa/ bcom ldan 'das de bzhin gshegs pas ni ming gzigs pa ma lags/ gzugs gzigs pa ma lags te/ bcom ldan 'das 'di la ni chos 'ga' tsam yang grangs su bgyis pa ma mchis so// bcom ldan 'das ci de bzhin gshegs pas ji ltar gzigs pa de bzhin du/ lha'i bu zla bas kyang de ltar mthong lags sam// bka' stsal pa/ ko'u shi ka mi skye ba'i chos la bzod pa thob pa'i byang chub sems su yang rung ba de dag thams cad kyis ni/ chos kyi dbyings kyi lugs kyis chos 'ga' tsam yang bzung ba'i/ chos gang yang mi mthong ngo // gsol pa/ bcom ldan 'das ci lha'i bu zla ba mi skye ba'i chos la bzod pa thob lags sam/ bcom ldan 'das kyis bka' stsal pa/ ko'u shi ka khyod kyis lnga'i bu zla ba 'di nyid la dris shig dang / 'di nyid kyi khyod la lan ldon no// de nas lha'i dbang po brgya byin gyis lha'i bu zla ba la 'di skad ces smras so// lha'i bu khyod mi skye ba'i chos la bzod pa thob sam/ smras pa/ ko'u shi ka mi skye ba skye 'am/ smras pa/ lha'i bu de ni ma yin no// smras pa// le ko'u shi gal te mi skye ba skye bar gyur na/ mi skye ba'i chos rnams su su'i bzod pa bskyed par 'gyur/ ko'u shi ka mi skye ba zhes bya ba de ni chos kyi dbyings kyi tshig bla dgas so// chos kyi dbyings gang yin pa de la skye ba 'am/ 'gags pa mi dmigs so// de nas lha'i dbang po brgya byin 'di snyam du sems te/ lha'i bu 'di'i bstan pa de 'dra ba las na/ skye ma lha'i bu 'di ni bzod pa thob pa yin te/ bla na med pa yang dag par rdzogs pa'i byang chub dang nye ba snyam mo// de nas lha'i bu zla bas lha'i dbang po brgya byin gyi sems kyi yongs su rtogs pa sems kyis shes nas/ lha'i dbang po brgya byin la 'di skad ces smras so// ko'u shi ka bzod pa thob gang dag yin pa de dag ni sangs rgyas kyi byang chub dang nye ba ma yin no// smras pa/ lha'i bu khyod ci las bsams te de skad zer/ smras pa/ ko'u shi ka thob ces bya ba de ni dmigs pa'i tshigs bla dgas yin la/ dmigs pas ni byang chub mngon par rdzogs par 'tshang mi rgya'o// mi skye ba'i bzod pa zhes bya ba de ni mi skye ba'i tshigs bla dgas so// mi skye ba gang yin pa de nyid ni byang chub po// smras pa/ lha'i bu zla ba byang chub nyid gang / las btsal bar bya/ smras pa/ ko'u shi ka byang chub ni bdag gis ngo bo nyid las btsal bya'o// smras pa/ bdag gi ngo bo nyid gang las btsal bar bya/ smras pa/ chos gang ma skyes/ mi skye/ skye bar mi 'gyur ba de las btsal bar bya'o// ces nas kyang btsal bar bya'o// tshol ba ni/ gang gis btsal ba de yang slong bar mi byed pa de ltar btsal bar bya'o// de nas bcom ldan 'das la lha'i dbang po brgya byin gyis 'di skad ces gsol to// bcom ldan 'das lha'i bu zla ba 'di de ltar zab mo'i shes rab dang ldan pa ngo mtshar lag so// bcom ldan 'das lha'i bu zla ba 'di gang nas shi 'phos te 'dir mchis lags/ de nas lha'i bu zla bas lha'i dbang po brgya byin la 'di skad ces/ ko'u shi sgyu ma mkhan gyis skyes pa 'am/ bud med sprul pa gang yin pa de bang nas shi 'phos te 'dir 'ongs/ 'di nas shi 'phos nas gang du 'gro bar 'gyur/ smras pa/ lha'i bu sgyu ma sprul pa la ni 'chi 'pho 'am/ skyed pa med do// de ci'i phyir zhe na/ de rnam par rtog pa med pa'i phyir ro// smras pa/ ko'u shi ka khyod 'di skad du/ sprul pa 'di gang nas shi 'phos te 'dir 'ongs/ 'di nas shi 'phos te gang du 'gro bar 'gyur/ zhes zer ba de ci mkhas rnams kyis spang bar mi 'gyur ram/ smras pa/ lha'i bu de de bzhin no// smras pa/ ko'u shi ka bdag ni khyod kyis dri ba de la 'di snyam byed de/ gang khyod kyi lha'i bu 'di gang nas shi 'phos te 'dir mchis/ 'di nas shi 'phos nas gar skye bar 'gyur/ zhes zhus pa ni/ sgyu ma lta bu'i chos rnams la 'di skad 'dri bar zad do// snyam mo// ko'u shi ka 'di ji snyam du sems/ de bzhin gshegs pas sprul par mdzad pa gang yin pa de 'ong ngam/ 'chi 'pho 'am/ skye 'am/ smras pa/ lha'i bu de ni ma yin no// smras pa/ ci bya ba gang gi phyir/ sprul pa bya ba de byed dam// smras pa/ lha'i bu byed do// smras pa/ ko'u shi ka de bzhin du gang gis chos thams cad sprul pa lta bu dang / sgyu ma lta bur rtogs pa de ni 'gro ba dang / 'ong ba dang / 'chi 'pho ba dang / skye ba yang ston la/ de ni ci la yang rnam par mi rtog ste/ bya ba de yang byed do// ko'u shi ka 'di ji snyam du sems/ gang rmi lam du gzugs mthong ba 'am/ sgra thos pa 'am/ dri snom pa'am/ ro myong ba 'am/ reg bya la reg pa 'am/ chos rnam par shes pa de dag ci de na ci yang yod dam/ smras pa/ lha'i bu de ni med do// ko'u shi ka de bzhin du/ gang gis chos thams cad rmi lam gyi ngo bo nyid du rtog pa de mthong ba dang thos pa dang / dran pa dang / bye brag phyed pa dang / rnam par rigs pa'i chos rnams la chags par mi 'gyur/ rjes su chag par mi 'gyur/ khong khro bar mi 'gyur/ mthong ba dang / thos pa dang / dran pa dang / bye brag phye ba dang / rnam par shes pa'i chos kyang gzhan dag la brjod par byed la/ brjod pa de yang mngon par zhen pa med do// de nas bcom ldan 'das la lha'i dbang po brgya byin gyi 'di skad ces gsol to// bcom ldan 'das lha'i bu zla ba 'di skye ba yang mi dmigs/ 'chi 'pho yang mi dmigs na/ bcom ldan 'das ji ltar na sems can rnams yongs su smin par bgyi ba rtogs shing bgyid par 'gyur lags gang la skye ba yang ma mchis/ 'chi 'pho ba yang ma mchis pa de ni nyan thos kyi sa ma lags te/ de ni byang chub sems dpa'i sa ma lags so// bcom ldan 'das byang chub sems dpas ni bskal pa stong phrag mang por 'khor bar bgyi 'tshal lags so// de skad ces gsol pa dang / bcom ldan 'das kyis lha'i dbang po brgya byin la 'di skad bka' stsal to// ko'u shi ka byang chub sems dpa' mi skye ba'i chos la bzod pa bskyed pa ni su yang rung ste/ de ni skye ba yang rlom sems med la/ 'chi 'pho la yang rlom sems med de/ de ni dgra bcom pa yongs su mya ngan las 'das nas lo brgya lon pa ji lta ba bzhin du bzung bar bya'o// de ci'i phyir zhe na/ de lta ni bdag tu 'du shes pa dang / gzhan du 'du shes mi 'jug pa'i phyir ro// ko'u shi ka gzhan yang byang chub sems dpa' gang gtan tu yongs su mya ngan las 'das pa'i chos rnams la/ de ltar skye ba la yang rlom sems mi byed/ 'chi 'bo la yang rlom sems mi byed pa dang / bdag tu 'du shes par yang mi byed/ gzhan du 'du shes par yang mi byed la/ sems can gang chos kyi tshul gyis bzod pa 'di mi shes pa de dag la brda' phrad pa'i phyir// snying rje chen pos ched du bskal pa bye ba 'bum phrag grangs med par 'khor yang skyo ba med pa ni mchog tu dga' ba byed pa yin no// ko'u shi ka dper na mi la la zhig me dag gi dong du lhung nas tshig cing 'dug ba de la/ mi snying rje chen po dang ldan pa 'ga' zhig gis lus dang srog la yang bltas te/ 'dod pa'i yon tan lnga la dga' zhing 'dug pa las/ dga' zhing rtse ba bor nas me'i phung po de'i nang nas mi de phyung ste/ bdag nyid tshig pa'i nang du blangs na/ ko'u shi ka 'di ji snyam du sems/ mi de dka' ba byed pa yin nam/ gsol pa/ bcom ldan 'das dka' ba bgyid pa lags so// bka' stsal pa/ ke'u shi ka byang chub sems dpa' gang nyon mongs pa thams cad las grol la/ srid pa len par byed pa ni/ de bas kyang ches dka' ba byed pa yin no// ke'u shi ka de bas na rnam grangs 'dis kyang khyod kyis 'di ltar rig par bya ste/ byang chub sems dpa' sems dpa' chen po ni/ ci nas kyi nyan thos dang / rang sangs rgyas rnams zil gyis gnan nas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// ke'u shi ka khyod 'di skad du/ lha'i bu 'di gang nas shi 'phos te 'dir 'ong zhes zer ba des ngas gshad kyis nyon cig/ ke'u shi ka sangs rgyas kyi zhing 'di nas shar phyogs su sangs rgyas kyi zhing khrag khrig 'bum phrag bdun cu rtsa gnyis 'das pa na/ 'jig rten gyi khams rin po che'i phung po bgrang ba zhes bya ba zhig yod de/ 'jig rten gyi khams de na/ rin po che du mas brgyan pa'i shing ljon pa rin po che sna tshogs me tog rgyas pa dag dang / phyag sa'i skye mos tshal gyi khang pa brtsegs pa rin po che sna tshogs kyi spras pa'i zam pa dang ldan pa dag yod do// sa gzhi chen po de yang bai DUr las grub pa ste/ rin po che 'bum phrag mang pos smras so// ke'u shi ka 'jig rten gyi khams rin po che'i phung po bkra/ ba de na/ de bzhin gshegs pa dgra bcom pa yang dag par rdzogs pa'i sangs rgyas phyag na rin chen gzi brjid mngon par 'phags pa'i rgyal po zhes bya ba chos ston to// de na theg pa gnyis po 'di lta ste/ nyan thos kyi theg pa dang / rang sangs rgyas kyi theg pa rnam par gzhag pa med do// sangs rgyas kyi zhing de na byang chub sems dpa' sems dpa' chen po 'ba' zhig gis gang ngo // ke'u shi ka de bzhin gshegs pa dgra bcom pa yang dag par rdzogs pa'i sangs rgyas phyag na rin chen gzi brjid mngon par 'phags pa'i rgyal po de'i chos bstan pa re re la byang chub sems dpa' khrag khrig sum cu rtsa drug gi bzod pa thob par gyur te/ bzod pa thob pa'i mod la byang chub sems dpa' de dag ta la bdun srid tsam gyis nam mkha' la 'phags nas/ sangs rgyas kyi zhing thams cad rab tu g.yos par byas nas/ stong gsum gyi stong chen po'i 'jig rten gyi khams thams cad rin po che'i pad ma 'dab ma 'bum yod pa sha stag gis pus mo nab tsam du khebs par byas nas/ de ltar 'khod bzhin du yang dag par rdzogs pa'i sangs rgyas gzhan dag la blta ba dang / phyag 'tshal ba dang / bsnyen bkur bya ba dang / chos nyan pa'i phyir bar snang las sangs rgyas kyi zhing dag tu dong bar byed do// ke'u shi ka sangs rgyas kyi zhing der bzod pa thob pa'i byang chub sems dpa' su yang mi gnas te/ bzod pa thob pa'i mod la sangs rgyas kyi zhing du 'dong ngo // kai'u shi ka de bzhin gshegs pa de byung nas/ bskal pa bcu gnyis kyi bar du nyin cig bzhin du nyin lan gsum mtshan lan gsum du chos bshad pa 'byung ste/ chos bstan pa re re la byang chub sems dpa' bye ba khrag khrig phrag bcu drag gis bzo ba thob par gyur te/ bzod pa thob pa'i mod las sangs rgyas kyi zhing dag tu 'dong ngo // ke'u shi ka byang chub sems dpa' ji snyed bzod pa thob nas sangs rgyas kyi zhing gzhan du dong ba ji snyed kyi byang chub sems dpa' bye ba khrag khrig 'bum phrag mang po dag gis mi stongs so// ke'u shi ka 'jig rten gyi khams rin po che'i phung po bkram pa de na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas phyag na rin chen gzi brjid mngon par 'phags pa'i rgyal po de'i thad nas/ lha'i bu zla ba 'di mi snang bar gyur te/ nga la lta ba dang / 'phyag 'tshal ba dang / bsnyen bkur ba dang / zhu ba dang / dri bar bya ba dang / chos kyi rnam grangs 'di yang skye bo mang po la rgyas par bya ba dang / byang chub sems dpa' gzhan dag gis yang chos kyi bzod pa 'di yongs su rdzogs par bya ba'i phyir/ sum cu rtsa gsum gyi gnas 'dir gnos par gyur to// ke'u shi ka lha'i bu zla ba 'di ni nga'i tshe'i thad gtugs kyi bar du dam pa'i chos yongs su bzung nas/ de bzhin gshegs pa yongs su mya ngan las 'das pa'i 'og tu phyi ma'i tshe/ phyi ma'i dus na dam pa'i chos yongs su bzung nas de bzhin gshegs pa mya ngan las 'das pa'i 'og tu/ phyi ma'i dus na dam pa'i chos nub pa'i dus la bab na/ 'di nas shi 'phos nas 'dzam bu'i gling du mi rnams dang bskal pa mnyam par skye bar 'gyur ro// 'di lha'i bu chos kyi rnam grangs zab mo zab par snang ba 'di dag yongs su 'dzin pa la brtson par 'gyur ro// sems can 'bum phrag mang po dag kyang chos kyi bzod pa 'di la 'dod pa bskyed par 'gyur/ de phyi ma'i tshe phyi ma'i dus na dam pa'i chos nub pa na/ mi'i 'jig rten nas 'chi 'phos nas/ dga' ldan gyi lha'i ris su skye bar 'gyur te/ dga' ldan gyi lha'i gnas na gnas pa'i byang chub sems dpa' sems dpa' chen po byams pa dang lhan cig tu sangs rgyas bcom ldan 'das kyi byang chub 'di 'dzin du 'jug par 'gyur te/ lha'i bu 'bum phrag dpag tu med pa sngon byang chub sems ma skyes pa dag kyang skyed du 'jug par 'gyur ro// gang gi tshe byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de'i tshe na/ lha'i bu 'di ni 'dzam bu'i gling du gnas te/ lo bcu'i bar du khyim par 'dug cing de bzhin gshegs pa byams pa nyan thos kyi dge 'dun dang bcas pa la bkur sti byed/ bla mar byed par 'gyur/ de de'i 'og tu mi khri stong dang lhan cig tu khyim nas khyim med par rab tu byung bar 'gyur te/ rab tu byung nas kyang de bzhin gshegs pa byams pa'i tshe'i thad gtugs pa'i bar du dam pa'i chos yongasu 'dzin par 'gyur ro// yongs su mya ngan las 'das kyang dam pa'i chos ji srid du gnas pa de srid du dam pa'i chos yongs su 'dzin par 'gyur ro// bskal pa bzang po'i sangs rgyas dgu brgya dag bcu rtsa drug 'byung bar 'gyur ba gang dag yin pa de dag thams cad mnyes par 'gyur te/ mnyes par byas nas kyang bkur sti byed par 'gyur te/ sangs rgyas bcom ldan 'das de dag thams cad kyi thad du tshangs par spyad pa spyod pa 'gyuraro// de de'i 'og tu bskal pa gang gA'i klung bdun cu'i bye ma snyed 'das pa na/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas zla ba'i 'od ces bya ba 'jig rten du 'byung bar 'gyur ro// de nas lha'i bu zla mchog gis zla ba la 'di skad ces smras so// lha'i bu khyod bcom ldan 'das kyis bla na med pa yang dag par rdzogs pa'i byang chub tu lung bstan na/ ci khyod de bzhin gshegs pa la lha'i bu lhag par dga' ba dang / dang ba dang / gus pa skye 'am/ de skad ces smras pa dang / lha'i bu zla bas lha'i bu zla mchog la 'di skad ces smras so// lha'i bu de bzhin gshegs pa ni bdun pa'i dbang du 'gro ba 'am/ 'jigs pa'i dbang du 'gro bas/ lung bstan pa cung zad kyang med de/ lha'i bu de bzhin gshegs pa ni byang chub sems dpa'i bslab pa la slob par lung ston par zad na/ bdag gi de bzhin gshegs pa'i lhag par dga' ba 'am/ dang ba 'am/ gus pa skyed du cig yod/ smras pa/ lha'i bu dang ba gang las yongs su btsal bar bya/ smras pa/ dang ba sems las yongs su btsal bar bya'o// smras pa/ gang sems la sems su 'du shes pa des/ dang ba gang las btsal bar bya/ smras pa/ gang la 'dzin pa med pa de la dang ba yod do/ smras pa/ gang la 'dzin pa med pa de la mchog tu dang ba yod dam/ smras pa/ lha'i bu 'di ni dang ba yin te/ gang la sdang ba yang med/ rab tu sdang ba yang med pa dang / dang ba med pa dang / gang la so so'i skye bo'i dang ba med pa de la ni dang ba yod do// de de ltar dang bar gyur pas/ de la rang bzhin gyi dang ba yang med la/ de ni phyin chad kyang sdang bar mi 'gyur ro// lha'i bu de lta bas na dang ba thob par 'dod pas/ myur du chos lnga sbyor ba yang med/ 'bral ba yang med pa de ltar sbyor bar bya'o// de ci'i phyir zhe na/ chos kyi dbyings la ni sbyor ba yang med/ 'bral ba yang med pa'i phyir ro// de nas lha'i bu zla bas 'di skad ces smras so// lha'i bu byang chub sems dpa'i bslab pa zhes bya na/ byang chub sems dpa' rnams kyi bslabs pa rnams gang yin smras pa/ lha'i bu gang la lus kyang med/ lus kyi sdom pa yang med/ ngag kyang med/ ngag gi sdom pa yang med/ yid kyi sdom pa yang med pa ni/ byang chub sems dpa' rnams kyi sdom pa'i mchog yin no// gang la yid kyang med/ 'dzin pa yang med/ stsogs pa yang med/ 'dri ba yang med pa de ni/ lha'i bu byang chub sems dpa' rnams kyi bslab pa yin no// de nas lha'i bu zla mchog gi lha'i bu zla ba la 'di skad ces smras so// lha'i bu khyod bslab pa 'di la bslab pas/ de bzhin gshegs pas lung bstan tam/ smras pa/ lha'i bu bdag ni bslab pa 'di la bslob pas/ de bzhin gshegs pas lung bstan to// de ci'i phyir zhe na/ lha'i bu bslab pa 'di la ni gang gis shes par 'gyur ba'i bdag gam/ bdag slob po snyam du 'dzin pa med de/ yang dag par zhugs pa de ni bdag slob po snyam du de ltar mi sems so// ji tsam gyis na yang dag par zhugs par gyur/ smras pa/ gang mnyam pa nyid la smon par mi byed/ 'bri bar mi byed/ len par yang mi byed/ 'dor bar yang mi byed pa dang / gang mnyam pa nyid la chos 'di dag ni mchog go// chos 'di dag ni ngan pa'o zhes gnyis su mi 'byed cing / chos 'di la so sor yang dag par so sor shes te/ de ltar zhugs pa gang yin pa de ni yang dag par zhugs pa zhes bya'o// de nas lha'i bu zla mchog gi lha'i bu zla ba la 'di skad ces smras so// lha'i bu khyod kyi chos gang dag thob pa dang / chos gang dag spangs pa'i phyir de bzhin gshegs pas lung bstan pa/ smras pa/ lha'i bu bdag ni so so'i skye bo'i chos rnams spangs pa dang / sangs rgyas kyis chos rnams thob pa'i phyir/ de bzhin gshegs pas lung bstan pa ma yin gyis/ lha'i bu bdag ni chos 'di dag ma spangs ma thob pa'i phyir/ de bzhin gsheg pas lung bstan to// smras pa/ de ltar na ni byis pa so so'i skye bo rnams kyang lung ston par 'gyur ro// de ci'i phyir zhe na/ so so'i skye bo rnams ni so so'i chos rnams kyang ma spangs la/ sangs rgyas kyi chos rnams kyang ma thob pa'i phyir ro// smras pa/ lha'i bu so so'i skye bo'i chos rnams kyi ci zhig spros par byed/ smras pa/ stong pa nyid dang / chos nyid spros par byed do// smras pa/ sangs rgyas kyi chos de dag gi cig spros par byed/ smras pa/ de bzhin nyid dang / yang dag pa'i mtha' smos par byed do// smras pa/ stong pa nyid dang chos nyid spros par nus sam/ smras pa/ lha'i bu de ni ma yin no// smras pa/ de bzhin nyid dang / yang dag pa'i mtha' spros par nus sam/ smras pa/ de ma yin no// lha'i bu bdag gis de las bsams te/ so so'i skye bo'i chos rnams ma spangs pa dang / sangs rgyas kyi chos rnams ma thob pa'i phyir/ de bzhin gshegs pas bdag lung bstan to zhes smras pa ci stong pa nyid dang / chos kyi dbyings dang / de bzhin nyi dang / yang dag pa'i mtha' byang chub ji ltar lung bstan pa bzhin du/ khyod de bzhin gshegs pas byang chub tu lung bstan tam/ smras pa/ bdag ni stong pa nyid dang chos kyi dbyings dang de bzhin dang / yang dag pa'i mtha' ji lta ba de bzhin du lung bstan to// lha'i bu chos 'di ngag gi de bzhin nyid ji lta ba bzhin du lung bstan pa yang de bzhin te/ gang lung bstan zin pa yang de bzhin no// gang mngon par rdzogs par 'tshang rgya bar 'gyur ba 'am/ mngon par rdzogs par 'tshang rgya ba yang de bzhin no// de nas bcom ldan 'das la lha'i bu zla mchog gis 'di skad ces gsol to// bcom ldan 'das lha'i bu zla ba 'di ni zab mo'i shes/ pa dang ldan pa lags so// bcom ldan 'das kyis bka' stsal pa/ lha'i bu bzod pa thob pa'i byang chub sems dpa' rnams kyi chos nyid ni de yin te/ lan cig yang mi 'debs pa de dag thams cad kyi chos kyi dbyings kho nas 'debs la/ chos kyi dbyings ni bstan pa 'am/ lan gdab pa 'am/ brjod par yang mi nus so// de ci'i phyir zhe na/ chos kyi dbyings ni brjod du med cing bstan du med pa'i phyir ro// chos kyi dbyings ji lta ba bzhin du sems can gyi khams kyang de dang 'dra'o// sems can gyi khams ji bzhin du sangs rgyas kyi yul yang de dang 'dra'o// chos thams cad kyang de dang 'dra'o// lha'i bu byang chub sems dpa' gang dag de ltar chos kyi dbyings kyis rjes su 'gro ba de dag ni/ gzhan gyi dring mi 'jog pa zhes bya'o// gtam 'di brjod pa na/ tshe dang ldan pa me'u 'gal gyi bu chen po khangs bzangs rgyal byed na 'dug te/ 'khor mang po'i chos ston cing 'dug go// de nas tshe dang ldan pa mo'u 'gal gyi bu chen po bstan las langs te 'chag par byed do// de nas tshe dang ldan pa me'u 'gal gyi bu 'di snyam du sems te/ kye ma 'dzam bu'i gling 'di ni de bzhin gshegs pa dgra bcom pa yang dag par rdzogs pa'i sangs rgyas kyis stongs so// sems can dge ba'i bsam pa can dag kyang mang na/ de dag kyang chos ma thos pas yongs su nyams par 'gyur ro snyam mo// de nas tshe dang ldan pa me'u 'gal gyi bu chen pos de nyid kyi phyir/ lha'i mig gis 'dzam bu'i gling 'dir rnam par bltas na/ de bzhin gshegs pa dgra bcom pa yang dag par rdzogs pa'i sangs rgyas dge slong zhis brgya lnga bcu'i dge slong gi dge 'dun chen po dang thabs cig tu rgyal po'i khab kyi grong khyer chen po na/ rgyal po gzugs can snying po'i khang pa na bshos gsol ba mthong nas/ de 'di snyam du sems te/ 'di na bdag 'dra ba'i dge slong 'ga' lta yod dam snyam pa dang / des bdag dang 'dra ba'i dge slong zhig bcom ldan 'das kyis g.yon log nas zan za zhing 'dug pa mthong nas/ des bdag gis lus la brtags so// des brtags na de la cung zad kyang tha dad par ma mthong ste/ bdag nyid kyi chu zheng de'i chu zheng de kho na 'dra la/ lhag chad med do// kha dog de dag dang / rtag de dang / dbyibs tha dad pa med pa mthong nas/ de 'di snyam du sems te/ de bzhin gshegs pa 'dzam bu'i gling du gshegs sam snyam mo// des shing yong 'du'i drung du bltas na/ de na yang de bzhin gshegs pa lha'i tshogs kyis bskor te/ chos ston cing bzhugs la/ sha ri'i bu yang g.yas logs na 'dug pa dang / me'u 'gal gyi bu 'dra ba'i dge slong yang g.yon log na 'dug pa dang / de ma yin pa'i nyan thos chen po dag kyang de na 'khod par mthong ngo // de nas tshe dang ldan pa me'u 'gal gyi bu chen po ngo 'tshar che bar gyur te/ sangs rgyas bcom ldan 'das rnams ni ngo 'tshar che'o// sangs rgyas bcom ldan 'das rnams ni rdzu 'phrul che'o// che bar yang grags so// mthu yang che ste/ 'di ltar 'dzam bu'i gling na yang chos ston pa'i rgyun mi 'chad la/ sum cu rtsa gsum pa'i lha rnams la yang chos ston to snyam mo// de nas me'u 'gal gyi bu chen po rgya cher ngo 'tshar du gyur nas 'dzam bu'i gling du rnam par ltas na/ des de bzhin gshegs pa rgyal bu rgyal byed kyi tshal mgon med zas sbyin gyi kun dga' ra ba na/ 'khor 'bum phrag du mas yongs su bskor cing bzhugs pa mthong ngo // de na yang bdag kho na dang 'dra ba'i dge slong kha dog kyang de dang 'dra/ rtags kyang de dang 'dra/ dbyibs kyang de dang 'dra ba zhig mthong ngo // sha ri'i bu dang / 'od srung chen po dang / kaN+Di bu chen po dang / gang po dang / rab 'byor dang / nam gru dang / rtag thul dang / ka pi na dang / nyan thos chen po thams cad kyang chu zheng de kho na bzhin du mthong ngo // rgyal po'i khab na ji lta ba bzhin du rgyal bu rgyal byed kyi tshal na yang de dang 'dra'o// rgyal bu rgyal byed kyi tshal na ji lta ba bzhin du sum cu rtsa gsum gyi gnas na yang de dang 'dra'o// de nas tshe dang ldan pa me'u 'gal gyi bu chen po rgya cher ngo mtshar du gyur nas/ 'dzam bu'i gling du rnam par ltas na/ de nas bcom ldan 'das ser skya'i gnas kyi grong khyer chen po na/ shing n+ya gro da'i kun dga'i ra ba na bzhugs pa dang / ser skya'i grong khyer chen por bsod snyoms la gshegs pa mthong ste/ de yang me'u 'gal gyi bu dang 'dra ba'i dge slong dang / de ma yin pa'i nyan thos chen po dag kyang mthong // de bzhin du de bzhin gshegs pa yangs pa'i grong khyer chen po na li tsa byi gzhon nu dri ma med pa'i zla ba'i khyim na bshos gsol zhing bzhugs pa mthong ste/ der yang bdag kho na 'dra ba'i dge slong kha dog dang 'dra ba dang / rtag de dang 'dra ba dang / dbyibs de nga 'dra ba dang / de ma yin pa'i nyan thos chen po de dag mthong ngo // de nas tshe dang ldan pa me'u 'gal gyi bu chen pos/ @de bzhin gshegs pa ba ra na sa'i grong khyer chen por bsod snyoms la gshegs nas/ slar gshegs par mthong ngo // der bdag 'dra ba'i dge slong kha dog kyang de dang 'dra/ rtags kyang de dang 'dra/ dbyibs kyang de dang 'dra ba dang / de ma yin pa'i nyan thos chen po dag kyang mthong ngo // de nas me'u 'gal gyi bu chen pos/ 'dzam bu'i gling 'dir rnam par ltas na/ de bzhin gshegs pa bzhugs pa gang yang rung ste/ gtsug lag khang ngam/ 'chags sa 'am/ shing drung ngam/ rdo leb bam/ sa phyogs gang yang rung ba'i sa phyogs ji snyed pa de dag thams cad du de gshegs pa dge slong gi dge 'dun gyis yongs su bskor cing 'dun gyis ltas pa spyod lam sna tshogs kyis bzhugs pa mthong ngo // de nas tshe dang ldan pa me'u 'gal gyi bu chen po rgya cher ngo 'tshar du gyur nas/ byang gi sgra mi snyan gyi gling du rnam par ltas na/ de na yang de bzhin gshegs pa dge slong gi dge 'dun chen po dang thabs cig tu/ byang gi sgra mi snyan gyi gling na bsod snyoms la gshegs pa dang / bsod snyoms bzhes nas bshos gsol zhing bzhugs pa mthong nas/ de na yang bdag nyid dang 'dra ba'i dge slong dang / de ma yin pa'i nyan thos chen po dag kyang mthong ngo // de nas tshe dang ldan pa me'u 'gal gyi bu chen pos/ shar gyi lus 'phags gling du rnam par ltas na/ des der yang de bzhin gshegs pa skye bo'i tshogs chen po'i dbus na/ de bzhin gshegs pa bzhugs pa mthong ste/ de na yang bdag nyid dang 'dra ba'i dge slong dang / de ma yin pa'i nyan thos chen po dag mthong ste/ de bzhin du nub gyi ba glang sprod kyi gling na yang / de bzhin gshegs pas bsam gtan nang du yang dag par 'jogs pa la zhugs te/ srog chags stong phrag du ma phyag 'tshal zhing 'dug pa dang / nyan thos chen po thams cad kyang me'i khams kyi ting nge 'dzin la/ snyoms par bzhugs pa dag kyang mthong ste/ der yang bdag nyid 'dra ba'i dge slong zhig mthong ngo // de nas me'u 'gal gyi bu chen po rgya cher ngo 'tshar du gyur nas/ sa bla rnams kyi gnas su rnam par ltas na/ de na yang de bzhin gshegs pa dge slong gi dge 'dun dang thabs cig tu chos ston pa mthong ste/ de na yang bdag nyid dang 'dra ba'i dge slong dang / de ma yin pa'i nyan thos chen po dag mthong ngo // de bzhin du bar snang gi lha rnams kyi gnas su rnam par ltas na/ de na yang de bzhin gshegs pa 'khor rgya phrag du ma la chos ston pa mthong ste/ de na yang bdag nyid dang 'dra ba'i dge slong dang / de ma yin pa'i nyan thos drug mthong ngo // de bzhin du rgyal chen ris bzhi'i lha rnams dang / sum cu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed rnams su yang de dang 'dra'o// de nas tshe dang ldan pa me'u 'gal gyi bu chen pos/ tshangs pa'i 'jig rten gyi bar snang du rnam par ltas na/ tshangs chen gyi 'jig rten na yang de bzhin gshegs pa tshangs pa 'bum phrag du mas yongs su bskor cing 'dun gyi ltas nas/ chos ston pa mthong te/ de na yang bdag nyid dang 'dra ba'i dge slong kha dog kyang de dang 'dra/ rtags kyang de dang 'dra/ dbyibs kyang de dang 'dra/ chu zheng yang de kho na 'dra ba mthong ngo // me'u 'gal gyi bu 'dra ba'i dge slong de dag rdzu 'phrul gyi cho 'phrul gyis chos ston to// thams cad kyang me'u 'gal gyi bu zhes byas par shes so// sha ri'i bu 'dra ba'i dge slong de dag thams cad kyang / shes rab kyi snang ba chen pos 'khor 'dun na seng ge'i sgra sgrogs te/ de dag thams cad kyang sha ri'i bu zhes grags te/ de ltar nyan thos chen po de dag rang rang gi stobs bskyed pa'i chos ston to// de nas me'u 'gal gyi bu chen po dga' zhing mgu la/ spu zing zhes byed na/ ngo 'tshar du gyur te dga' ba dang / mchog tu dga' ba skyes nas/ sangs rgyas bcom ldan 'das rnams ni ngo 'tshar to// zhes lan gsum du ched du brjod pa yang ched du brjod do// de nas me'u 'gal gyi bu chen pos sangs rgyas rnams la phyag 'tshal lo// zhes tshig tu smra zhing khang bzang rnam par rgyal byed nas/ shugs chen pos yan lag lngas phyag 'tshal nas/ de'i tshe ca co'i sgra chen po 'jig rten du grags te/ sum cu rtsa gsum pa'i gnas thams cad g.yos so// de nas lha'i bu 'bum phrag du ma mi dga' bar gyur te/ bcom ldan 'das la zhus pa/ bcom ldan 'das rgyu gang lags/ rkyen gang gis ca co chen po dang / sa chen po g.yos pa 'jig rten du byung lags/ de skad ces gsol pa dang / bcom ldan 'das kyis lha'i bu de dag la 'di skad ces bka' stsal to// lha'i bu dag dge slong me'u 'gal gyi bu 'di sangs rgyas la ces par 'dzin pa'i phyir/ sa chen po'i steng du phyag byas te/ 'di ni de'i mthu yin no// gsol pa/ bcom ldan 'das ci'i slad du dge slong me'u 'gal gyi bu chen po// sa chen po'i steng du phyag 'tshal lags/ bcom ldan 'das kyis bka' stsal pa/ lha'i bu dag dge slong me'u 'gal gyi bu de 'ong gis de la dris shig/ de nas gnas brtan me'u 'gal gyi bu chen po khang bzang rnam par rgyal byed nas langs te/ shin tu myur ba dang / shin tu ring bar bcom ldan 'das ga la ba der song te phyin nas/ bcom ldan 'das kyis zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das kyi spyan sngar 'dug ste/ sor mo bcu yis thal mo sbar te/ bcom ldan 'das la tshigs bcad pa dag gis bstod pa/ mgon po mtshungs med mi'i dbang po khyad par rnyed// dri ma gsum gyi tha ba spangs pa sems dul ba// mi mchog lha dang mi yis mchod pa'i gnas gyur pa// rgyal ba'i blo'i spod pa bsam gyis yongs mi khyab// nyi ma 'bum phrag mang po dag ni shar ba na// sems can long ba kun gyis mthong bar mi 'gyur ba// de bzhin stobs bcu mnga' ba kun lo 'od zer ldan// nyan thos kun gyi shes par smra ba ma lags so// nyan thos 'di ngag thams cad dmus long 'dra ba ste// sangs rgyas theg pa zhes ni 'dzin pa yong mi bgyid// de bzhin gshegs pa la ni dad pas 'chi mos kyi// rgyal ba dag gi chos nyid kyang ni yong ma 'tshal// rgya mtsho chen po'i drung na ba rjes lta bu dang // ri rab rgyal po dang ni yungs 'bru cig pu la/ nyi ma'i 'od dang srin po me khyer 'dra ba ste// sangs rgyas spyan sngar nyan thos 'khor rnams de dang 'dra// lhun po rnams kyang yungs 'bru dag la 'dod mi bgyid// mkha' la nyi ma gnas pa me khyer 'dod mi bgyid/ rgya mtsho chen po pa rjes chu la 'dod mi bgyis// byang chub sems dpa' nyan thos rnams la 'dod mi bgyid// dmus long mi dang lha'i mig ldan ci 'dra dang // phal ba'i mi dang 'khor lo skur ba ci 'dra dang // zla ba'i 'od kyi skar ma rnams ni zil gnon pa// sangs rgyas sman sngar nyan thos 'khor rnams de dang 'dra// lha mo sgyu 'phral la ni thugs rtse'i don slad du// lhun po'i rtse mo 'di ni bzhugs pa na// sangs rgyas dang ni dge slong dge 'dun mi bzhugs pas// bdag ni 'dzam bu'i gling 'di stong snyam yid la bgyid/ bcom ldan bdag ni rnam par rgyal byed nang du mchis// lha'i bu mo rnams la chos ni ston pa na// bdag gis lha'i mig gis 'dzam bu'i gling du ltas// grong khyer dang ni tshong 'dus rgya phrag brtags bar bgyid// rtag pa'i tshe na bdag gis der ni rgyal ba mthong // rgyal po'i khab na mthu chen snying po khab// grong brdal mi dang 'khor gyis 'dun gyis bltas pa na// nyan thos rnams dang thabs gcig tu ni bshos kyang gsol// g.yon log na ni bdag gi kha dog de 'dra ba'i// me'u 'gal gyi bu mchis pa yang bdag gis mthong // g.yas log na ni sha ri'i bu mchis gzhan dag kyang rgyal ba'i nyan thos thams cad 'khod pa mthong // lhun po yi ni steng du rgyal ba gshegs snyam bgyid// bdag gi brtag na lhun po'i ni zom na bzhugs pa mthong // bdag nyid kyang ni rgyal po'i khab na mchis pa dang / lhun po'i rtse mo de nyid na yang mchis pa mthong // grong khyer mnyan yod na yang 'jig rten mgon po ni// srog chags bye ba mang po dag la chos ston mthong // de dag na yang bdag dang sha ri'i bu dang ni// nyan thos gzhan rnams gang lags de dag mthong bar 'gyur// shAkya dag gi nang du bsod snyoms gsheg pa mthong // yang ba can na slar gshegs mthong bar 'gyur// ba ra na ser yang ni de bzhin mthong bar 'gyur// thams cad du yang bdag nyid kyi ni lus kyang mthong // byar gis sgra mi snyan gyi gling na de bzhin du// tshogs dang lhan cig bsod snyoms dag la rgyu ba mthong // ma dros mtsho'i nang na yang nyan thos bcas// bsod snyoms zhal gsol bdag gis mthong bar 'gyur// de bzhin nub kyi ba lang sprod kyi nang dag na// sems can bye ba khrag khrig mang po'i don mdzad mthong // thams cad me'u 'gal gyi bu gang rdzu 'phrul gyi// stobs kyi 'gro ba rnams ni 'bul bar bgyid pa mthong // de bzhin du shar gyi lus 'phags gling dag na// mi rnams la ni chos rnams sna tshogs ston pa mthong // de na yang ni bdag dang shA ri'i bu dag dang // gzhan yang nyan thos gang lags de dag bdag gis mthong // de bzhin sa bla'i lha'i gnas rnams dang // bar snang dag na chos ston cing bzhugs pa mthong // chos kyi mnga' bdag dam pa khyod ni 'jig rten skyong // bzhi po dag la chos ni ston cing bzhugs pa mthong // de bzhin du yang 'thab bral lha rnams nang mthong // de nas shAkya seng ge dga' ldan dag tu mthong // rab 'phral dag dang gzhan 'phrul dbang byed dag na yang // mgon po nyan thos rnams dang bcas pa bdag gis mthong // tshangs pa'i 'jig rten dag na tshangs pa bye ba la// chos rnams ston cing bzhugs pa bdag gis mthong bar 'gyur// thams cad du yang bdag gi lus dang de bzhin du// / gzhan yang rgyal ba'i yon tan rnams ni bdag gis mthong // gtsug lag khang dang 'chags shing gi ni gnas rnams dang // bug rnams gang na sngan chad sangs rgyas bzhugs bzhugs pa// thams cad du yang shAkya seng ge ci 'dra ba// de 'dra'i chos kyi rgyal po bdag gis mthong bar 'gyur// dpa' bo khyod kyi chos nyid 'di ni bdag gis su// mthong / nas bdag ni smad du 'dzin par 'gyur// sangs rgyas 'od mdzad de dag rnams kyi rdzu 'phrul mchog/ 'di 'dra de dag ngo mtshar rab tu che ba lags// rnams 'dren sum cu gsum na bzhugs par ma bas kyi// 'dzam bu'i gling na thams cad du yang snang zhing bzhugs// grong rnams dang yul 'khor grong khyer dag na yang // kha dog mthun pa yi ni chos rnams ston cing bzhugs// 'jig rten mgon po khyod ni ji ltar mthong ba bzhin// de snyed kyi ni sha ri'i bu bsus po che// ka pi na dang nam gra ka t+ya ya na'i bu// gang po dang ni rab 'byor 'od srung mthong bar 'gyur// thos pa rgya mtsho lta bu'i dge ba kun dga' bo// kun tu sangs rgyas rnams la zhu ba bdag gis mthong // thams cad du yang bdag gi lus ni mdog dang brtags// mtshungs shing lhag pa ma mchis bdag gis mthong // sangs rgyas bsam gyis mi khyab rnams la phyag 'tshal zhes// bdag gis lhun po'i zo ma la ched du brjod pa brjod// bdag gi sgra yang zing zhes bgyid de gus pas gnas// yan lag lnga po rnams kyi kyang ni phyag bgyid lags// sgra skad chen po grags par 'gyur// stong gsum sa bzhi dag kyang rab tu g.yos par 'gyur// lhun po'i rtse mo 'di yang kun tu snang bar 'gyur// rgyal ba nges pa dag gis mthu ni mthong gyur na// da ltar bdag ni shin tu ring pa'i tshul gyis su// mi mchog ga la bzhugs pa der ni/ bdag mchis te// chos kyi rnam par dbye ba mkhas pa rnams la zhu// rgyal ba de bzhin gshegs pa ji ltar rnam par 'phrul/ 'dzam bu'i gling dang lha'i 'jig rten dag dang ni// lho phyogs dang ni shar phyogs byang gi phyogs rnams dang // tshangs pa'i 'jig rten dang ni bar snang gnas bzhugs pa// rgyal ba rnams kyi de nyid gang lags padag la gsungs// ston pa chen po rdzu 'phrul che ba 'di mthong bas// deng ni bdag gis rnyed pa legs par gyur// de'i 'og tu sangs theg pa de/ dag las// bdag nyid dman par gyur pa deng du mya ngan bgyid// gal te bdag ni sems can rnam par grol bar ma gyur na// byang chub tu ni da ltar sems kyang bskyed par \u0f7f/ rig/ bcom ldan bdag gis zag pa zad pa bgyir ma mchis// bdag ni sangs rgyas ye shes 'di'i gnod ma lags// ji ltar rgya mtsho rin chen don du song song na// kyi hud nor bu rin chen por te 'chings bu blangs// byang chub bor nas nyan thos gyur pa gang lags pa'i// sems can rnams kyang da ni de 'drar mkhyen par mdzod// sems can dman pa ngan pa'i lta ba can dag gis// rgya chen byang chub tu ni sems kyang bskyed mi 'gyur// brtson 'grus ldan zhing mthu rtsal brtag pa gang lags pa/ de dag sangs rgyas ye shes la ni 'dun pa skyed// mgon po bdag zil mo sbyar nas sangs rgyas kyi// ye shes mchog zhugs gang lags pa la phyag kyang 'tshal// shAkya seng ge bzhin du de dag rnam par 'phrul// bdag ni 'di la yid gnyis mi 'tshal dog so ma mchis// de nas bcom ldan 'das kyis// tshe dang ldan pa me'u 'gal gyi bu khyod kyi yul ji lta ba bzhin du khyod kyis mthong zhing lta bar zad kyi// me'u 'gal gyi bu sangs rgyas bcom ldan 'das rnams kyi// sangs rgyas kyi yul bsam gyi mi khyab pa gang yin pa de ni// sems can thams cad rang sangs rgyas su gyur pas kyang kan shes pa 'am// rnam par shes pa 'am/ rnam par shes par mi nus na/ nyan thos phyogs gcig pa smod cing / phyogs gcig gi shes pa dang ldan pa khyod kyi lta ga la shes// me'u 'gal byi bu gzhan yang de bzhin gshegs pa dgra bcom pa yang dag par rdzogs pa'i sangs rgyas rdzu 'phrul gyi rnam par 'phrul pa zhes bya ba'i chos kyi rnam grangs 'khor 'dus pa rnams mi 'khor du chug shig/ ston gyis/ de'i bar du 'khor ma 'ongs pa rnams ni sngas shig// bcom ldan 'das de ltar 'tshal lo zhes gsol te/ tshe dang ldan pa me'u 'gal gyi bu chen pos/ bcom ldan 'das kyi ltar mnyan nas/ lus 'bar zhing 'od zer dag 'gyed bzhin du/ de'i tshe tshangs pa'i 'jig rten du 'dug nas/ gling chen po bzhi'i 'jig rten gyi khams su skad kyi bsgo ste/ de'i tshe tshigs su bcad pa 'di dag smras so// bskal pa bye ba khrag khrig rnams su yang // de bzhin gshegs rnams 'byung ba shin tu dkon// u dam pa ra'i me tog ji lta ba// 'dren bya rnams mthong ba yang de dang 'dra// 'khor los sgyur ba'i rgyal po rdzu 'phrul che// bsod nams stobs dang rin chen bdun ldan 'dod pa gang yin pa// de ni song la sangs rgyas chos nyon cig/ rgya byin tshangs par 'gyur ba su 'dod dang // 'dir ni lha mi'i bde ba gzhan dag gis// dga' zhing rtsi la rtag tu bde ldan 'dod// de ni chos kyi rgyal po ltar song shig/ nyon mongs kun skams zhi ba mya ngan 'das// bdud rtsi rig dang rdzu 'phrul stobs gnas nas// rnam par 'phrul par 'dod pa gang yin pa// de ni song la rgyal ba'i chos nyon cig/ rang sangs rgyas sam nyan thos 'gyur ba 'am// yang na stobs bcus dpung bcas bdud btul nas// sangs rgyas rkang gnyis mchog 'gyur gang 'dod pa// de ni chos kyi mnga' bdag ltar song shig/ de nas gnas brten me'u 'gal gyis bus bskul pa'i lha bye ba khrig khrig 'bum phrag du ma dang / 'dod pa na spyod pa dang / gzugs na spyod pa'i/ lha'i bu rnams myur bar/ shin tu ring bar me tog dang / spos dang / phye ma khyer nas bcom ldan 'das la mchod pa byas nas/ bcom ldan 'das kyi zhabs la mgo bos phyag 'tshal nas/ phyogs gcig tu 'khod do// de nas tshe dang ldan pa me'u 'gal gyis byas rdzu 'phrul de btang nas/ bcom ldan 'das kyi spyan sngar 'dug go// de nas bcom ldan 'das kyis tshe dang ldan pa me'u 'gal gyi bu chen po la bka' stsal pa/ me'u 'gal gyi bu de'i phyir legs par rab tu nyon la yid la zung shig dang / de bzhin gshegs pa'i sangs rgyas kyis rdzu 'phrul gyis rnam par 'phrul pa'i cho 'phrul zhes bya ba'i chos kyi rnam grangs 'di bshad do// bcom ldan 'das de ltar 'tshal lo// zhes gsol to// tshe dang ldan pa me'u 'gal gyi bu bcom ldan 'das kyis ltar nyan pa dang / bcom ldan 'das kyis 'di skad ces bka' stsal to// me'u 'gal gyi bu/ stong gsum gyi stong chen po'i 'jig rten gyi khams 'di na zla ba bye ba phrag brgya dang / rgya mtsho bye ba phrag brgya dang / ri'i rgyal po ri rab bye ba phrag brgya dang / gling bzhi pa'i 'jig rten gyi khams bye ba phrag brgya yod de/ stong gsum gyi stong chen po'i 'jig rten gyi khams 'di na/ sangs rgyas rnams kyi sangs rgyas kyi zhing yin no// me'u 'gal gyi bu 'di ji snyam du sems/ gling chen po bzhi pa 'di 'ba' zhig tu/ nga mngon par rdzogs par sangs rgyas kyi gling gzhan du ma yin no snyam du sems na/ me'u 'gal gyi bu khyod kyis de de ltar lta bar mi bya ste/ gling chen po bzhi pa'i 'jig rten gyi khams thams cad du sems can rnams ji ltar yongs su smin pa bzhin du nga chos ston te/ kha cig tu ni mngon par rdzogs par sangs rgyas/ kha cig tu ni dadung ma'i mngal na gnas cig tu ni dga' ldan gyi gnas su 'dug/ kha cig ni yongs su mya ngan las 'das par yang ngas yang dag par shes so// me'u 'gal gyi bu stong gsum gyi stong chen po'i 'jig rten gyi khams 'di nyid na/ shar phyogs su gling bzhi pa'i 'jig rten gyi khams khri nyis stong 'das pa na/ gling chen po bzhi pa'i 'jig rten gyi khams rdul med ces bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas rdul bral blo gros zhes bya ba de ltar chos ston to// me'u 'gal gyi bu gling bzhi pa'i 'jig rten gyi khams de na 'khod pa'i sems can de ni 'dod chags chung ba dang / zhe sdang chung ba dang / gti mug chung ba dang / byad bzang ba dang / legs par bshad kyis bya bar byed pa yin no// de nas byang chub sems dpa'i theg pa ni nyung ba ste/ phal cher nyan thos kyi theg pa yin no// me'u 'gal gyi bu de bzhin gshegs pa dgra btso pa yang dag par rdzogs pa'i sangs rgyas rdul bral blo gros de la/ chos bstan pa re re la nyan thos bye ba phrag dgra bcu rtsa dgu dgu 'dul bar byed do// de ltar 'di ni rgyun du zhugs pa zhes bya ba dang / lan cig phyir 'ong ba zhes bya ba dang / phyir mi 'ong ba zhes bstan par de lta bu'i// de dge sbyong gi tshul gyis 'bras bu bzhi rnam par bzhag pa ni de na med kyi/ bya bya/ de dag thams cad ni bstan gcig la 'dug pa sha stag ste/ kha cig ni mngon par shes pa mngon sum du byed cing / rnam par thar pa brgyad rjes su thob pa dang / ye shes chen po thob nas shing rta la bdun srid tsam du nam mkha' la mngon par 'phags nas/ rang gi me'i khams kyis/ rang gi lus sreg par byed de/ yongs su mya ngan las 'das pa de dag gi thal mo'i bag tsam yang med do// me'u 'gal gyi bu de ltar na/ de bzhin gshegs pa de rgyun mi chad par chos ston cing sems can rnam par grol bar byed la/ rgyun mi chad par nyan thos rnams yongs su mya ngan las zla bar byed do// de na sbyin pa yang med/ len pa yang med do// gza' ba dang / btang ba dang / gos rnams kyang bsams pa tsam gyis 'byung bar 'gyur te/ dper na/ sum cu rtsa gsum pa'i lha rnams dang 'dra'o// de na sems can mngal na gnas pa med do// rdzus te skye'o// sa gzhi chen po de yang gser las grub pa yin no// me'u 'gal bu de bzhin gshegs pa rdul bral blo gros de'i 'jig rten gyi khams de na/ mi de dag gi tshe'i tshad ni lo lnga brgya thub ste/ bar ma dor 'chi ba med do// me'u 'gal gyi bu 'di ji snyam du sems/ 'jig rten gyi khams de na bzhugs pa'i de bzhin gshegs pa rdal bral blo gros bya ba de gzhan zhig yin snyam du sems na/ me'u 'gal gyi bu khyod kyi de ltar mi lta'o// de ci'i phyir zhe na/ nga ni 'jig rten gyi khams de na/ ming de skad bya ba chos ston to// me'u 'gal gyi bu 'di yang sangs rgyas kyi rdzu 'phrul gyis rnam par 'phrul pa'i cho 'phral yin te/ de la ni nyan thos dang / rang sangs rgyas kyis 'jug par mi nus te/ me'u 'gal gyi bu stong gsum gyi stong chen po'i 'jig rten gyi khams 'di nyid na/ lho phyogs su gling chen po bzhi pa'i 'jig rten gyi khams khri brgyad stong 'das pa na// gling chen po bzhi pa'i 'jig rten gyi khams de na/ rin chen 'byung zhes bya ba rin po che sna bzhi lta ste/ gser dang / dngul dang / shel dang / rdo'i snying po las grub pa zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas rin chen phung po zhes bya ba da ltar chos ston te/ me'u 'gal gyi bu de bzhin gshegs pa de na shas cher rang sangs rgyas kyi theg pa rnams las rtsams nas chos ston te/ de na ni nyan thos kyi theg pa dag kyang nyung ngo // byang chub sems dpa'i theg pa dag kyang nyung ngo // rang sangs rgyas kyi theg pa pa'i sems can gang dag 'jig rten gyi khams de nas shi 'phos nas/ 'jig rten gyi khams gzhan sangs rgyas kyi zhing stong pa dag tu skye bar 'gyur te/ de dag rkyen gnyis kyis rdzogs pa'i byang chub thob par 'gyur ro// me'u 'gal gyi bu 'di ji snyam du sems/ 'jig rten gyi khams de na bzhugs pa'i de bzhin gshegs pa rin phreng po zhes bya ba de gzhan zhig yin snyam du sems na/ me'u 'gal gyi bu khyod kyis de ltar lta bar mi bya ste/ de ci'i phyir zhe na/ nga nyid 'jig rten gyi khams de na ming de skad ces bya bas chos ston to// me'u 'gal gyi bu 'di yang sangs rgyas kyi rdzu 'phrul gyi rnam par 'phrul pa'i cho 'phrul yin te/ de la nyan thos dang rang sangs rgyas thams cad kyi 'jug par mi nus so// me'u 'gal gyi bu stong gsum gyi stong chen po'i 'jig rten gyi khams 'di nyid nas/ nub phyogs su gling chen po bzhi pa'i 'jig rten gyi khams rin po che sna tshogs can zhes bya ba/ rin po che sna bdun gser dang / dngul dang / bai DUr+ya dang / shel dang / rdo'i snying po dang / mu tig dmar po dang / smug las grub pa bzhi yod de/ me'u 'gal gyi bu 'jig rten gyi khams de na/ rin po che las byas pa'i 'chags sa dag dang / rin po che las byas pa'i khang brtsegs pa dag dang / rin po che'i stegs bu du mas brgyan pa'i rdzing dag kyang yod do// gza' ba dang / gtung ba dang / gos bsams pa tsam gyis 'byung bar 'gyur te/ dper na dga' ldan gyi lha rnams kyis nye bar spyod pa dang / longs spyod ji lta ba bzhin du/ 'jig rten gyi khams de na 'khod pa'i mi de dag gi nye bar spyod pa dang / longs spyod pa yang dang 'dra'o// de na bud med kyi ming yang mi skrag go// don bud med kyi skye ba yang med do// de na sems can de dag 'khrig pa'i chos kun tu sprod pa yang med do// sems can de dag 'dod pa'i rtog pa yang mi byed/ gnod sems kyi rtog pa yang mi byed do// de na su yang mngal na gnas pa yang med de/ sems can de dag rdzus te skye zhing dkyil mo dkrung bcas bzhin du 'byung ngo // me'u 'gal gyi bu rin po che sna tshogs can gyi 'jig rten gyi khams de na/ de bzhin gshegs pa dgra bcom pa yang dag par rdzogs pa'i sangs rgyas rin chen 'byung zhes bya ba da ltar chos ston te/ byang chub sems dpa' sde snod ces bya ba chos kyi rnam grangs kyi rdo rje'i tshig 'khor gsum yongs su chad pa'i pha rol tu phyin pa drag dang ldan pa ma gtogs par gtam gzhan mi gsung ngo // de nas sems can dpag tu med pa grangs med pa dag bla na med pa yang dag par rdzogs pa'i byang chub tu sems bskyed par byed do// sems can dpag tu med grangs med pa dag gis mi skye ba'i chos la bzod pa thob bo// sems can dpag tu med pa dag ni bla na med pa yang dag par rdzogs pa'i byang chub tu lung bstan to// de na theg pa gnyis po 'di lta ste/ nyan thos kyi theg pa dang / rang sangs rgyas kyi theg pa rnam par gzhag pa yang med/ byang chub sems dpa'i nyes pa'i dri nga ba med 'brig pa dang 'bral ba 'ga' zhig gis gling chen po bzhi pa'i 'jig rten gyi khams de yongs su gang ngo // de bzhin gshegs pa de'i tshe'i tshad ni// lo brgyad khri thub po// mi de dag ni bar ma dor 'chi 'pho ba yod do// sems can du yang de nas shi 'phos nas/ sems can dmyal ba 'am/ dud 'gro'i skye gnas sam/ gshin rje'i 'jig rten nam/ mi khom pa rnam su skye ba med do// byang chub sems dpa' phal cher shi 'phos nas/ sangs rgyas kyi zhing yongs su dag pa gzhan dag tu skye bar 'gyur ro// gling de dag na lha dang / klu dang / gnod sbyin dang / dri za 'khod pa gang dag yin pa de dag thams cad ni 'di lta ste/ thams cad mkhyen pa nyid kyi sems dang blo gros gcig go// lha dang / klu dang / gnod sbyin dang / dri za de dag sangs rgyas kyi chos 'ga' ma gtogs par gzhan la dga' ba mi bskyed do// lha dang / klu dang / gnod sbyin dang / dri za de dag kyang lha zhes bya ba 'am/ klu zhes bya ba 'am/ dri za zhes bya ba 'am/ mi zhes bya bar ming du gdags pa tsam yong bar tha dad dbyer med do// me'u 'gal gyi bu 'di ji snyam du sems/ de bzhin gshegs pa dgra bcom pa yang dag par rdzogs pa'i sangs rgyas rin chen 'byung ldan/ 'jig rten gyi khams de na chos ston pa gang yin pa de gzhan zhig yin snyam du sems na/ me'u 'gal gyi bu khyod kyis de ltar mi lta'o// de ci'i phyir zhe na/ nga nyid 'jig rten gyi khams de na ming de skad ces bya bas chos ston to// me'u 'gal gyi bu 'di yang sangs rgyas kyi rdzu 'phrul gyis rnam par 'phral pa'i cho 'phral yin te/ nyan thos dang / rang sangs rgyas thams cad kyis kun shes par sla ba ma yin no// me'u 'gal gyi bu stong gsum gyi stong chen po'i 'jig rten gyi khams 'di nyid nas/ byang phyogs su gling chen po 'jig rten gyi khams sum khri drug stong 'das pa na/ gling chen po bzhi pa'i 'jig rten gyi khams 'jig med ces bya ba na/ rin po che sna gnyis te/ gser dang / dngul las grub pa zhig yod de/ de na sems dmyal ba'i 'jig pa yang med/ dud 'gro'i skye gnas kyi 'jig pa yang med/ mi khom pa'i 'jig pa yang med/ ngan 'gro'i 'jigs pa yang med/ de na sems can su tshul khrims nyams pa 'am/ lta ba / nyams pa med pa de lta bas na yang dag pa ma yin pa dang / sgyu ma lta bur shes pa'i chos thams cad ni/ chos kyi dbyings su khyad par ram/ tha dad du dbyer med do// me'u 'gal gyi bu de bzhin gshegs pa ni gzhed na/ 'jig rten gyi khams gcig tu yang / mtshan sum cu rtsa gnyis dang ldan pa'i de bzhin gsheg pa de'i rang bzhin dang / chu zheng dang ldan pa gang ga'i klung gi bye ma snyed sprul ma mdzad de/ de dag kyang rnam pa drug cu dang ldan pa dag go chos ston to// de bzhin gshegs pa de dag thams cad kyis kyang / sems can/ thams cad kyi sems kyi spyod pa mkhyen to// de bzhin gshegs pa de dag thams cad kyang ji ltar mos pa'i sems can de dag thams cad kyang ji ltar mos pa'i sems can rnams mos pa dang / dbang po ji lta ba bzhin du 'jug pa'i shes pa bskyed pa'i phyir chos ston to// de bzhin gshegs pa de dag thams cad kyi chos bstan pa las/ sems can tshogs nges par 'byung bar te/ de ltar sdug bsngal yang dag zad par bya ba'i phyir/ de bzhin gshegs pa de dag thams cad cho 'phrul rnam pa bzhis chos ston to// de bzhin gsheg pa de dag thams cad ni sangs rgyas kyi yon tan thams cad kyang yang dag par ston to// me'u 'gal gyi bu de ji snyam du sems/ de dag ches khyad par 'phags pa 'am/ chos gzugs dang ldan pa 'am/ chos kha dog dang ldan pa 'am/ chos spobs pa dang ldan pa 'am/ chos ye shes dang ldan pa 'am/ chos rdzu 'phrul dang ldan pa 'am/ chos ston pa / dang ldan pa 'am/ chos sems can yongs su sprul pa dang ldan pa yin/ gsol pa/ bcom ldan 'das de la ni tha dad pa mi nus lags so// / bka' stsal pa/ me'u 'gal gyi bu de lta bas na rnam grangs 'dis kyang chos thams cad ni sprul pa'i ngo bo nyid de/ khyad par yang med tha dad du dbyer yang med pa de ltar rig par bya'o// / me'u 'gal gyi bu chos thams cad sprul pa'i ngo bo nyid du shes pa gang yin pa de ni so so'i skye bo rnams la yang tha dad par dbye bar mi 'dod na/ sangs rgyas bcom ldan 'das rnams lta ci smos/ de ci'i phyir zhe na/ me'u 'gal gyi bu chos thams cad ni rang bzhin gyi stong pa/ kun tu brtags pa dang / yongs su brtags pa las byung ba ste/ de dag la ji ltar 'dod pa bzhin du rnam par sgrub mod kyi/ chos kyi dbyings ni skye ba yang med/ 'jig pa yang med do// me'u 'gal gyi bu chos kyi dbyings de ni/ de bzhin gshegs pas de bzhin du thugs su chud de/ de thugs su chud pa'i phyir de bzhin gshegs pas spu'i khung bu gcig nas/ 'dzam bu'i gling gi sems can ji snyed pa de dag thams cad kyi mdun du de bzhin gshegs pa dge slong gi dge 'dun dang bcas pa yang dag par ston la/ de dag kyang gcig gis gcig mi shes so// me'u 'gal gyi bu 'dzam bu'i gling lta/ zhog gis/ gling chen po bzhi pa'i 'jig rten gyi khams kyi sems can lha 'am/ mi 'am/ de ma yin pa'i skye gnas na/ gnas pa ji snyed pa'i sems can de dag thams cad kyi 'dun du/ de bzhin gshegs pa'i sgra'i khung bu gcig nas/ de bzhin gshegs pa dge slong gi dge 'dun dang bcas pa yang dag par ston la/ de dag kyang gcig pa 'am/ cho ga nyams pa med do// de na gzhan mu steg can spyod dang kun tu chu rnams kyi ming du gdags pa yang med/ me'u 'gal gyi bu 'jig rten gyi khams 'jigs med na de bzhin gshegs pa dgra bcom pa yang dag par rdzogs pa'i sangs rgyas 'jigs med sbyin bya ba da ltar chos ston te/ me'u 'gal gyi bu de bzhin gshegs pa de ni/ 'di lta ste/ nyan thos su 'gyur ba dang / rang sangs rgyas su 'gyur ba dang / de bzhin gshegs pa dgra bcom pa yang dag par rdzogs pa'i sangs rgyas su 'gyur ba'i theg pa gsum las brtsams te/ sems can rnams la chos ston to// me'u 'gal gyi bu de bzhin gshegs pa de gang gi tshe/ byang chub mngon par rdzogs par 'tshang rgya bar bya ba'i phyir/ byang chub kyi shing drung du 'gro bar 'dod na/ byang chub kyi shing drung na 'dug pa de la/ bdud blo gros bzang po zhes bya ba la sogs pa khrag khrig phrag bdun cu rtsa gnyis 'ong bar 'gyur ro// de'i tshe de bzhin gshegs pa byang chub sems dpa' bar gyur pa da dang thams cad mkhyen pa ma thob pa des bdud ji snyed yod pa de snyed kyi byang chub kyi shing sprul par byed do// byang chub kyi shing ji snyed yod pa de snyed kyi byang chub sems dpa' rang rang gi shing drung na 'dug pa de dag sprul te/ der bdud de dag ngo 'tshar du gyur nas/ / yang dag pa'i byang chub sems dpa' de gang yin/ bdag cag gis gang gi bar chad bya snyam mo// de nas sprul pa'i byang chub sems dpa' de dag gis bdud de dag la 'di skad ces smras so// grogs po dag chos thams cad sgyu ma lta bu yin na/ 'di la ji ltar khyod kyis bar chad bya/ gzhan yang khyed kun gyis gang bla na med pa yang dag par rdzogs pa'i byang chub tu sems bskyed pa 'am/ gang yang dag par 'dzud pa de'i bsod nams ji snyed 'phel bar 'gyur ba shes sam/ khyod kyi ni de yang mi rtogs so// gal te khyod kyis byang chub sems dpa'i theg pa la zhugs pa'i bar chad byed pa'i bsod nams ma yin pa de snyed 'brel bar 'gyur ba shes na ni khyed par chad byed pa'i phyir brtad par ma byed cig/ de nas bdud rnams kyis smras pa/ gang bla na med pa yang dag par rdzogs pa'i byang chub tu sems bskyed pa 'am/ gang gzhan la khong du chud par bgyis te/ yang dag par 'dzin du 'jug pa de bsod nams ji snyed cig skyed par bgyid/ smras pa/ grogs po dag gis sangs rgyas kyi zhing gang gA'i klung gi bye ma stod rin po ches yongs su bkang ste/ sbyin pa byin pa bas gang gis bla na med pa yang dag par rdzogs pa'i byang chub tu sems bskyed na/ de ni de bas bsod nams ches mang du bskyed par 'gyur ro// grogs po dag gang gis sangs rgyas kyi zhing gang gA'i klung gi bye ma snyed kyi sems can de dag thams bde ba'i yo byad thams cad kyis bskal pa 'bum gyi bar du bskur sti byas pa bas/ gang gi gzhan la khong du chud par byas te/ yang dag par 'dzin du bcug na/ de ni de bas na bsod nams ches mang du skyed par 'gyur ro// de dag gi smras pa/ bdag gi bla na med pa yang dag par rdzogs pa'i byang chub las byang chub sems dpa'i bar chad bgyis na/ de bsod nams ma lags pa ji snyed cig skyed par 'gyur/ sprul pa'i byang/ chub sems dpa' rnams kyi smras pa/ sems de dag mig phyung na de bsod nams ma yin pa ji tsam zhig bskyed par 'gyur/ de dag gi smras pa/ mang ngo smras pa/ bla na med pa yang dag par rdzogs pa'i byang chub las/ byang chub sems dpa'i bar chad byas pa ni/ de bas ches bsod nams ma yin pa mang du bskyed par 'gyur ro// de nas bdud mang po de dag la gdam ngag 'di dag bstan pa dang / cho 'phrul 'di lta bu mthong ba nas thams cad kyi bla na med pa yang dag par rdzogs pa'i byang chub tu sems skyed do// sprul pa'i byang chub sems dpa' de dag thams cad la yang lha'i me tog dang / me tog gi phreng dang / byug pa rnams kyi mngon par gtor to// sil snyan rgya stong dag kyang kun tu dkrol te/ tshig 'di skad du ded dpon chen po khyod myur bar bla na med pa yang dag par rdzogs pa'i byang chub mngon par rdzogs par sangs rgyas nas/ de'i 'og tu bdag cag kyang byang chub la 'god du gsol zhes kyang 'dzer to// de lha gzhan dag gis kyang phyung ste/ kye ma bdud 'di dag gis bla na med pa yang dag par rdzogs pa'i byang chub tu sems skyed pa'i phyir 'di rnams ngan 'gro'i 'jig bya bya// pa thams cad las rab tu grol lo// kye ma de bzhin gshegs pa 'di dag ni 'jig pa med par sbyin pa ste/ de bas na de bzhin gshegs// pa 'di'i mtshan 'jig med sbyin zhes bya'o// zhes 'dzer to// me'u 'gal gyi bu 'di ji snyam du sems/ 'jig rten gyi khams de na sems can de dag la chos ston pa'i de bzhin gshegs pa de gzhan zhig tu yin snyam du sems na/ me'u 'gal gyi bu khyod kyis de ltar mi lta'o// de ci'i phyir zhe na/ nga nyid 'jig rten gyi khams de na ming de skad ces bya bas chos ston to// me'u 'gal gyi bu 'di yang sangs rgyas kyi rdzu 'phrul gyi rnam par 'phrul pa'i cho 'phrul yin te/ de la ni nyan thos dang / rang sangs rgyas thams cad kyis 'jug par mi nus so// me'u 'gal gyi bu stong gsum gyi stong chen po'i 'jig rten rten gyi khams 'di nyid nas/ shar dang lho'i phyogs mtshams su/ gling chen po bzhi pa'i 'jig rten gyi khams brgyad khri bzhi stong 'das pa na/ gling chen po bzhi pa'i 'jig rten gyi khams kun nas sna tshogs can zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas me tog sna tshogs can zhes bya ba chos ston to// me'u 'gal gyi bu gling chen po bzhi pa'i 'jig rten gyi khams de yang bkra shing lta na sdug pa/ mig mang ris su 'jug cing rin po che'i dra bas khebs la/ ka tsa lin di ka ltar reg na bde ba'i rtsa sngon po khrun du sor bzhi tsam gyis kun tu khyab par 'jug go// sa chen po de rkang bteg na ni bar byed de/ dang / bzhag na nem par byed de/ sa chen po lag 'thil ltar mnyam par 'dug go/ me'u 'gal gyi bu kun nas sna tshogs can gyi 'jig rten khams de na grong khyer chen po bzang mchog ces bya ba 'byor cing rgyas la/ bde ba dang / lo legs pa dang / nyams dga' ba dang / skye bo dang mi mang pos gang ba zhig yod de/ grong khyer de'i shar phyogs nas nub phyogs kyi chur zheng dpag tshad sum cu rtsa gnyis yod de/ lho phyogs nas nub phyogs kyi zheng du ni dpag tshad bcu gnyis yod do// me'u 'gal gyi bu grong khyer chen po bzang mchog de'i nang na/ sems can ches mang ba dag gnas kyi/ yul ang ga dang / mang ga dang / ku ru 'di dag ni de ltar ma yin no// me'u 'gal gyi bu de ltar na de bzhin gshegs pa me tog sna tshogs can ni/ grong khyer chen po bzang mchog na gnas shing bzhugs te/ de'i chos bstan pa gcig gis sems can khrag khrig phrag sum cu ni dgra bcom pa nyid du btul lo// khrag khrig phrag sum cu ni phyir mi ldog pa'i 'bras bu btul lo// khrag khrig phrag sum cu ni rgyun du zhugs pa'i 'bras bu btul lo// khrag khrig phrag sum cu ni rang sangs rgyas kyi byang chub tu yongs su smin par byas so// de'i nyis gyur ni/ bla na med pa yang dag par rdzogs pa'i byang chub tu sems bskyed do// gzhan yang sems can dpag tu med pa dag gis dge ba'i rtsa ba yongs su smin par byas so// me'u 'gal gyi bu gling chen po bzhi pa'i 'jig rten gyi khams de na/ sbrang rtsi 'byung zhes bya ba'i shing ljon pa rtag tu me tog dang ldan pa dang / rtag tu 'bras bu dang ldan pa dag yod do// me tog dang 'bras bu de dag gi ro ni/ dper na/ ro brgya dang sbyar ba'i 'bras can dag dang 'dra ste/ de bas skyes pa 'am/ bud med dag gi me tog cig 'bras bu zos na/ de nyin mtshan gyi bar du nges par 'tshe bar 'gyur te/ spro ba dang / mdog kyang nyams par mi 'gyur la/ lus gzi byin dang kha dog dang ldan par nyams su tshor bar 'gyur ba dang / zo mdog yang bar 'gyur ro// / zos nas kyang byis dang / gcin med la/ ngar bsnabs dang / snabs kyang med do// 'jig rten gyi khams de na zhing rmo ba yang med/ tshong byed pa yang med rtses byed pa yang med/ las su bya ba yang med de/ sems can de dag ni me tog 'bras bu za'o// de na phyug po yang med/ dbul po yang med do// sems can de dag longs spyod ma nyam mo// me'u 'gal gyi bu de bzhin gshegs pa de'i nyan thos kyi dge 'dun ni 'bum phrag dgu bcu rtsa dgu yod do// de bzhin gshegs pa de yang me tog kun tu rgyas pa zhes bya ba'i skyed mos tshal na bzhugs te/ bcom ldan 'das nyan thos kyi dge 'dun dang bcas par bzhugs nas/ gdugs tshong la bab nas/ shing ljon pa rnams der 'dus par 'gyur te/ me tog dang 'brasam bu depa// bcom ldan 'das dang / dge slong rnams kyi lhung bzed rnams kyi lhung bzed kyi nang du 'phrul bar 'gyur sa bshos gsol zin par rig nas/ shing ljon pa de dag phyir rangs te/ snga kho bzhin du 'dug go// me'u 'gal gyi bu 'jig rten gyi khams de'i yon tan ni/ de bas kyang lhag par yod do// me'u 'gal gyi bu 'di ji snyam du sems/ de bzhin gshegs pa'i 'jig rten gyi khams de na/ sems can de dag la chos ston pa de gzhan zhig yin par khyod som nyi 'am yid gnyis sam/ the tsom za na/ khyod kyi de ltar mi lta'o// de ci'i phyir zhe na/ nga nyid 'jig rten gyi khams de na me tog sna tshogs can zhes bya ba'i 'jig rten gyi khams de na chos ston to// me'u 'gal gyi bu 'di yang sangs rgyas kyi rdzu 'phral gyi rnam par 'phral pa'i cho 'phrul yin te/ de la nyan thos dang / rang sangs rgyas thams cad kyis 'jug par mi nus so// me'u 'gal gyi bu stong gsum gyi stong chen po'i 'jig rten gyi khams bdun khri 'das pa na/ gling chen po bzhi pa'i 'jig rten gyi khams rnam par 'jed pa'i blo gros zhes bya ba zhig yod de/ de na gling gcig na yang rgyal po brgyad khri yod do// gling gcig na yang grong khyer brgyad dang tshong 'dus brgyad khri yod do// grong khyer dang / grong brdal dang / yul 'khor dang / tshong 'dus de dag thams cad na yang / mi bye ba phrag 'bum dag gis yongs su gang ngo // rgyal po de dag thams cad kyang rang rang gi rgyal srid kyis chog par 'dzin to// rgyal po de dag thams cad kyang chos dang ldan pa'i rgyal po ste/ chos ma yin pa spangs pa sha stag go// rgyal po de ga rten gyi khams 'di nyid na/ lho dang nub kyi phyogs 'tsham su gling chen po bzhi ngag thams cad la yang btsun mo bud med brgyad khri bzhi yod de/ bud med de dag thams cad yul gyi bzang mo sha stag go// rgyal po re re la yang bu lnga brgya yod do// rgyal po re re la yang bu mo khri nyis stong nyi stong yod do// thams cad kyang yul gyi bzang mo sha stag go// rgyal po de dag thams cad kyang chad pa med pa dang / mtshon cha med par rang rang gi 'og tu gtogs pa 'dul bar byed do// me'u 'gal gyi bu 'jig rten gyi khams rnam par phye ba'i blo gros de na de bzhin gshegs pa dgra bcom pa yang dag par rdzogs pa'i sangs rgyas 'od zer rab tu 'gyed pa zhes bya ba chos ston te/ me'u 'gal gyi bu de bzhin gshegs pa de ni bla na med pa yang dag par rdzogs pa'i byang chub mngon par sangs rgyas na/ gling chen po bzhi pa'i 'jig rten gyi khams der ta la bdun srid tsam gyi nam mkha' la mngon par 'phags nas/ dkyil mo dkrung bcas te/ dkyil mo dkrung gcig gis gling chen po bzhi pa'i 'jig rten gyi khams khyab par byas nas/ 'od zer rab tu 'gyed pa dang me tog char 'bebs pa dang / sil snyan brgya stong dag dkrol bzhin na/ sa chen po rnam pa drug tu rab tu skyod nas/ tshangs pa'i sgra skad lta bu dag pa'i rtsa ba 'bum phrag du mas yang dag par sgrub pa'i gsung gi chos kyi 'khor lo bskor te/ 'di lta ste/ nyon mongs pa thams cad zad par bya ba'i phyir/ rdul med mya ngan las 'das pa yang dag par ston te/ byang chub sems dpa' rnams bsdu ba'i phyir chos ston to// der de ltar chos bstan pas gling bzhi che ba'i rgyal po// brgyad khri bu dang bcas/ bu mo dang bcas// pa de dag ma gtogs pa'i skyes pa dang / bud med dang / khye'u dang / bu mo de dag chos rnams la chos kyi mig rdul med cing / dri ma dang bral ba rnam par dag go/ rgyal po de dag bu dang bcas/ chung ma dang bcas/ bu mo dang bcas kyang / bla na med pa yang dag par rdzogs pa'i byang chub tu sems bskyed de/ thams cad kyis tshigs mthun par de bzhin gshegs pa la rab tu byung bar gsol ba 'debs so// de dag thams cad kyang de bzhin gshegs pas dge slong tshur shog ces gsungs pas rab tu byung ngo // de ltar thams cad rab tu byung nas/ so so'i grong dang / grong khyer dang / grong rdal dang / yul 'khor dang / tshong 'dus dang / rgyal po'i pho brang dag tu gnas pa'i longs sprod kyis gnas so// ma mos ma btab pa'i 'bras sa lu yang byung ngo / lha rnams kyang de dag la snyen bkur byed do// de nas de bzhin gshegs pa de'i chos bstan pa gnyis pa la nyan thos kyi theg pa thams cad ni lan cig phyir mi 'ong ba'i 'bras bu la bkod do// byang chub sems dpa'i theg pa rnams ni chos rnams la mi skye ba'ang mthun pa'i bzod pa la bgod do// chos bstan pa gsum pa la ni nyan thos kyi theg pa rnams ni phyir mi 'ong ba'i 'bras bu la 'god do// byang chub sems dpa'i theg pa rnams ni mngon par shes pa lnga thob bo// chos bstan pa bzhi pa la ni nyan thos kyi theg pa thams cad ni dgra bcom pa nyid la 'god do// byang chub sems dpa'i theg pa pa rnams ni chos rnams mi skye ba la bzod pa thob bo// rgyal po'i btsun mo de dag dang / sras de dag dang / rgyal po'i bu mo de dag ni lus de nyid kyis bu med kyis lus las gyur te/ skyes pa'i lus thob par 'gyur nas/ de dag thams cad kyang de bzhin gshegs pa des bla na med pa yang dag par rdzogs pa'i byang chub tu lung bstan to// me'u 'gal gyi bu 'di ji snyam du sems/ 'jig rten gyi khams de ni de bzhin gshegs pas chos bstan pa de gzhan zhig yin snyam du sems na/ me'u 'gal gyi bu khyod kyis de de ltar mi lta'o// de ci'i phyir zhe na/ nga nyid 'jig rten gyi khams de na ming de skad ces byas pas chos ston to// me'u 'gal gyi bu 'di yang sangs rgyas kyi rdzu 'phrul gyi rnam par 'phrul pa'i cho 'phrul yin/ te/ de la ni nyan thos dang / rang sangs rgyas thams cad kyi 'jug par mi nus so// me'u 'gal gyi bu stong gsum gyi stong chen po'i 'jig rten gyi khams 'di nyid na/ nub dang byang gi phyogs mtshams su gling chen po bzhi pa'i 'jig rten gyi khams lnga khri lnga stong 'das pa na/ gling chen po bzhi pa'i 'jig rten gyi khams spos ldan zhes bya ba zhig yod de/ tsan dan sbrul gyi snying po 'ba' zhig yod la/ spos de srang gcig la 'dzam bu'i gling 'di ra'o// de na shing ljon pa spos kyis ngad kan nas ldang ba zhes bya ba dag kyang yong ngo // shing gcig las kho ra khor yug tu dpag tshad bcur spos ngad ldang ngo // de nas sa chen po las pad ma'i shing rta'i 'phang lo tsam la/ 'dab ma 'bum phrag du ma dang ldan pa/ kha dog 'bum phrag du ma dang ldan pa 'jam shing ka tsa lin di ltar reg na bde ba/ 'phang du khra bcu pa tsam dag skyed de pad ma re re'i dris kyang gling bzhi pa'i 'jig gyi khams de dri gsung zhim par byed do// / gling bzhi pa'i 'jig rten gyi khams de na tsan dan gyi khang pa brtsegs pa dang / tsan dan gyi 'chags sa pad ma dang / me tog gis gang bar 'dug go/ khang pa brtsegs pa sha stag 'bum phrag du mas 'jig rten gyi khams de khyab par 'dag go/ de na grong khyer gyi yongs su 'dzin pa med do// dper na gzhan 'phral dbang byed kyi lha rnams kyi nye bar spad pa dang / longs slong ji lta ba bzhin du 'jig rten gyi khams de'i mi de dag gi nye bar smad pa dang / longs spyod kyang de dang 'dra'o// me'u 'gal gyi bu 'jig rten gyi khams spos ldan na/ de bzhin gshegs pa/ 'byed 'od zer can zhes bya ba de ltar chos ston te/ de bzhin gshegs pa de ni nyan thos dang / rang sangs rgyas kyi gtam yongs su spangs pa/ byang chub sems dpa'i gtam 'ba' zhig gsung ngo // gling chen po bzhi pa'i 'jig rten gyi khams de ni/ byang chub sems dpa' sems dpa' chen po thams cad kyang rdzu 'phrul thob pa sha stag gi yongs su gang ngo // byang chub sems dpa'i 'khor de na byang chub sems dpa' chos thams cad la rnam par 'phrul pa'i rgyal po zhes bya ba 'amam gyis mi khyab pa'i 'jug pa dang ldan pa/ bzod pa gnyis pa thob pa/ mngon par shes pa rnams la mkhas pa spobs pas rtogs par khong du chud pa/ sangs rgyas 'bum phrag du ma mang po bsnyen bkur byas pa 'dug ste/ me'u 'gal gyi bu byang chub sems dpa' chos thams cad la rnam par 'phrul pa'i rgyal po de la de bzhin gshegs pa des skul te/ skabs phye nas chos ston to// bcom ldan 'das de bstan las langs te/ de bzhin gshegs pa'i zhabs la phyag 'tshal te/ de bzhin gshegs pa la lan gsum bskor ba byas nas/ steng gi bar snang la mngon par 'phags te/ dkyil mo dkrung gi 'khor 'khor yug tu dpag tshad bcur khyab par byas nas/ spu'i khong spu thams cad nas 'od zer dag pa kye ste/ 'jig rten gyi khams thams cad 'od kyi khyab par byas nas/ me tog kha dog sna tshogs sa chen po dang ldan pa/ shing ta'i 'phang lo tsam dag gis sa chen po de dag la ming tsam bgreng tsam du bkram ste/ 'jig rten gyi khams thams cad du/ lha dang mi'i sil snyan dag gi sgra 'byin to// sil snyan de dag las kyang phyag rgya'i sgra brgyad brgya 'byung ngo // chos kyi phyag rgya re re la yang mdo bye ba phrag brgyad cu rtsa bzhi sdus so// mdo re re la yang tshigs su bcad pa bdud khri nyis stong gis brjod do// des dkyil mo// dkrung de las ma langs par sems can bye ba khrag khrig 'bum phrag dgu bcu rtsa drug bla na med pa yang dag par rdzogs pa'i byang chub las phyir mi ldog pa la bkod de/ thams cad kyang chos rnams mi skye bar bzod pa thob par byas so// me'u 'gal gyi bu 'jig rten gyi khams de de lta bu'i byang chub sems dpa' dag gis yongs su gang ngo // de na sems can zhar ba 'am/ theng bu 'am/ gyol po 'am/ 'on pa 'am/ mdog ngan pa 'ga' yang med de/ sems can de dag thams cad skyes bu chen po'i mtshan sum cu rtsa gnyis dang ldan pa'i byad chub sems dpa' sha stag go// sems can de dag ni chos kyi dga' ba'i dga' ba ma gtogs par gzhan ci la yang dga' ba med do// byang chub sems dpa' sems dpa' chen po de dag la ni/ bsam gtan gyi dga' ba'i zas ma gtogs par zas gzhan ci yang med do// de ni mi khom par ltung zhing skye ba yang med do// de nas shi 'phos nas kyang / de bzhin gshegs pa'i 'gro ba ma gtogs par 'gro ba med do// me'u 'gal gyi bu de ji snyam du sems/ 'jig rten gyi khams de na bzhugs pa'i de bzhin gshegs pa spos 'gyed 'od zer can zhes bya ba de gzhan zhig yin snyam du sems na/ me'u 'gal gyi bu khyod kyis de ltar mi lta'o// de ci'i phyir zhe na/ nga nyid 'jig rten gyis khams de na ming de skad ces bya bas/ sems can rnams la chos ston to// me'u 'gal gyi bu 'di yang sangs rgyas kyi cho 'phrul rnam par 'phrul pa'i cho 'phrul yin te/ de la ni nyan thos dang / rang sangs rgyas thams cad kyis 'jug par mi nus so// me'u 'gal gyi bu stong gsum gyi stong chen po'i 'jig rten gyi khams 'di nyid nas byang shar gyi phyogs mtshams su gleng chen po bzhi pa'i 'jig rten gyi khams bzhi khri nyis stong 'das pa na/ gling chen po bzhi pa'i 'jig rten gyi khams mya ngan gyis 'joms pa zhes bya ba zhig yod de/ de na sems can 'khod pa rnams ni/ 'dod chags pa rnams dang / zhe sdang gis sdang ba dang / gti mug gis rmongs pa dang / brkam pa dang / brlang ba dang / rgod pa dang / mu cor smra ba dang / dbang po zhan pa dang / ser sna can dang / tshul khrims 'tshal ba dang / gnod sems can dang / le lo can dang / snyoms las can dang / brjed dad pa dang / shes bzhin pa dang / bdag tu lta ba dang / sems can dang / srog dang / gang zag tu lta ba dang / shes rab 'tshal pa dang / lug ltar skrag pa dang / ngo tsha mi shes pa dang / khrel med pa dang / gus pa med pa dang / sems 'khrul pa sha stag go// sems can de dag ni kha dog ngan pa dang / chung bar grags pa dang / byang ngan pa dang / dka' bas 'tsho ba dang / cig la cig 'dris par gnas pa sha stag go// de nas zla ba drug tu char mi 'bab ste/ lo tog legs par mi smin no// sa chen po de ni rtsub pa dang / mkhrang ba dang / tsher ma sna tshogs can dang / g.yang sa dang / ri brag gis gang ngo // 'jig rten gyi khams de na sems can de dag gi chu ni 'bru mar gyi snyigs ma dang / dri ma dang 'dra'o// sems can de dag ni gos dang / chos gos dang / longs spyod dag gis dbul ba dang / 'dren pa dang / gzhan gyi nor 'brog pa sha stag go// 'jig rten gyi khams de na rgyal po sdang chags zhes bya ba zhig yod de/ sems can de dag la sangs rgyas kyi dbang phyug la dbang byed de/ sems can de dag gi nor dang / 'bru dang mchog rgyal po'i mdzod du 'drub par byed do// sems can de dag ni chad// ba dang / brdeg pa 'ba' zhig gis gzir ba sha stag go// me'u 'gal gyi bu de dag ni 'jig rten gyi khams de na tshe de'i sdug bsngal yin no// gang shi ba de dag kyang shi nas phal cher sems can dmyal ba rnams dang / dud 'gro'i skye gnas rnams dang / gshin rje'i 'jig rten du skye bar 'gyur ro// me'u 'gal gyi bu gling chen po bzhi pa'i 'jig rten gyi khams de na/ de bzhin gshegs pa dgra bcom pa yang dag par rdzogs pa'i sangs rgyas snying rtse ba dang / snying rje'i sems yid la byed pa zhes pa chos ston to// me'u 'gal gyi bu de bzhin gshegs pa de ni cho 'phrul rnam pa bcwo brgyad kyis chos ston to// des lo bdun gyi bar du chos stan kyang sems can cig gis kyang mngon par rtog par ma gyur la/ de bzhin gshegs pa de yang skye ba med pa'i steng du snying rje chen pos chos kyang ston to// me'u 'gal gyi bu de ltar na de bzhin gshegs pa de grong ngam/ grong khyer ram/ grong rdal du gnas shing bzhugs la/ sems can de dag gi spyos shing brgyad bkag ste/ smad cing bshung bar byed kyang / der sems can yongs su smin par bya ba'i phyir/ snying rje chen pos de dag bzod par mdzad do// me'u 'gal gyi bu de bzhin gshegs pa des/ lo bdun pas kyang lhag pas sems can kha cig yongs su smin par mdzad do// / chos ston pa lan cig la/ sems can khrag khrig phrag brgya cu rtsa bzhi ni dgra bcom pa nyid thob bo// khrag khrig brgya cu rtsa bzhis ni phyir mi 'ong ba'i 'bras bu thob bo// khrag khrig brgyad cu rtsa bzhis ni lan cig phyir 'ong ba'i 'bras bu thob bo// khrag khrig brgya cu rtsa bzhis ni rgyun du zhugs pa'i 'bras bu thob ste/ de dag kyang nyi ma gcig la rab tu byung ba bstan par rdzogs so// slob pa dang / mi slob pa de dag thams cad kyang cig la gcig lung bstan pas/ nyi ma cig gis yongs su mya ngan las 'das so// de bzhin gshegs pa de ni byang chub sems dpa' lnga/ las kyi sgrib pa der skyes te/ sdug bsngal gyi tshor ba nyams su myong ba de dag yongs su smin par mdzad pa'i phyir da dung yang bzhugs so// de skad ces bka' stsal pa dang / bcom ldan 'das la tshe dang ldan pa me'u 'gal gyi bu chen pos 'di skad ces gsol to// bcom ldan 'das las kyi sgrib pa gang gis na/ byang chub sems dpa' rnams re shig 'jig rten gyi khams nyon mongs par skye bar 'gyur lags/ bka' stsal pa/ me'u 'gal gyi bu byang chub sems dpa' chos bzhi dang ldan na/ re shig skye ba ngan pa len par 'gyur ro// bzhi gang zhe na/ me'u 'gal gyi bu byang chub sems dpa' sems dpa'i ming gis rnyed pas tshol bar byed la/ byang chub sems dpa'i slab pa la mi slob pa dang / me'u 'gal gyi bu gzhan yang byang chub sems dpa'i dam pa'i chos spong bar yal bar 'dor zhing ldog par mi byed pa dang / me'u 'gal gyi bu gzhan yang byang chub sems dpa' gzhan dag gi rnyed pa'i bar chad byed cing sngags pa ma yin pa brjod pa dang / me'u 'gal gyi/ bu gzhan yang byang chub sems dpa' lus kyi las dang / ngag gi las dang / yid kyi las ma srung ba dang ldan pa dang / me'u 'gal gyi bu byang chub sems dpa' chos bzhi po de dag dang ldan na/ re shig 'gro ba 'gro bar 'gyur ro// me'u 'gal gyi bu 'di ji snyam du sems/ 'jig rten gyi khams de na bzhugs pa'i de bzhin gshegs pa la snying rtse ba dang / snying rje'i sems yid la byed pa zhes bya ba de gzhan zhig yin snyam du sems na/ me'u 'gal gyi bu khyod kyis de ltar mi lta'o// de ci'i phyir zhe na/ nga nyid 'jig rten gyi khams de na ming de skad ces bya bas sems can rnams la chos ston to// me'u 'gal gyi bu 'di yang sangs rgyas kyi rdzu 'phrul gyi rnam par 'phrul pa'i cho 'phrul yin te/ de la nyan thos dang / rang sangs rgyas thams cad kyis 'jug par mi nus so// me'u 'gal gyi bu de ltar na/ de bzhin gshegs pa ni stong gsum gyi stong chen po'i 'jig rten gyi khams thams cad du/ sangs rgyas kyi 'phrin las mdzad de/ de la ni ston pas ma bstan gyi bar du/ khyed nyan thos rnams kyi 'jug par mi nus so// me'u 'gal gyi bu stong gsum gyi stong chen po 'jig rten gyi khams 'din/ gling chen po bzhi pa'i 'jig rten gyi khams bye ba phrag brgya yod de/ de na de bzhin gshegs pa mos pa ji lta ba bzhin du sems can rnams la chos / ston to// me'u 'gal gyi bu stong gsum gyi stong chen po'i 'jig rten gyi khams 'di nyid na/ gling chen po bzhi pa'i 'jig rten gyi khams gang na tshangs pa'i gzugs kyi chos ston te/ de bzhin gshegs pa rab tu 'byung ba dang / gos ngur smrig mi ston pa med do// de bzhin brgya byin gyi gzugs kyis kyang chos ston to// de bzhin du skye ba thams cad kyis kyang nga chos ston to// me'u 'gal gyi bu stong gsum gyi stong chen po'i 'jig rten gyi khams 'di dag thams cad na/ ji ltar mos pa'i sems can rnams la ji ltar mos pa bzhin du nga chos ston to// sangs rgyas kyi zhing tshad med pa gzhan dang / gzhan dag tu yang chos ston to// de la ni nyan thos dang / rang sangs rgyas thams cad kyis 'jug par mi nus so// me'u 'gal gyi bu dper na/ zla ba'i dkyil 'khor 'am/ nyi ma'i dkyil 'khor na gzhal med khang nas kyang mi g.yo la/ grong dang / grong khyer dang / grong rdal dang / yul 'khor dang / rgyal po'i pho brang thams cad du yang dag par snang ngo // me'u 'gal gyi bu de bzhin gshegs pa dgra bcom pa yang dag par rdzogs pa'i sangs rgyas ni/ sangs rgyas kyi zhing las kyang ma g.yos la/ sangs rgyas kyi zhing dpag tu med pa dag tu yang yang dag par snang ste/ sems can ji ltar yongs su smin par gyur pa rnams la chos ston to// de nas bcom ldan 'das la me'u 'gal gyi bu chen pos 'di skad ces gsol to// bcom ldan 'das gang sum cu rtsa gsum dag na bzhugs pa dag/ 'dzam bu gling dang / lha'i gnas rnams dang / stong gsum gyi stong chen po'i 'jig rten gyi khams 'di na/ gling chen po bzhi pa'i 'jig rten gyi khams/ gzhan dang gzhan dag na/ chos ston cing bzhugs pa la/ de bzhin gshegs pa yang dag pa gang lags/ gang la yon phul na mthu che bar 'gyur ba'i de bzhin gshegs pa yang dag pa ni 'di lags so snyam du/ bdag gis ji ltar 'tshal bar bgyi/ de skad ces gsol pa dang / de nas bcom ldan 'das kyi tshe dang ldan pa me'u 'gal gyi bu chen po la 'di skad ces bka' stsal to// me'u 'gal gyi bu de'i phyir khyod nyid la 'dri bar byed/ khyod nyid kyis ji ltar bzod pa de bzhin du lan thob shig/ me'u 'gal gyi bu 'di ji snyam du sems/ sgyu ma mkhan gyis sprul pa'i skyes bu 'am/ bud med gang yin pa de la yang dag pa gang yin/ gsol pa/ bcom ldan 'das de la ni yang dag pa ci yang ma mchis so// de ci'i slad zhe na/ sgyu ma mkhan gyi gsang sngags dang / rigs sngags kyi stobs kyis bskyed de/ sprul pa sprul par bas na/ de dag la ni khyad par ma mchis so// bka' stsal pa/ me'u 'gal gyi bu ci gang gi phyir sprul pa de'i bya ba byed dam/ gsol pa/ bcom ldan 'das bgyid lags so// bka' stsal pa/ me'u 'gal gyi bu de bzhin du/ spyi ma lta bu'i chos thams cad la ni khyad par rim/ tha dad da bya ba byed dam/ me'u 'gal gyi bu ji ltar sgyum mkhan gyi gsang sngags kyi stobs kyi sprul pa ma po sprul la/ de dag kyang mnyam zhing khyad par med pa 'di lta ste/ sangs rgyas kyi 'phrin las kyi bya ba byas te/ de la yon phul ba gang yin pa de dag rnam par smin pa yang mnyam par 'gyur ro// me'u 'gal gyi bu sangs rgyas bcom ldan 'das rnams ni chung zad kyang tha dad du dbyer med do// me'u 'gal gyi bu de lta bas na/ yang dag pa ma yin pa dang / sgyu ma lta bu'i chos thams cad ni/ chos kyi dbyings su khyad par ram/ tha dad du dbyer med do// me'u 'gal gyi bu de bzhin gshegs pa ni bzhed na/ 'jig rten gyi khams gcig na yang / mtshan sum cu rtsa gnyis dang ldan pa'i de bzhin gshegs pa de'i rang bzhin dang chu zheng ldan pa gang gA'i klung gi bye ma snyed sprul pa mdzad do// / de dag kyang ngag gi las drug cu dang ldan pa'i ngag gi las kyi ston to// de bzhin gshegs pa de dag thams cad kyis kyang sems can thams cad kyi sems kyi spyod pa mkhyen to// de bzhin gshegs pa de dag thams cad kyang ji ltar mos pa'i sems can rnams la mos pa dang / dbang po ji lta ba bzhin du 'jug pa'i shes pa bskyed phyir/ chos ston to// de bzhin gshegs pa de dag thams cad kyis chos bstan pas sems can sna tshogs nges par 'byung bar 'gyur te/ de ltar sdug bsngal yang dag par zad par bya ba'i phyir/ de bzhin gshegs pa de dag thams cad cho 'phrul rnam pa bzhis chos ston to// de bzhin gshegs pa de dag thams cad ni/ sangs rgyas kyi yon tan thams cad kyang yang dag par ston to// me'u 'gal gyi bu 'di ji snyam du sems/ de dag la ches khyad par du 'bags pa 'am/ ches gzugs dang ldan pa 'am/ ches kha dog dang ldan pa 'am/ ches spobs pa dang ldan pa 'am/ ches ye shes dang ldan pa 'am/ ches rdzu 'phral dang ldan pa'am/ ches chos dang ldan pa 'am/ ches sems can yongs su bsgrol ba dang ldan pa gang yin/ gsol pa/ bcom ldan 'das sems can de dag thams cad kyis snga phyi med par mi lus thob par gyur kyang / me'u 'gal gyi bu sems can de dag thams cad la yang de bzhin gshegs pas spu'i khong bu gcig nas/ re re'i 'dun du de bzhin gshegs pa dge slong gi dge 'dun dang bcas pa yang dag par ston la/ me'u 'gal gyi bu phyogs bcur gang gA'i klung gi bye ma snyed kyi khams dag na/ sems can 'khod pa rnams lta zhog gi/ me'u 'gal gyi bu de bzhin gshegs pa ni gdan 'di dag la bzhugs bzhin du sangs rgyas kyi spyan sgrib pa med pa dang / thogs pa med pa dang / sangs rgyas kyi zhing de dag ni de tsam du dpag tu med do// ngas gdan 'di la bzhugs bzhin du gang gzigs pas/ de bzhin gshegs pas dper na blang ba bgrang ba dag gis bstan pa gang yin pa de ni/ sems can thams cad rang sangs rgyas dang 'dra bar gyur pas kyang / shes pa 'am/ gzhal ba 'am/ rtags par slab ma yin na/ nyan thos rnam/ kyis ma me/ de bzhin gshegs pa 'ang zhig gis/ mang rgyas kyi nga ga 'argyam ga ji snyeng song ba dang / gleng drag med mang pa dang / 'brum thag zud mon/ pa dang / bye ba 'bum phrag ji snyed yod pa dang / gtim phrag ji snyed yod pa dang / bkrig phrag ji snyed yod pa dang / mi 'khrug phrag ji snyed yod pa dang / grangs med phrag ji snyed yod pa dang / dpag tu med pa'i phrag ji snyed yod pa dang / gang ga'i klung gi bye ma snyed phrag ji snyed yod pa dang / stong gsum gyi rdul phra rab kyi rdul yongs su gang ba ji snyed yod par mkhyen to// me'u 'gal gyi bu sangs rgyas kyi spyan bsgrib pa dang / thog pa med pas sangs rgyas kyi zhing ji snyed mthong ba'i sangs rgyas kyi zhing de dag na sems can gang sems can du bsdu bar bsdus shing smos pa'i sems can gyi khams rnams ni ches mang gis/ sa'i khams ni de lta ma yin te/ sems can de dag thams cad ni snga phyi med par mI lus thob par gyur la/ thob nas kyang 'khor lo sgyur ba'i rgyal por gyur te/ 'khor los sgyur ba'i rgyal po de re re la yang de snyed kyi 'khor yod par gyur kyang / me'u 'gal gyi bu 'khor los sgyur ba'i rgyal po 'khor dang bcas pa de dag thams cad de bzhin gshegs pas sgra'i khong bu gcig nas/ re re'i 'dun du de bzhin gshegs pa dge slong gi dge 'dun dang bcas pa yang ston la/ gcig gis cig kyang mi mthong ba shes te/ rang rang gi de bzhin gshegs pa mthong ngo // de bzhin sgra'i khung bu tho nas kyang / de bzhin gshegs pa dge slong gi dge 'dun dang bcas pa yang yang dag par chos ston kyang / de bzhin gshegs pa'i rdzu 'phrul gyi rnam par 'phrul pa'i cho 'phrul gyi rgya'i cha 'am/ stong gi cha 'am/ 'bum gyi cha 'am/ bye ba phrag 'bum gyi cha dang / grangs sam cha'am/ bgrang ba 'am/ dpe 'am/ rgyu tsam yang yang dag par bstan par mi 'gyur te/ de la ni tha dad par bstan par mi nus lags so// bka' stsal pa/ me'u 'gal gyi bu de lta bas na rnams grangs 'dis kyang chos thams cad ni sprul pa'i ngo bo nyid de/ khyad par yang med/ tha dad du dbyer yang med pa de ltar rig par bya'o// me'u 'gal gyi bu chos thams cad sprul pa'i ngo bo nyid du shes pa gang yin pa de de dag ni/ so so'i skye bo rnams la tha dad pa dbye bar mi 'dod na// sangs rgyas bcom ldan 'das rnams lta ci smos/ de ci'i phyir zhe na/ me'u 'gal gyi bu chos thams cad ni/ rang bzhin gyis stong pa kun tu gtags pa dang / yongs su brtags pa las byung ba ste/ de dag la ji ltar 'dod pa bzhin du rnam par sgrub mod kyi chos kyi dbyings ni skye ba yang med/ 'jigs pa yang med/ me'u 'gal gyi bu chos kyi dbyings de ni de bzhin gsheg pas de bzhin du thugs su chud de/ de thugs su chud pa'i phyir/ de bzhin gshegs pas sgra'i khong bu gcig nas 'dzam bu'i gling gi sems can ji snyed pa de dag thams cad kyi 'dun du/ de bzhin gshegs pa dge slong gi dge 'dun ded bcas pa/ yang dag par ston la/ de dag kyang cig gis cig mi shes so// me'u 'gal gyi bu 'dzam bu'i gling lta zhog gi/ gling chen po bzhi pa'i 'jig rten gyi khams kyi sems can lha'am/ mi 'am/ de ma yin pa'i skye ba'i gnas na gnas pa ji snyed pa'i sems can de dag thams cad kyi 'dun du de bzhin gshegs pas/ sku'i khong bu gcig nas/ de bzhin gshegs pa dge slong gi dge 'dun dang bcas pa yang dag par ston la/ de dag kyang gcig gis cig mi sheso// me'u 'gal gyi bu gling chen po bzhi pa'i 'jig rten gyi khams kyi sems can rnams lta zhog gi/ me'u 'gal gyi bu nan gyi dper bya na/ stong gsum gyi stong chen po'i 'jig rten gyi khams kyi sems can bsdu bar bsdus pa ji snyed pa de dag thams cad/ snga phyi med par mi'i lus thob par gyur la/ me'u 'gal gyi bu sems can mir gyur pa de dag thams cad kyi 'dun du/ de bzhin gshegs pa'i sgra'i khong bu gcig nas/ de bzhin gshegs pa dge slong gi dge 'dun dang bcas pa yang dag par ston par mdzad la/ de dag kyang gcig gis cig mi shes so// me'u 'gal gyi bu stong gsum gyi stong chen po'i 'jig rten gyi khams kyi sems can thams cad lta zhog gi/ me'u 'gal gyi bu shar phyogs kyi 'jig rten gyi khams gang gA'i klung gi bye ma snyed dag na/ sems can du smos pa gang yin pa'i sems can gyi khams ni che mang gi/ sa'i khams ni de lta ma yin no// de bzhin du lho dang / nub dang / byang gi phyogs dang / phyogs mtshams dang / 'og dang steng gi phyogs re rer yang 'jig rten gyi khams gang gA'i klung gi bye ma snyed dag na/ sems can du smos pa gang yin pa'i sems can gyi khams ni ches mang gi/ sa'i khams ni de lta ma yin no// me'u 'bal gyi bu nan gyi dper bya na/ me'u 'gal gyi bu de ltar na/ de bzhin gshegs pa dgra bcom pa yang dag par rdzogs pa'i sangs rgyas ni/ rdzu 'phrul dang / ye shes dpag tu med pa dang ldan no// me'u 'gal gyi bu 'di ji snyam du semam/ sems can 'khor los sgyur bar gyur pa de dag gis bsod nams kyi phung po gang gis 'khor los sgyur ba'i rgyal srid dang / rin po che sna bdun thob pa'i bsod nams kyi phung po mang ngam/ gsol pa/ bcom ldan 'das mang lag so// bde bar gshegs pa dpag tu ma mchis so// bka' stsal pa/ me'u 'gal gyi bu khyod mos par bya'o// khong du chud par bya'o// sems can 'khor los sgyur bar gyur pa de dag thams cad kyi bsod nams kyi phung po de bas ches mang ba'i bsod nams kyi phung pos de bzhin gshegs pa'i sgra'i khong bu cig yongs su sgrub par 'gyuraro// de nas bcom ldan 'das la tshe dang ldan pa me'u 'gal gyi bu chen pos 'di skad ces gsol to// bcom ldan 'das bdag gis ston pa 'di ltar rdzu 'phrul chi ba dang / 'di ltar dbang che ba/ grags pa dang / 'di ltar mthu che ba ni/ bdag gi rnyed pa legs par rnyed lags so// de lta legs kyis kyang bdag ni rgyu'i rjes su 'gro ba'i chos thams cad la thog pa ma mchis pa'i ye shes 'di lta bu las dman par gyur pa lags so// bcom ldan 'das de bzhin gshegs pa'i sangs rgyas kyi rdzu 'phrul gyis/ rnam par 'phrul pa'i tshe 'drug 'di thos nas/ lan cig sems bskyed pa'i sems can de dag kyang / rnyed pa legs par rnyed lags na/ bdag mos par bgyid la/ mos shing yid ches nas kyang / rdzu 'phrul dang / ye shes 'di lta bu rdzogs par bgyi ba'i slad du/ bla na med pa yang dag par rdzogs pa'i byang chub tu sems bskyed/ ba lta smos kyang ci 'tshal te/ sems can de dag ni lha dang bcas pa'i 'jig rten phyag bgyi bar gnas pa lags so// bka' stsal pa/ me'u 'gal gyi bu de de bzhin te/ khyod ji skad zer ba bzhin du/ sems can gang dag de bzhin gshegs pa'i yon tan rnams la yid ches pa de dag gis ni/ rnyed pa legs par rnyed do// de dag ni log par lhung ba dgos pa med par shes par bya'o// de nas lha de dag dang / klu de dag dang / brgya byin de dag dang / tshangs pa de dag gis bcom ldan 'das las sangs rgyas kyi rdzu 'phral gyis rnam par 'phrul pa'i cho 'phrul 'di thos nas/ tshig 'thun par sangs rgyas bcom ldan 'das rnams la phyag 'tshal lo// phyag 'tshal lo// sems can gang dag gis ye shes 'di lta bu yongs su rdzogs par bya ba'i phyir/ sems bskyed pa 'am/ bskyed par 'gyur ba de dag la yang phyag 'tshal lo// ji ltar da ltar na/ de bzhin gshegs pa rnam par 'phrul pa bzhin du/ de dag kyang rnam par 'phrul par 'gyur te/ de bas na bdag cag gis 'di la som nyi dang / yid gnyis sam/ the tsom za bar mi byed do// zhes ched du brjod pa ched du brjod do// de nas lha dang / klu dang / gnod sbyin dang / dri za de dag dang / brgya byin de dag dang / tshangs pa de dag gis bcom ldan 'das la mchod pa bya/ ba dang / chos kyi rnam grangs 'di la gus par bya ba'i phyir/ sil snyan 'bum sgra phyung ngo // lha'i me tog ud pa la dang / pad ma dang / ku mu ta dang / pad ma dkar po dag gis sum cu rtsa gsum gyi gnas thams cad la mngon par gtor to// chos kyi rnam grangs 'di bstan pa dang / sngon bla na med pa yang dag par rdzogs pa'i byang chub tu sems bskyed pa'i lha be ba khrag khrig phrag drug cu rtsa gnyis kyi sems skyed de tshig 'di skad du ji ltar da ltar na/ de bzhin gshegs pa seng ge'i sgra sgrogs pa de bzhin du/ bdag cag kyang ma 'ong po'i dus na/ lho dang bcas pa'i 'jig rten gyi 'dun na/ bla na med pa'i seng ge'i sgra sgrogs par gyur cig ces smras so// de nas bcom ldan 'das la lha'i bu zla ba dang / zla mchog gi 'di skad ces gsol to// bcom ldan 'das rigs kyi bu dang / rigs kyi bu mo gang chos kyi rnam grangs 'di 'dzin pa dang / 'chang ba dang / klog pa dang / kun chub par bgyid pa dang / gzhan dag la yang rgya cher yang dag par ston pa de bsod nams ji tsam zhig bskyed par 'gyur lags/ de skad ces gsol pa dang / bcom ldan 'das kyis lha'i bu zla ba dang / zla mchog la 'di skad ces bka' stsal to// lha'i bu rigs kyi bu dang / rigs kyi bu mo gang chos kyi rnam grangs 'di bdag nyid kyi 'chang la/ gzhan dag la yang dag par ston pa de ni/ dkon mchog gsum rgyun mi 'chad pa'i phyir/ zhugs pa yin no de ci'i phyir zhe na/ lha'i bu 'di ltar chos kyi rnam grangs 'di thos na nyan thos kyi sems sam/ rang sangs rgyas kyi sems bskyed par mi 'gyur te/ bla na med pa yang dag par rdzogs pa'i byang chub 'ba' zhig tu sems bskyed par 'gyur/ ba'i phyir ro// de ci'i phyir zhe na/ lha'i bu rgya chen po la mos pa/ dbang po rnon po// sngon gyi rgyal ba la lhag par bya ba byas pa/ rnams ni chos kyi rnam grangs 'di la/ dga' ba bskyed par 'gyur gyi/ chung ngu la mos pa rnams ni de lta ma yin no// lha'i bu rnam grangs 'dis na/ gang dag chos kyi rnam grangs 'di 'chang ba dang / klog pa rnams ni ci nas dkon mchog gsum rgyun mi 'chad pa'i phyir gnas pa yin pa de ltar rig par bya'o// lha'i bu 'di ji snyam du sems/ gang dkon mchog gsum rgyun mi 'chad pa'i phyir/ gnas pa de'i sngags pa'i mtha' 'am/ bsod nams kyi mtha'/ sangs rgyas 'bum/ sku tshe'i tshad/ bskal par bzhugs pa bas kyang bstan pa 'am/ gshad par spyod dam/ gsol pa bcom ldan 'das de ni ma lags so// bka' stsal pa/ lha'i bu rnam grangs 'di kyang / gang dag chos kyi rnam grangs 'di 'chang ba 'am/ gzhan dog la ston pa de bsod nams tshad med par skye bar mkhas pa des de ltar rig par bya'o// de nas bcom ldan 'das la/ byang chub sems dpa' byams pas 'di skad ces gsol to// bcom ldan 'das chos kyi rnam grangs 'di'i ming ci lags/ ji ltar gzung bar bgyi/ bcom ldan 'das kyis bka' stsal pa/ byams pa de'i phyir chos kyis rnam grangs 'di sum / cu rtsa gsum gyi le'u zhes bya bar yang zung shig/ sangs rgyas kyi rdzu 'phrul gyi rnam par 'phrul pa'i cho 'phrul zhes bya bar yang zung shig/ bcom ldan 'das kyis de skad ces bka' stsal nas/ lha'i bu zla ba dang / zla mchog dang / byang chub sems dpa' sems dpa' chen po byams pa dang / tshe dang ldan pa me'u 'gal gyi bu chen po dang / tshangs pa de dag dang / brgya byin de dag dang / lha de dag dang / mi de dag dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// // 'phags pa sum cu rtsa gsum pa'i le'u zhes bya ba/ theg pa chen po'i mdo rdzogs s+ho// rgya gar gyi mkhan po padz+nyA bar ma dang / zhu chen gyi lo tsa ba ban de ye shes sde la sogs pas bsgyur cing / zhus te gtan la phab pa'o//