བོད་ཡིག

e-texts produced with BDRC’s OCR application

theg pa chen po'i mdo// rdzogs so// rgya gar skad du/ tri d+har+m+ma ka nA ma su tra/ bod skad du/ chos gsum pa zhes bya ba'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus cig na// bcom ldan 'das mnyan yod na rgyal bu rgyal byed kyi tshal/ mgon med zas sbyin gyis kun dga' ra ba na/ dge slong gi dge 'dun chen po dang thabs cig du bzhugs te/ de nas bcom/ ldan 'das kyis dge slong rnams la bka' stsal pa/ dge slong dag 'di na mi blun po la la dam pa'i chos ma yin pa gsum dang ldan na/ sbyin pa dag mi byin zhing / bsod nams dag mi byed la tshul khrims yang dag par blangs nas gnas par mi byed do// gsum po gang zhe na 'di lta ste/ 'dod chags dang / ser sna dang bag med pa ste/ dge slong dag 'di na mi blun po la la dam pa'i chos ma yin pa gsum po de dag dang ldan pas sbyin pa dag ma byin zhing / bsod nams dag ma byas pa/ tshul khrims yang dag par blangs te gnas par ma byas pas/ lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro// dge slong dag skyes bu dam pa dam pa'i chos gsum dang ldan pa ni/ sbyin pa dag sbyin zhing / bsod nams byed la tshul khrims yangs dag par blangs te gnas par byed do// gsum po gang zhe na 'di lta ste/ ma chags pa dang / sor sna med pa dang / bag yod pa'o dge slong dag dam pa'i chos gsum po de dag dang ldan pa/ skyes bu dam pa sbyin pa dag byin zhing / bsod nams dag byed la/ tshul khrims yang dag par blangs te gnas par byas pas/ lus zhig te shi bI/ sa gsuMpa @#'og tu bde 'gro mtho ris kyis 'jig rten rnams kyis nang du skye bar 'gyur ro// bcom ldan 'das kyis de skad ces bka' stsal te bde bar gshegs pas de skad gsungs nas/ ston pas gzhan yang 'di skad bka' stsal to// gang phyir ser sna bag med pa// sbyin pa byin par mi byed de// de phyir bsod nams 'dod pa yi// mkhas pas sbyin pa sbyin par byed// ser sna can gyis 'jigs pa ni// bkres dang skoms pa 'di yin na// gang gi 'jigs pas 'dir mi byin// de nyid mi'i 'jigs pa yin// gang gis ser sna'i dbang gis na// yod ma byin pa 'jigs pas ste// 'jig rten 'di dang pha rol du// de yi byis pa dgos par 'gyur// gang dag ser sna spangs nas kyang // dus su sbyin pa sbyin byed na// shi yang de ni shi ma yi// rgyags zad pa yi 'gron po bzhin// gang dag shin du btang dka' ba// nyung 'am mang po gtong byed na// gtang dka' gtong ba de dag ni// dka' ba'i las dag byed pa yin no// dam pa min pas mi rtogs te// dam chos las 'da' mi byed// de phyir dam pa dam pa yin// 'di nas shi bar 'gyur ba na// dam pa min pa dmyal bar 'gro// dam pa dag ni mtho ris 'gro// rga bas gtses pa la ni skyabs med de// tshe thung ba ni srog khyer dus kyang nye// 'chi ba'i 'jigs pa 'di mthong rnams kyis ni// bsod nams dben sbyor dag gis bya ba'i rigs// bud med spangs 'di bor bas mtsho ba gang / dka' bas sbyin pa nyung ngu byin na yang // stong gi mchod sbyin brgya stong byed pa de// de yi bcu drug char yang mi phod do// ci'i phyir mchod pa yangs shing brgya che ba// mchod sbyin mthun pa de'i lam mi 'gro// ji ltar stong gi mchod sbyin stong rnams kyang // de'i bcu drug 'char mi 'gyur zhe na// byis pa la la gsod cing gcod byed 'dir// gzhan no/ mo byin len byed rlag par 'gyur// mchi gdong bcas chad par bcas pa yin// yon do'i mchod sbyin mthun pa'i lam mi 'gro/ de ltar mchod sprin yangs shing rgya che ba// mchod sbyin mthun pa'i lam du mi 'gro ba// de ltar stong gi mchod sbyin sdong rnams kyang // de'i bcu drug char yang mi phod do// la la gang dag ze lums ma yin par// chos bzhin nor rnams thob pa stong byed pa// de dag gtang dka' gtong ba de rnams ni// rang gi bsod nams kyis ni lha gnas 'gro// bcom ldan 'das kyis de skad ces bka' stsal nas/ dge slong de dag yid rangs te/ bcom ldan 'das kyis gsungs pa la mngon par stod do// chos gsum pa zhes bya ba'i mdo rdzogs s+ho// rgya gar gyi mkhan po dzi na mi tra dang zhu chen gyis lo tsA ba ban de de btsan dras sbyar ba la lo tsA ba dpal rtsegs kyi zhus te gtan la phab pa'o//