བོད་ཡིག

e-texts produced with BDRC’s OCR application

rgya gar skad du/ de ba su tra/ bod skad du/ lha'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de na mtshan mo mi nyal tsam du na/ lha mdog shin tu bzang po zhig bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ de nas lha'i mthus rgyal bu rgyal byed kyi tshal thams cad snang ba chen pos khyab par gyur to// de nas de'i tshe lha des tshigasu gcad pa 'di dag gsol to// mtshon cha rnon po de gang lags// ha la ha la'i dug gang lags// rab tu 'bar ba'i me gang lags// mun pa rab gnag de gang lags// bcom ldan @#'das kyis bka' stsal pa// tshig gdug mtshon ma rnon po yin// 'dod chags gal ga la'i dug/ zhe sdang rab tu 'bar ba'i me/ mun pa rab gnag ma rig pa// lha yis gsol pa/ mi yis zin pa de gang lags// gang 'dir bor ba de gang lags// mi shigs go cha ci zhig lags/ 'di na mtshon du ci rno lags/ bcom ldan 'das kyis bka' stsal pa/ bdag gis gang byin zin pa yin/ khyim du gang bzhag 'dir bor yin// mi shigs go cha bzod pa yin// 'di na mtshon du shos rab rno// lhas gsol pa/ chom rkun zhes bgyid de gang lags// dam pa rnams kyi nor gang lags// lha dang bcas pa'i 'jig rten la// bslus zhes bgyi ba de gang lags// bcom ldan 'das kyis bka' stsal pa// rnam rtog chom rkun mkhas pa yin// tshul khrims dam pa rnams kyi nor// gang dag tshul khrims log ltung byas// de dag 'jig rten bslus pa yis// lhas gsol pa/ bde zhes bgyi ba de gang lags// dbang phyug dam pa de gang lags// rtag tu rnam par brgyan pa gang // tho btsams gang lags bka' stsal gsol// bcom ldan 'das kyis bka' stsal pa// 'dod chung bde bar shes par bya// chog shes dbang phyug dam pa yin// khrims ldan rtag tu rnam par brgyan// tshul khrims nyams pa tho btsams yin/ lha yis gsol pa/ rtsa lag mnyes gsher de gang lags/ bsam pa sdang ba'i dgra gang lags// sdug bsngal mi zad de gang lags// mchog tu bde ba de gang lags/ bcom ldan 'das kyis bka' stsal pa/ rtsa lag mnyes gshin bsod nams yin// sdig pa bsam pa sdang ba'i dgra/ dmyal ba'i sdug bsngal mi zad pa// phung po med pa bde ba'i mchog/ lhas gsol pa// sdug la mi phan de gang lags// phan yang mi sdug gang zhig lags// gnod pa bgyid pa'i nad gang lags// sman pa mchog cig de gang lags// bcom ldan 'das kyis bka' stsal pa// 'dod pa sdug kyang mi phan pa// thar pa phan la mi sdug pa// 'dod chags gnod pa byed pa'i nad// sman pa mchog cig sangs rgyas yin// lhas gsol pa/ gang gis 'jig rten 'di sgribs lags// gang gis 'jig rten dbang du bgyis// gang gis mdza' bshes 'byed par bgyid// gang gis mtho ris mchis mi 'gyur// bcom ldan 'das kyis bka' stsal pa// mi shes pas ni 'jig rten bsgribs// gti mug gis ni dbang du byas// zhes pas 'dza' bshes 'byed par byed// chags pas mtho ris 'gro mi 'gyur// lhas gsol pa/ gang gis 'dza' bshes 'phel bar 'gyur// gang gis dgra rnams zhi bar 'gyur// gang gis mtho ris thob par bgyid// gang gi thar pa mchis par 'gyur// bcom ldan 'das kyis bka' stsal pa// gtong bas 'dza' bshes 'phel bar 'gyur/ byams pas dgra rnams zhi bar byed// tshul khrims kyis ni mtho ris thob// shes pas thar par 'gro bar 'gyur// lhas gsol pa/ rgyal po dang ni chom rkun gyis// shin tu bsgrim pa bgyis gyur kyang // skyes pa 'am bud med gang gi'ang rung // dbrog par mi tshugs ci zhig lags// bcom ldan 'das kyis bka' stsal pa// rgyal po dang ni chom rkun gyis// shin tu bsgrim par byas gyur kyang // skyes pa 'am bud med gang gi'ang rung // dbrog par mi tshugs tshul khrims so// lhas gsol pa/ 'jig rten 'di ni gang gis 'ching // gang gis 'jig rten rnam par grol// gang zhig rnam par spangs pas na// mya ngan 'das shes bgyi bar 'gyur// bcom ldan 'das kyis bka' stsal pa/ 'dod pas 'jig rten 'ching bar byed// 'dod pa med pa rnam par grol// srid pa rnam pa spangs pas na// mya ngan 'das zhes brjod pa yin// lhas gsol pa/ rlung dmar gyis kyang mi shigs shing // zhugs kyis mi tshig de ci lags// dog sa bltas par bgyid pa'i// chab kyi mi 'drul gang zhig lags// bcom ldan 'das kyis bka' stsal pa// rlung dmar gyis kyang mi shigs shing // mes kyang mi tshig bsod nams yin// sa rnams khyab par byed pa'i// chus kyang mi 'drul bsod nams so// lhas gsol pa/ su zhig shin du bslus gyur nas// 'jig rten 'di nas pha rol 'chi// da dung bdag gi dogs pa 'di/ khyod kyi gsal bar mdzad pa'i rigs// bcom ldan 'das kyis bka' stsal pa// gang gis longs spyod yod bzhin du/ bsod nams bsags pa ma byas pa// de ni shin du bslus gyur nas/ 'jig rten 'di nas pha rol song // lhas gsol pa/ 'jigs pa kun las 'das gyur cing // rgal ba 'jig rten mthu ldan pa'i// bram ze mya ngan yongs 'das par// kye ma bdag gis rings nas mthong // bcom ldan 'das kyis de skad ces bka' stsal nas/ lha de yid rangs te/ bcom ldan 'das kyi zhabs la mgo bos phyag 'tshal nas rjes yid rangs ste/ de nyid du mi snang bar gyur to// // lha'i mdo// // rdzogs so// sarba mang+ga lam// rgya gar skad du/ Ar+ya sang pu ru sha su tram/ bod skad du/ 'phags pa skyes bu dam pa'i mdo//