<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
F126: 'phags pa srid pa 'pho ba zhes bya ba theg pa chen po'i mdo<br><table><tr><td>
<input type="button" onclick="location.href='tcompletep.php?id=F126&coll=F&volcur=0';" value="show page break" />
<td width=150><td>
<input type="button" onclick="location.href='tcompletel.php?id=F126&coll=F&volcur=0';" value="show line break" />

<td width=150><td>
<a href="tcompleteu.php?coll=F&id=F126&volcur=0" style=font-size:25px;">བོད་ཡིག</a><td width=150><td>e-texts produced with BDRC’s OCR application <a href="https://github.com/buda-base/tibetan-ocr-app" target="_blank"><img src="../sub/link.png" width=20></table><hr><p style="font-size:18px;">rdzogs so// rgya gar gyi mkhan po da na shi la dang / ban de ye shes sdes bsgyur cing zhus te gtan la phab pa/ zhu dgo/ rgya gar skad du/
 Ar+ya b+ha ba sang kra ti na ma ma hA ya na su ta// bod skad du/ 'phags pa srid pa 'pho ba zhes bya ba theg pa chen po'i mdo// sangs rgyas dang byang chub sems dpa'
 thams cad la phyag 'tshal lo// 'di skad bdag gis thos pa'i dus cig na/ bcom ldan 'das rgyal po'i khab na 'od ma'i tshal bya ka lan 'da' ka gnas pa na/
 dge slong brgya phrag byed dang bcu gsum gyi dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu
 bzhugs so// de nas bcom ldan 'das 'khor brgya stong du mas bskor cing / mdun du byas nas chos ston te/ thog mar yang dge bar du yang dge/ tha mar yang
 dge don bzang po// yi ge bzang po// ma 'dres pa/ yongs su rdzogs pa/ yongs su dag pa/ yongs su byang ba/ tshangs par spyod pa/ yang dag par rab
 rab tu ston to// yang de'i tshe rtswa mnyam dka'i rgyal po mkhas ldan gzugs can snying po// rgyal po'i khab kyi grong khyer chen po nas byung ste/ 'od ma'i tshal bya/
 ka lan 'da' ga gnas pa gang na ba dang / bcom ldan 'das ga la ba der song ste byin nas/ bcom ldan 'das kyi nabs la mgo bos phyag 'tshal te/ lan gsum
 bskor ba byas nas phyogs cig tu 'dug go// phyogs gcig tu 'dug nas/ yul mnyam dka'i rgyal po mkhas ldan gzugs can snying pos/ bcom ldan 'das
 la 'di skad ces gsol to// bcom ldan 'das ji ltar na las bgyis shing bsags pa 'gags nas/ yun ring du lags pa/ 'gum ka'i dus kyi tshe so sor
 nye bar gnas shing mngon sum du 'gyur lags/ ji ltar na 'du byed thams cad stong pa la/ las chab mi 'tshal bar gda'/ de skad ces gsol ba dang /
 bcom ldan 'das kyis yul mnyam dka'i rgyal po mkhas ldan gzugs can snying po la 'di skad ces bka' bstsal to// rgyal po chen po 'di lta ste dper na/
 skyes bu zhig gnyid ldog pa'i rmi lam na/ skye bo bzang po'i bud med dang lhan cig kun du spyod pa rmis nas de gnyid log pa de las sad kyang / skye bo bzang po'i
 bud med dran par gyur na/ rgyal po chen po 'di ji snyam du sems/ rmi lam gyi skye bo bzang mo bud med de yod pa yin nam/ gsol pa bcom ldan 'das mchis
 pa ma lags so// bcom ldan 'das kyis bka' stsal pa/ rgyal po chen 'di ji snyam du sems/ skyes bu gang gnyid kyis log pa'i rmi lam na skye bo bzang ma
 bud med dang / 'grogs pa rmis pa las dran par gyur pa de/ mkhas pa'i rang bzhin can yin nam/ gsol pa bcom ldan 'das
 ma lags so// de ci'i slad du zhe na/ bcom ldan 'das gnyid ldog pa'i rmi lam gyi skye bo bzang mo'i bud med ni/ shin tu ma mchis shing mi dmigs pa lags na/
 de dang kun spyod pa lta ga la mchis te/ skye bo mi bde zhing nyam thag pa'i phyogs su 'gyur ro// bcom ldan 'das kyis bka' stsal pa/ rgyal po chen po de de bzhin
 te/ so so'i skye bo thos pa dang mi ldan pa/ mig gis yid bde ba gnas par 'gyur ba'i gzugs rnams mthong nas mngon par chags nas lus dang / ngag dang
 yid kyis/ 'dod chags las skyes pa/ zhe sdang las skyes pa/ gti mu las skyes pa'i las mngon par 'du byed do// las de yang mngon par 'du byas nas/
 'gag go// 'gags kyang shar phyogs la rten cing gnas pa ma yin/ lho dang nub dang byang dang / steng dang 'og dang / phyogs mtshams la rten cing gnas pa yang ma
 yin te/ ji tsam dus gzhan zhig na/ 'chi ba'i dus kyi tshe/ so sor nye bar gnas te/ rnam par shes pa tha ma 'gag pa na/ 'di lta ste/ gnyid kyis log
 pa las sad de/ skye bo bzang mo'i bud med dran bzhin du/ las de yid la mngon du 'gyur ro// rgyal po chen po de ltar na/ rnam par shes pa tha ma 'gag la/
 skye ba'i char gtogs pa'i rnam par shes pa dang po yang na lha rnams kyi nang du'am/ yang na ni mi rnams kyi nang du 'am yang na ni lha ma yin rnams kyi nang du 'am//
 yang na ni sems can dmyal ba rnams kyi nang du 'am/ yang ni byol song rnams kyi nang du'am/ yang na yi dgas rnams kyi nang du skye'o// rgyal po chen po skye ba'i char
 gtogs pa'i rnam par shes pa dang po skyes ma thag tu/ gang du rnam par smin pa rab tu myong ba snang bar 'gyur ba de 'dra ba'i sems kyi rgyud rab tu 'jug go/ rgyal
 po chen po de la chos gang yang 'di nas 'jig rten pha rol tu mi 'pho mod kyi/ 'chi 'pho dang skye bar snang ba yang yod do// rgyal po chen po de la rnam par shes pa
 tha ma 'gag pa gang yin pa de ni 'chi 'pho'o// rnam par shes pa dang po 'byung ba gang yin pa 'di skye'o// rgyal po chen po de la rnam par shes pa tha ma 'gag
 pa na yang gang du yang mi 'gro la skye ba'i char gtogs pa'i rnam par shes pa dang po skye ba na yang gang nas kyang mi 'ong ngo // de ci'i phyir zhe na/ rang bzhin gyis dben
 pa'i phyir ro// rgyal po chen po de la rnam par shes pa tha mas stong / 'chi 'pho yang 'chi 'phos stong / las kyang las kyis stong / rnam par shes pa dang tha
 yang rnam par shes pa dang pos stong / skye ba yang skyabs stong med kyi/ las kyang chud mi zad par rab tu skye'o// rgyal po chen po skye ba'i char gtogs pa'i/
 tha ma yang rnam par shes pa
 rnam par shes pa dang po de byung ma thag tu gang du rnam par smin pa rab tu myong bar snang bar 'gyur ba'i rnam par shes pa'i rgyun rab
 tu 'jug go/ bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad gsungs so//
 'di dag thams cad ming tsam te/ 'du shes tsam du rab tu gnas/ brjod pas brjod par bya ba yang / gud na yod pa ma yin no// gang dang gang gis ming rnam
 kyis/ chos rnams gang gang brjod pa/ de dag yod pa ma yin te/ de dag chos kyi chos nyid do// ming ni ming gis stong pa ste/ ming la ming ni yod ma
 yin/ ming gis yongasu brjod pa yin/ chos kun ming yod ma yin no// chos 'di dag ni yang dag min/ rnam par rtog las kun du 'byung //
 'di las rtog pa gang gis su/ stong par rnam rtog de med do// thams cad gzigs pas kun rdzob du/ mig la gang nang gzugs brjod pa/ 'jig rten dag
 na log pa yi/ nga rgyal can dag bden snyam 'am/ gang la rnam par 'dren pa yin/ 'dus tshogs lta bar bshad pa yin/ de la blo dang ldan pa rnams//
 don dam gdags pa yis shes smra/ mig gis gzugs rnams mi mthong zhing / yid kyis chos rnams mi shes pa/ de ni mchog gis bden pa ste/ de la 'jig
 rten dpog mi nus/ bcom ldan 'das dges shing de skad ces bka' stsal to// yul mnyam dka'i rgyal po mkhas ldan gzugs can snying po dang / dge slong
 de dag dang / byang chub sems dpa' de dag dang / lha dang mi dang lha ma yin dang / dri zar bcas pa'i 'jig rten yid rang te/ bcom ldan 'das kyis gsungs
 pa la bangon par bstod do// 'phags pa srid pa 'gro ba zhes bya ba theg pa chen po'i mdo// rdzogs so// bkra shis shog