| e-texts navigator |
| Wylie |
274a1 རྒྱ་གར་སྐད་དུ། ན་ག་རཱ་ཛ་པུ་རི་ཏན་ཏྲ་ཏི་ཙི་ཙིཏྟ་ཡ། བོད་སྐད་དུ། ཀླུའི་རྒྱལ་པོ་མཆོད་རྟེན་གྱི་རྒྱུད་ཐུགས་ཡང་དག་པ། དཔལ་ཕྱག་ན་རྡོ་རྗེ་ལ་ཕྱག་འཚལ་ལོ།། འདི་སྐད་བདག་གིས་ཟོས་པའི་དུས
274a2 གཅིག་ན། བཅོམ་ལྡན་འདས་ཐུགས་རྗེ་ཆེ་ལ་ཐབས་མཁས་པ་དེ་འཛམ་བུའི་གླིང་དུ་སེམས་ཅན་གྱི་དོན་མཛད་ནས། ཤར་ཕྱོགས་གངས་ཀྱི་རི་བོ་ཆེན་པོ་ལ་བྱིན་གྱིས་བརླབས་པའི་གཞལ་ཡས་ཁང་། རིན་པོ་ཆེ་སྣ
274a3 བཞི་ལས་གྲུབ་པ། མེ་ཏོག་སྣ་ཚོགས་དང་། བདུག་སྤོས་སྣ་ཚོགས་དང་། རྒྱན་སྣ་ཚོགས་ཀྱིས་བརྒྱན་པ། བཀྲ་ཤིས་པའི་བྱ་སྣ་ཚོགས་ཀྱིས་སྒྲ་སྒྲོག་པའི་གཞལ་ཡས་ཁང་དེ་ན། སེམས་ཅན་ཐམས་ཅད་ལ་ཚད་མེད་པ
274a4 ཁྱབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་ཡང་སེམས་ཅན་ཐམས་ཅད་ཀྱི་དོན་ལ་བརྩོན་པའི་ཕྱིར། བྱང་ཆུབ་སེམས་དཔའ་སྤྱན་རང་གཟིགས་དང་། བྱང་ཆུབ་སེམས་དཔའ་འཇམ་དཔལ་དང་། བྱང་ཆུབ
274a5 སེམས་དཔའ་ཕྱག་ན་རྡོ་རྗེ་ལ་སོགས་པ་མང་པོ་དང་ཐབས་གཅིག་ཏུ་ཏིང་ངེ་འཛིན་ལ་གནས་སོ།། དེ་ནས་འཛམ་བུ་གླིང་གི་སེམས་ཅན་ཐམས་ཅད་བདེ་སྐྱིད་ཕུན་སུམ་ཚོགས་པ་དང་ཡང་ལྡན། ཚེ་དང་དབང་ཟང
274a6 ཡང་རྒྱས། བར་དུ་གཅོད་པའི་འབྱུང་པོ་ཀུན་ཡང་ཉེ་བར་ཞི། སངས་རྒྱས་ཀྱི་བསྟན་པ་དར་བའི་དུས་ན། ལྷོ་ཕྱོགས་ཀྱི་འཇིག་རྟེན་གྱི་ཁམས་ན། རི་ནག་པོ་དགུ་འདས་པ་ན་གངས་ཀྱི་རིའོ།། དེའི་ཕྱི་རོལ་ན་སྤོས
iiif viewer powered by OpenSeadragon
