| e-texts navigator |
| Wylie |
117b1 པོའི་བདག་ཉིད་ཅན།། དམ་པའི་གཙུག་ལག་སྲུང་མ་སྟེ།། ཀེང་རུས་བརྩེགས་པའི་སྟེང་ན་བཞུགས།། ལས་སུ་སངས་རྒྱས་བསྟན་པ་བསྲུང་།། ཟས་སུ་ཤ་དང་ཁྲག་ལ་ཟ།། དུར་ཁྲོད་གནོད་སྦྱིན་ཀུན་གྱི་གཙོ་བོ
117b2 མཛད།། ནག་པོ་འཇིགས་བྱེད་སྐུ་ལ་ཕྱག་འཚལ་ལོ།། དཔའ་བོ་འཁོར་ལོའི་བདག་ལ་ཕྱག་འཚལ་ལོ།། ལྷ་དམག་དབུགས་འབྱིན་ཁྱེད་ལ་ཕྱག་འཚལ་ལོ།། ལྷ་དང་ཀླུ་ལ་སོགས་པ་ཡིས།། དཔལ་ལྡན་མགོན་པོ
117b3 ནག་པོ་ལ།། དམ་པའི་བསྟོད་པས་བསྟོད་ནས་ནི།། སོ་སོར་རང་རང་གནས་སུ་དེངས།། མགོན་པོ་ནག་པོས་འཁོར་གྱི་ལྷ་སྲིན་སྡེ་བརྒྱད་ལ་བཀའ་སྩལ་པ། ཨོཾ་དྲི་ཟ་མེ་ལྷ་གཤིན་རྗེ་དང་།། བདེན་བྲལ་ཆུ་ལྷ་རླུང་གི
117b4 ལྷ།། གནོད་སྦྱིན་དབང་ལྡན་ས་བདག་སོགས།། ལྷ་ཡི་ཚོགས་དང་ཀླུ་ཡི་ཚོགས།། སྲིན་པོ་རོ་ལངས་གསོད་བྱེད་མ།། ཀླུ་ཡི་བུ་མོའི་ཚོགས་བཅས་དང་།། གནོད་སྦྱིན་བདུད་མོ་འབྱུང་པོའི་ཚོགས།། ཤ་དང་ཁྲག་ལ
117b5 དགའ་བ་རྣམས།། ཐམས་ཅད་ཀུན་ནས་འདིར་གཤེགས་ཤིག། འབྱུང་པོའི་ཤ་ནི་བཟའ་བར་ཞིམ།། འབྱུང་པོའི་ཁྲག་ནི་བཏུང་བར་ཞིམ།། འབྱུང་པོའི་བུས་པ་ཞིམ་པ་སྟེ།། གདུག་པ་ཐམས་ཅད་འདུལ་བའི་ཕྱིར།། ཟོ
117b6 ཞིག་འཐུངས་ཤིག་མྱུར་དུ་སྒྲོལ།། མགོན་པོ་མན་ངག་གྲི་གུག་བརྩེགས་པའི་རྒྱུད་ལས། འཁོར་གྱིས་གཙོ་བོ་ལ་བསྟོད་པའི་ལེའུ་སྟེ་ཉི་ཤུ་པའོ།། །། གསང་བའི་བདག་པོའི་རྒྱུད་འདི་འཇིག་རྟེན་གྱི་ཁམས
iiif viewer powered by OpenSeadragon
