| e-texts navigator |
| Wylie |
117a1 བརྒྱད་པའོ།། ། དེ་ནས་འཁོར་ལྷ་མ་ཕྲིན་རྣམས་ཀྱིས་བཅོམ་ལྡན་འདས་ཕྲག་ན་རྡོ་རྗེ་དང་།། རྡོ་རྗེ་སེམས་དཔའ་ལ་བསྟོད་པ། སྭཱ་རྡོ་རྗེ་སེམས་དཔའ་སེམས་དཔའ་ཆེ།། རྡོ་རྗེ་ཡེ་ཤེས་ཆེན
117a2 པོའི་མཆོག། ཕྱག་ན་རྡོ་རྗེ་མཐུ་སྟོབས་བདག། གསང་བའི་བདག་པོ་རྡོ་རྗེ་ཅན།། ཡ་མཚན་རྨད་བྱུང་ཁྱོད་ལ་ཕྱག་འཚལ་བསྟོད།། གྲི་གུག་གི་རྒྱུད་ལས། འཁོར་གྱིས་གཙོ་བོ་ལ་བསྟོད་པའི་ལེའུ་སྟེ་བཅུ་དགུ
117a3 པའོ།། །། དེ་ནས་ཡང་འཁོར་གྱིས་གཙོ་བོ་ལ་བསྟོད་པ། བསྐལ་པ་མེ་ལྟར་འབར་བ་ཡི།། དུར་ཁྲོད་ཆེན་པོའི་ཀློང་དཀྱིལ་ནས།། གདུག་པར་གྱུར་པ་ཐམས་ཅད་ཀུན།། འདུལ་བྱེད་མགོན་པོ་ནག་པོ
117a4 སྟེ།། སྐུ་ནི་མཐིང་ནག་ཆེན་པོ་ལ།། དཔའ་བོ་སྟག་གི་སྐྲག་པ་ཅན།། བདུད་ཀྱི་བེར་ནག་སྐུ་ལ་གསོལ།། ཐལ་བའི་མཚན་མས་ལུས་བྱུགས་པ།། གཡས་ནག་གཅོད་པའི་གྲི་གུག་བསྣམས།། གཡོན་པ་བྷནྡྷའི་ཁྲག
117a5 ཆེན་གསོལ།། ཞལ་ནས་ཁྲག་དང་ཞག་ཀྱང་འཛག། མཆེ་བ་ཟླ་བ་ཆོས་པའི་ཚུལ།། སྤྱན་གསུམ་སྡང་མིག་གློག་ལྟར་འགྱུ།། རལ་པ་ཁམ་ནག་གྱེན་དུ་འཁྱིལ།། ཁྲོ་གཉེར་བསྡུས་པའི་གཟི་བརྗིད་ཅན།། བྷནྡྷའི་ཕྲེང
117a6 བས་དོ་ཤལ་བྱས།། གསུས་ཁྱིམས་ཆེ་ཞིང་གསུས་པ་འཕྱང་།། མི་ཐུད་ཁྲོ་གཉེར་དྲག་པོ་ཡིས།། མཆུ་དང་སོ་ལ་ཁྲག་ཀྱང་འཛག། མི་རོ་སྐྲ་ཡི་སྐུད་པས་དཀྲིས།། བམ་ཆེན་སྟེང་ན་བཙན་དཀྱིལ་གནས།། ཕྱག་རྒྱ་ཆེན
iiif viewer powered by OpenSeadragon
