| e-texts navigator |
| Wylie |
110b1 ན་བཛྲ་ལྟེ་བ་རུ།། གསལ་བའི་མར་མེ་བཏང་ནས་ནི།། སྔགས་ཀྱི་ཕྲེང་བས་བསྐོར་ནས་ཀྱང་།། དུར་ཁྲོད་དག་དུ་བསྲེག་པ་ན།། ཚངས་པའི་ཚེ་དང་ལྡན་པ་ཡང་།། མྱུར་བ་ཉིད་དུ་འཆི་བར་འགྱུར།། མ་ཧཱ་ཀཱ་ལའི་རྒྱུད
110b2 ལས། མདོས་བཏང་བའི་ལེའུ་གསུམ་པའོ།། །། དེ་ནས་ལྷ་བསྒོམ་བཤད་པར་བྱ།། ཚད་མེད་སྟོང་པའི་རང་བཞིན་ལ།། ཡཾ་བཾ་རཾ་ལཾ་ཧཱུཾ་ལ་སོགས།། ཨཱ་ལི་ཀ་ལིའི་འཕྲོ་འདུ་ལས།། ཐིག་ལེ་ཧཱུཾ་གྱུར་རྡོ་རྗེ
110b3 སྟེ།། རྡོ་རྗེ་དང་པོའི་མགོན་པོར་བསྒོམ།། སྟོན་ཀའི་ཟླ་བ་ལྟར་དཀར་ཞིང་།། ཞལ་གསུམ་པ་ལ་ཕྱག་དྲུག་པོ།། ནག་དང་དམར་དང་དཀར་བའི་ཞལ།། རྡོ་རྗེ་འཁོར་ལོ་པདྨ་ནི། གཡས་ཀྱི་ཕྱག་ཏུ་བསམ་བྱ་ཞིང་།། དྲིལ་བུ
110b4 རིན་ཆེན་རལ་གྲི་ནི།། གཡོན་གྱི་ཕྱག་ཏུ་བསམ་བྱ་བར།། སྐུ་གསུང་ཐུགས་དང་ལྡན་པར་བསྒོམ།། དབུ་རྒྱན་ཅོད་པན་དེ་བཞིན་ཏེ།། མཚན་དང་དཔེ་བྱད་དང་ཡང་ལྡན།། དེ་ཡི་མདུན་དུ་བསམ་བྱ་བ།། སྐུ
110b5 གསུང་ཐུགས་ལས་བྱུང་བ་ཡི།། ཧཱུཾ་ཡིག་སྔོན་པོ་བསམ་པར་བྱ།། ཧཱུཾ་ལས་མགོན་པོ་ནག་པོ་བསྐྱེད།། མདོག་ནག་ཤིན་ཏུ་འཇིགས་མཛད་པ།། གསུས་ཁྱིམ་ཆེ་ལ་རྐང་ལག་ཐུང་།། མགྲིན་པ་སྦོམ་ལ་ཞལ་མདོག
110b6 ག། མཆེ་བ་གཅིག་པ་སྨིན་མཚམས་གཉེར།། དབུ་སྐ་ཁམ་ནག་གྱེན་དུ་བརྫེས།། གྲི་གུག་ཐོད་པ་ཕྱག་ན་བསྣམས།། སྐ་ལ་ཐོད་པ་དག་གིས་བརྒྱན།། དེ་ཡི་སྤྲུལ་པས་འཇིག་རྟེན་གང་།། མཁའ་འགྲོ་ཤུགས
iiif viewer powered by OpenSeadragon
