| e-texts navigator |
| Wylie |
109b1 བཅུ་པས་སྔགས་བཟླས་པ་བསྟན། ལེའུ་བཅུ་གཅིག་པས་འཁོར་ལོ་བྲི་བ་བསྟན། ལེའུ་བཅུ་གཉིས་པས་གནན་པ་བྱ་བ་བསྟན། ལེའུ་བཅུ་གསུམ་པས་སེར་བ་དབབ་པ་བསྟན་པ། ལེའུ་བཅོ་ལྔ་པས་ཀླུ་ལ་གཏད་པ་བསྟན
109b2 པ། ལེའུ་བཅུ་དྲུག་པས་སྲེའུ་གསོ་བ་བསྟན་པ། ལེའུ་བཅུ་བདུན་པས་ཀླུས་ཟིན་པ་གསོ་བ་བསྟན། ལེའུ་བཅོ་བརྒྱད་པས་གཟུངས་བཏོན་ཅིང་སྨོན་ལམ་གདབ་པ་བསྟན་པ། ལེའུ་བཅུ་དགུ་པས་འཁོར་གྱིས་གཙོ་བོ་ལ
109b3 བསྟོད་པ། ལེའུ་ཉི་ཤུ་པས་མགོན་པོ་ལ་བསྟོད་པ། ལེའུ་ཉེར་གཅིག་པས་བརྒྱུད་པའི་རིམ་པ་བསྟན་པའོ།། མ་ཧཱ་ཀ་ལའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། རྒྱུད་ཇི་ལྟར་བྱུང་བ་བསྟན་པ་ནི།།
109b4 རིན་པོ་ཆེ་དཔུང་རྒྱན་གྱི་རྒྱུད་དང་། དཔུང་རྣམ་པར་བཀོད་པའི་རྒྱུད་དང་། ཁྲོ་བོ་མེ་འབར་གྱི་རྒྱུད་དང་། རྡོ་རྗེ་རྩེ་མོའི་རྒྱུད་དང་། ཐོད་པ་ནག་པོའི་རྒྱུད། ཆར་སྤྲིན་ནག་པོའི་རྒྱུད། རིན་པོ་ཆེ་དཔུང་བཀོད་པའི་རྒྱུད།
109b5 འཁོར་ལོ་ནག་པོའི་རྒྱུད། གསང་བ་ནག་པོའི་རྒྱུད་ཀྱང་བཤད་དོ།། མ་ཧཱ་ཀཱ་ལའི་རྒྱུད་ལས། རྒྱུད་ཇི་ལྟར་བྱུང་བའི་ལེའུ་སྟེ་གཉིས་པའོ།། །། དེ་ནས་ཡང་དག་བཤད་བྱ་བ།། འདི་དག་སྒྲུབ་པའི་རྣལ་འབྱོར
109b6 པས།། མདུན་དུ་ལྷ་རྣམས་སྤྱན་དྲངས་ལ།། བདུན་པོ་རྣམ་དག་བྱས་ནས་ནི།། རང་གིས་སྡོམ་པ་དག་ཀྱང་བཟུང་།། གཞུང་དང་ལྡན་པའི་གནས་དག་ཏུ།། རྒྱུད་ལས་བྱུང་བའི་གསང་སྔགས་འདི།། སུམ་འབུམ་དྲུག་འབུམ
iiif viewer powered by OpenSeadragon
