| e-texts navigator |
| Wylie |
109a1 ཅིང་ཞུས་ཏེ་གཏན་ལ་ཕབ་པའོ།། །།
109a2 རྒྱ་གར་སྐད་དུ། མནྟ་ཨསྣ་ཀ་ཧ་ཛ་ཏནྟྲ། བོད་སྐད་དུ། མན་ངག་བརྩེགས་པ་གྲི་གུག་གི་རྒྱུད། བཅོམ་ལྡན་འདས་རྡོ་རྗེ་སེམས་དཔའ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ
109a3 ལྡན་འདས་འཁོར་གདོན་ཚོགས་ཆེན་པོ་དང་། ཐབས་ཅིག་ཏུ་ལྕང་ལོ་ཅན་གྱི་ཕོ་བྲང་ན་བཞུགས་ཏེ། དེའི་ཚེ་དེའི་དུས་ན་ལྕང་ལོ་ཅན་གྱི་ཕོ་བྲང་དུ་གདོན་ཚོགས་པ་ཆེན་པོ་དང་བཅས་ཏེ། དཔལ་མགོན་པོ་ནག་པོ་དེས་སྐྱེ
109a4 བ་མང་དུ་བརྒྱུད་དེ། དེའི་ཚེ་བཅོམ་ལྡན་འདས་ཀྱིས་འཁོར་རྣམ་བཞི་བསྐྱོང་བར་ཐུགས་དམ་དུ་བཞེས་སོ།། དེའི་ཚེ་ཕྱག་ན་རྡོ་རྗེས་རྡོ་རྗེ་སེམས་དཔའ་ལ་ཕྱི་རབས་ཀྱི་དོན་དུ་རྒྱུད་འདི་བཤད་དུ་གསོལ།། ཞེས
109a5 ཞུས་པས།། དེས་བཤད་པར་བྱ་ཡིས་ཉོན་ཅིག། ལེའུ་དང་པོས་གླེང་གཞི་བཤད་པར་བྱ། ལེའུ་གཉིས་པས་རྒྱུད་ཇི་ལྟར་འབྱུང་བ་བཤད་པར་བྱ། ལེའུ་གསུམ་པས་མདོས་བསག་པའི་ཐབས་བཤད་པར་བྱ། ལེའུ་བཞི
109a6 པས་ལྷ་བསྒོམ་པའི་ཐབས་བསྟན། ལེའུ་ལྔ་པས་སྤྱན་དྲང་བ་བསྟན། ལེའུ་དྲུག་པས་མཆོད་པ་དབུལ་བ་བསྟན། ལེའུ་བདུན་པས་མདོས་བཏང་བ། ལེའུ་བརྒྱད་པས་སྦྱིན་བསྲེག་བྱ་བ། ལེའུ་དགུ་པས་ཟོར་འཕང་བ། ལེའུ
iiif viewer powered by OpenSeadragon
