| e-texts navigator |
| Wylie |
290b1 མཁའི་མཚན་ཉིད་དང་།། གནོད་འདུལ་ལྷ་ཡིས་སེམས་ལ་གཏད།། ཏནྟྲ་ཧེ་རུ་ཀའི་གལ་པོ་རྫོགས་སོ།། །། @#།། རྒྱ་གར་སྐད་དུ། ཤྲཱི་ཧེ་རུ་ཀ་ཙིཏྟ་ཏནྟ་ཀལྤ་ནཱ་མ། བོད་སྐད
290b2 དུ། དཔལ་ཧེ་རུ་ཀའི་ཐུགས་ཀྱི་རྒྱུད་གལ་པོ་ཞེས་བྱ་བ། དཔལ་འཇིགས་བྱེད་ཆེན་པོ་ཁྲག་འཐུང་ཧེ་རུ་ཀ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དེ
290b3 བཞིན་གཤེགས་པ་ཐམས་ཅད་ཀྱི་སྐུ་དང་གསུང་ཐུགས་རྡོ་རྗེ་བཙུན་མོའི་བྷ་ག་ལ་བཞུགས་སོ།། དེའི་ཚེ་བརྗོད་ཀྱིས་མི་ལང་བའི་ཡང་བརྗོད་ཀྱིས་མི་ལང་བའི་འཁོར་ལ་འདི་ལྟ་སྟེ། ལྔ་དང་གསུམ
290b4 དང་བརྒྱད་གཉིས་དང་།། བཞི་དང་གཅིག་དང་བཞི་བཅུ་གཅིག། མཁའ་དང་འདེགས་དང་འབར་དང་གསལ།། རིན་ཆེན་མཆོག་ཕྲན་ཡོན་ཏན་བརྒྱན།། ཤྲཱི་ནི་གཉིས་མེད་སྟོན་པའི་དོན།། ཧེ་ནི
290b5 དགྱེས་པའི་གད་མོ་སྟེ།། རུ་ནི་ཆགས་པ་ཆེན་པོའི་དོན།། ཀ་ནི་ཡེ་ཤེས་ཕྲིན་ལས་བཞི།། ཡེ་ཤེས་ལྔ་ཡི་རང་བཞིན་སྐུ།། ལུས་ཀྱི་རྣམ་ཤེས་གཟུགས་སྐུ་རྣམ་སྣང་མཛད།། གཏི་མུག་རྣམ་དག་ཡང་དག
290b6 བཅོམ་ལྡན་འདས།། ཀུན་གཞིའི་རྣམ་ཤེས་མི་བསྐྱོད་རྡོ་རྗེ་སེམས།། ཞེ་སྡང་རབ་གྲུབ་བཅོམ་ལྡན་འདས་ཀྱི་སྐུ།། ཉོན་མོངས་རྣམ་ཤེས་ཚོར་བ་རིན་ཆེན་འབྱུང་།། ང་རྒྱལ་རང་གྲུབ་གཅིག་པུ་བཅོམ
iiif viewer powered by OpenSeadragon
