| e-texts navigator |
| Wylie |
289b1 སོགས་པ་རྣམས་ཀྱིས་ཐམས་ཅད་ཧེ་རུ་ཀའི་ངང་དུ་རྟོགས་པ་ཕུལ་པོ།། སྟོང་གསུམ་ཡེ་ཤེས་རྡོ་རྗེའི་དཀྱིལ་འཁོར་དུ།། དུར་ཁྲོད་ཆེན་པོ་བྱང་ཆུབ་ལུས།། རྟོགས་ཆེན་རྣལ་འབྱོར་བྱང་ཆུབ
289b2 མཛོད།། བཤད་པས་ཉན་པའི་སྙིང་པོ་འདི།། སངས་རྒྱས་གཞན་ནས་ཡོང་མི་འདྲེན།། ཉིད་ལས་ཀུན་རྫོགས་གཞལ་ཡས་ཁང་།། དངོས་གྲུབ་གཞན་ནས་མི་སློང་སྟེ།། གྲུབ་པའི་དཀྱིལ་འཁོར་རང
289b3 ལ་ཤར།། རེ་དོགས་མེད་པར་ཡེ་ནས་གནས།། གཞན་ནས་མི་སློང་ཉིད་ལ་རྫོགས།། མཉམ་ཉིད་མ་སྐྱེས་མྱ་ངན་འདས།། ཞེས་བརྗོད་དོ།། ཤིན་ཏུ་ངོམས་ཤིང་ངོ་མཚར་སྐྱེས་ནས། སྟོན་པ་ལ་འཁོར
289b4 རྣམས་ལྷགས་ནས་ཉན་ཏོ།། དེ་ནས་མངོན་རྫོགས་ཀྱི་རྒྱལ་པོས། ལྷ་གནོད་འདུལ་ལ་སོགས་པ་ལ་བཀའ་སྩལ་པ། ལྷ་གནོད་འདུལ་ལ་སོགས་པ་ཁྱེད་རྣམས།། ངས་ཆོས་འདི་བསྡུས་ལ་བཤད
289b5 དོ།། དཔལ་ཧེ་རུ་ཀའི་གལ་པོ་འདི་ནི་རྒྱ་ཆེ་ཞིང་ཟབ་པ་ཡིན་ཏེ། ཁྱེད་ཀྱིས་ཟིན་པར་གྱིས་ཤིག། རྟོགས་ཤིག་ཆོངས་ཤིག་སྒྲུབས་ཤིག་དཔལ་ཧེ་རུ་ཀའི་གལ་པོ་འདི་ནི་དཔེར་ན་མེ་དང་འདྲ་སྟེ།
289b6 ཆུང་ངུ་ནས་ཆེ་བའི་རི་རབ་ཀྱང་སྲེག་གོ། ཐེག་པ་ཆེན་པོའི་དེ་ནི་ཉི་མའི་ཟེར་དང་འདྲའོ།། འཛམ་གླིང་གཞི་དང་རིའི་རྒྱལ་པོ་རྣམས་ཀྱང་། འཁོར་ཡུག་དང་། གངས་རྒྱུད་དང་། བོག་རི་དང་། དེའུ་ལ
iiif viewer powered by OpenSeadragon
