| e-texts navigator |
| Wylie |
289a1 བུར་ཀུན་ལ་ཁྱབ་པར་སྤྲུལ་ཏེ། སྟོན་པ་ལ་མཆོད་ནས་འདི་སྐད་ཅེས་གསོལ་ཏོ།། ཅི་ཡང་མ་བཀག་ཆོས་ཀྱི་དབྱིངས།། ལྟ་བ་ཁྱུང་ཆེན་ནམ་མཁའ་ལྡིང་།། སྤྱོད་པ་མ་བཀག་རྒྱ་མཚོའི
289a2 འཇིང་།། དམ་ཚིག་མ་བཀག་བསྲུང་དུ་མེད།། བསྒྲུབ་པ་མ་བཀག་ཡོངས་སུ་རྫོགས།། ཕྲིན་ལས་མ་བཀག་ཀུན་ལ་རོལ།། ཞེས་སྟོན་པ་ལ་གསོལ་ཏོ།། དེ་ནས་སྟོན་པས་འཁོར་རྒྱལ་བ་རྒྱ་མཚོ
289a3 རྣམས་ལ། གསང་བ་ཆེན་པོ་བྱིན་པ། གསང་བའི་གསང་ཆེན་དེ་ཁོ་ན་ཉིད།། འཁོར་བའི་རྒྱུ་བསྟན་འབྱུང་བ་ལྔ།། འཁོར་བའི་རྒྱན་བསྟན་ཕྱག་རྒྱ་ཡིན།། འཁོར་བའི་གནས་སུ་བསྟན་པས་བྱང་ཆུབ
289a4 སེམས།། ས་ཆུ་མེ་རླུང་འབྱུང་བ་ལྔ།། བྱང་ཆུབ་སེམས་ཀྱི་དཀྱིལ་འཁོར་ཏེ།། སྨོན་པ་མེད་པའི་ཡབ་ལྔ་དང་།། ཆགས་པ་མེད་པའི་ཡུམ་ལྔ་དང་།། གསང་བའི་གནས་མཆོག་བྱང་ཆུབ་སེམས།། འཆི
289a5 བ་མེད་པའི་སྲོག་ཀྱང་ཡིན།། གོལ་ས་མེད་པའི་ལམ་ཡང་ཡིན།། རེ་དོགས་མེད་པའི་གནས་ཀྱང་ཡིན།། ལྷུན་གྱིས་གྲུབ་པའི་ལྟ་བ་ཡིན།། འདའ་བར་དཀའ་བའི་དམ་ཚིག་ཡིན།། ཆེ་བ་རང་བྱུང
289a6 བཅོམ་ལྡན་འདས།། ཉན་ཐོས་རང་རྒྱལ་ཐེག་ཆེན་ཡེ་ནས་རྫོགས།། ཏན་ཏྲ་ཧེ་རུ་ཀའི་གལ་པོ་ལས། ཡོངས་སུ་གཏད་པའི་ལེའུ་སྟེ་བཅུ་བདུན་པའོ།། །། དེ་ནས་སྡུད་པ་པོ་རྡོ་རྗེ་རྣོན་པོ་ལ
iiif viewer powered by OpenSeadragon
