| e-texts navigator |
| Wylie |
288b1 དོ།། འཇམ་དཔལ་རྣོན་པོ་དང་། འཁོར་རྒྱལ་བ་རྒྱ་མཚོ་རྣམས་ལ་འདི་སྐད་ཅེས་བརྗོད་དོ།། སྟོངས་གསུམ་མ་སྤངས་སྲིད་པ་ཡོངས་ཀྱི་དཔལ།། དུས་གསུམ་བདེ་བར་གཤེགས་པ་རྣམས
288b2 ཀྱི་ཐུགས།། དགོངས་པ་ཐ་དག་རྣམས་ཀྱི་བརྣག་པ་སྟེ།། བྱང་ཆུབ་སེམས་ཀྱི་ཐིག་ལེ་ཆེ།། བདེ་བར་གཤེགས་པའི་སྙིང་པོ་ཆེན་པོ་ནི།། ཚིག་དང་ཡི་གེས་མཚོན་དུ་མེད།། སྟོན་པའི་དགོངས་པ་རྒྱ
288b3 མཚོ་ཆེན་པོ་འདྲ།། ཆོས་ཉིད་སྟོང་སྟེ་དམིགས་སུ་མེད།། ཀུན་གཞིག་གཏིང་དཔག་མེད་པས་རྒྱ་མཚོ་ཆེན་པོའི་དབྱིངས།། སེམས་ཀྱི་རང་བཞིན་ཅིར་ཡང་འོད་གསལ་བས།། བདེ་ཆེན་བྱང་ཆུབ
288b4 སེམས་ནི་འགྱུར་མེད་ནམ་མཁའ་འདྲ།། ཆོས་དང་བྱང་ཆུབ་སེམས་ནི་བདེ་བས་ཀུན་ལ་ཁྱབ།། ཅེས་འཁོར་ལ་བཀའ་སྩལ་ཏོ།། དེ་ནས་འཁོར་རྣམས་ཀྱིས་ལེགས་སོ་ལེགས་སོ་ལ་ཧོ།། ཞེས་བརྗོད
288b5 ནས། རྟོགས་ཏེ་དབང་པོས་གོ་བར་གྱུར་ཏོ།། དེ་ནས་འཁོར་རྣམས་ཀྱིས་འདི་སྐད་ཅེས་གསོལ་ཏོ།། ཐུགས་ཀྱི་དཀྱིལ་འཁོར་ལྔ་ལྡན་ཞིང་།། སྣང་སྲིད་ཐམས་ཅད་ཡོངས་སུ་གསལ།། འཁོར་བའི་རྒྱུན
288b6 རྣམས་ཀུན་བཀག་ནས།། ཆོས་རྣམས་མ་ལུས་སངས་རྒྱས་པར།། སྟོན་པས་བསྟན་པ་ཉིད་དུ་རྫོགས།། ཞེས་གསོལ་ཏོ།། བསྔོ་བ་མེད་པའི་མཆོད་པ་དང་། འདོད་པ་མེད་པའི་ཡོན་ཏན་ནམ་མཁའ་ལྟ།
iiif viewer powered by OpenSeadragon
