| e-texts navigator |
| Wylie |
287a1 ཚོགས།། ཕྱག་རྒྱ་ཕུལ་བའི་ཡོན་ཏན་དང་།། མ་ཕུལ་བ་ཡི་སྐྱོན་ཅི་ལགས།། ཉག་གཅིག་ཡབ་ལ་བཀའ་ཉན་འཚལ།། མངོན་རྫོགས་ཡབ་ཀྱིས་བཀའ་སྩལ་པ།། ཕྱག་རྒྱ་ཕུལ་བའི་ཡོན
287a2 ཏན་ནི།། རྒྱལ་བའི་སྤྱན་རྣམས་མཉེས་པར་བྱེད།། ཕྱག་རྒྱ་མ་ཕུལ་མ་ཤེས་ན།། དོན་དང་རྟགས་སུ་ཡོངས་མི་ལྡན།། དབང་ཕྱུག་ལ་སོགས་ཕྱག་རྒྱ་རྣམས།། རྒྱུད་གཞན་དག་ནས་གསུངས་དང
287a3 མཐུན།། དགོངས་པ་ཡིད་ཀྱི་བཟླས་པ་ཡིན།། འཛབ་ནི་ངག་གི་བཟླས་པ་ཡིན།། ཕྱག་རྒྱ་ལུས་ཀྱི་བཟླས་པ་ཡིན།། རབ་ཀྱིས་ཉིན་གསུམ་མཚན་གསུམ་དབུལ།། འབྲིང་གིས་ཉིན་གཉིས་མཚན
287a4 གཉིས་དབུལ།། ཐ་མས་ཉིན་རེ་མཚན་རེ་དབུལ།། ཐ་མས་ཚེས་གྲངས་དུས་བཟང་ལ།། རྒྱུན་མི་འཆད་པར་དབུལ་བར་བྱ།། དེ་ལས་འདས་ན་ཉམས་པ་ཡིན།། དཔལ་ཧེ་རུ་ཀའི་གལ་པོ
287a5 ལས།། ཕྱག་རྒྱའི་ལེའུ་སྟེ་བཅོ་ལྔ་པའོ།། །། གནོད་འདུལ་ལྷ་ཡིས་ཡང་གསོལ་པ།། སྨན་དང་བདུད་རྩི་སྒྲུབ་པ་ཡི།། དོན་དང་གཏན་ཚིགས་ཇི་ལྟ་བུ།། ཉག་གཅིག་ཡབ་ལ་བདག་ཉན
287a6 འཚལ།། མངོན་རྫོགས་ཡབ་ཀྱིས་བཀའ་སྩལ་པ།། བཀྲ་ཤིས་ཉམས་དགའ་ནགས་ཚལ་རྒྱས་པའམ།། ཤིན་ཏུ་བདེན་པའི་ས་ཕྱོགས་སུ།། མ་དག་པ་ནི་མཚམས་བཅད་ལ།། རྩ་བ་བརྒྱད་དང་ཡན
iiif viewer powered by OpenSeadragon
