| e-texts navigator |
| Wylie |
284b1 ཡིན།། བྱང་གི་ཕྱོགས་སུ་བཀྱེ་བ་ལས།། བྱང་ཕྱོགས་གདོན་བགེགས་ཕུང་བར་བྱེད།། གནོད་སྦྱིན་པོ་ནི་བསྒྲལ་ཏེ་བཏང་།། གནོད་སྦྱིན་མོ་ནི་དམ་ལ་བཏགས།། འཁོར་གྱི་གདོན་བགེགས་དབང་དུ
284b2 བསྡུས།། འོག་གི་འོད་ཟེར་སེར་པོ་ལས།། གསེར་གྱི་མི་མོ་དྲུག་ཅུར་སྦྲུལ།། ཁྲོ་བོ་འབུམ་གྱི་ཕོ་ཉ་ཡིན།། འོག་གི་གདོན་རྣམས་ཕུང་བར་བྱེད།། ས་བདག་ཕོ་ནི་བསྒྲལ་ཏེ་བཏང་།། ས་བདག་མོ་ནི
284b3 དམ་ལ་བཏགས།། འཁོར་གྱི་གདོན་བགེགས་དབང་དུ་བསྡུས།། སྟེང་གི་འོད་ཟེར་སྨུག་པོ་ལས།། བསེ་ཡི་མི་མོ་དྲུག་ཅུར་སྦྲུལ།། མ་མོ་འབུམ་གྱི་ཕོ་ཉ་ཡིན།། ཡང་བྲན་བརྒྱད་ཅུ་རྩ་གཉིས་ནི།། ཟ
284b4 བྱེད་མཆེ་བ་ཅན་གྱི་ཚོགས།། གསོད་བྱེད་མཚོན་ཆ་ཅན་གྱི་ཚོགས།། འཛིན་བྱེད་སྡེར་མོ་ཅན་གྱི་ཚོགས།། སྒེག་བྱེད་གཤོག་པ་ཅན་གྱི་ཚོགས།། ངས་གསུང་བ་ལ་གདོན་མི་ཟ།། དཔལ་ཧེ་རུ་ཀའི
284b5 གལ་པོ་ལས།། གིང་དང་ཕོ་ཉ་ལེའུ་སྟེ་བཅུ་གསུམ་པའོ།། །། གནོད་འདུལ་ལྷ་ཡིས་ཡང་གསོལ་པ།། ཁྲོ་བོ་དཔལ་ཆེན་ཆོས་རྣམས་ལ།། ཁྱུང་གི་གཤོག་པ་ཇི་ལྟར་ལགས།། རལ་པ་ཁམ་ནག་ཇི
284b6 ལྟར་ལགས།། སྨིན་མ་ཁྲོ་གཉེར་ཇི་ལྟར་ལགས།། ཤངས་ནས་རླུང་འབྱིན་ཅི་ལྟར་ལགས།། ཞལ་བགྲད་མཆེ་གཙིགས་ཇི་ལྟར་ལགས།། སྐུ་སྟོད་གླང་ཆེན་ཀོ་རློན་ཇི་ལྟར་ལགས།། ཞིང་ཆེན་གཡང
iiif viewer powered by OpenSeadragon
