| e-texts navigator |
| Wylie |
284a1 བཀའ་སྩལ་པ།། སྐུ་ཡི་འོད་ཟེར་རྣམ་པ་དྲུག་ཅུ་ལ།། སུམ་བརྒྱ་དྲུག་ཅུ་དོན་བགྲངས་ཕྱིར།། ཕོ་ཉ་སུམ་བརྒྱ་དྲུག་ཅུར་སྦྲུལ།། ཤར་ཕྱོགས་འོད་ཟེར་དཀར་པོ་ལས།། དུང་གི་མོ་མི་དྲུག
284a2 ཅུར་སྤྲུལ།། རྡོ་རྗེ་རིགས་ཀྱི་ཕོ་ཉ་ཡིན།། ཤར་གྱི་ཕྱོགས་སུ་བཀྱེ་བ་ལས།། དྲི་ཟའི་འཁོར་ཚོགས་ཕུང་པར་བྱེད།། དྲི་ཟ་ཕོ་ནི་བསྒྲལ་ཏེ་བཏད།། དྲི་ཟ་མོ་ནི་དམ་ལ་བཏགས།། འཁོར་གྱི་གདོན
284a3 ཚོགས་དབང་དུ་བསྡུས།། ལྷོ་ཕྱོགས་འོད་ཟེར་སྔོན་པོ་ལས།། གཡུ་ཡི་མི་མོ་དྲུག་ཅུར་སྤྲུལ།། རིན་ཆེན་རིགས་ཀྱི་ཕོ་ཉ་ཡིན།། ལྷོ་ཡི་ཕྱོགས་སུ་བཀྱེ་བ་ལས།། ལྷོ་ཡི་བགེགས་རྣམས་ཕུང་བར
284a4 བྱེད།། གཤིན་རྗེ་ཕོ་ནི་བསྒྲལ་ཏེ་བཏང་།། གཤིན་རྗེ་མོ་ནི་དམ་ལ་བཏགས།། འཁོར་གྱི་བགེགས་རྣམས་དབང་དུ་བསྡུས།། ནུབ་ཕྱོགས་དགྲ་བགེགས་བསྒྲལ་བའི་ཕྱིར།། སྐུ་ཡི་འོད་ཟེར་དམར་པོ
284a5 ལས།། ཟངས་ཀྱི་མི་མོ་དྲུག་ཅུར་སྤྲུལ།། པདྨ་གསུང་གི་ཕོ་ཉ་མ།། ནུབ་ཀྱི་ཕྱོགས་སུ་བཀྱེ་བ་ལས།། ནུབ་ཕྱོགས་གདོན་རྣམས་ཕུང་བར་བྱེད།། ཆུ་བདག་ཕོ་ནི་བསྒྲལ་ཏེ་བཏང་།། ཆུ་བདག་མོ་ནི་དམ
284a6 ལ་བཏགས།། འཁོར་གྱི་གདོན་བགེགས་དབང་དུ་བསྡུས།། བྱང་ཕྱོགས་དགྲ་བགེགས་བསྒྲལ་བའི་ཕྱིར།། སྐུ་ཡི་འོད་ཟེར་ལྕགས་ཁ་ལས།། ལྕགས་ཀྱི་མི་མོ་དྲུག་ཅུར་སྤྲུལ།། ལས་ཀྱི་རིགས་ཀྱི་ཕོ་ཉ
iiif viewer powered by OpenSeadragon
