| e-texts navigator |
| Wylie |
278b1 པའོ།། །། གནོད་འདུལ་ལྷ་ཡིས་ཡང་གསོལ་བ།། དཔལ་ཆེན་དགུ་པོ་མི་འཚལ་ན།། དཔལ་ཆེན་དགུ་ཞེས་གང་ལ་བགྱི།། ཡུམ་ཆེན་དགུ་ཞེས་གང་ལ་བགྱི།། བཛྲ་ཧེ་རུ་ཅི་ལ་བགྱི།། བུདྡྷ་ཧེ
278b2 རུ་ཅི་ལ་བགྱི།། རཏྣ་ཧེ་རུ་ཅི་ལ་བགྱི།། པདྨ་ཧེ་རུ་ཙི་ལ་བགྱི།། ཀརྨ་ཧེ་རུ་ཙི་ལ་བགྱི།། ཡཀྵ་ཧེ་རུ་གང་ལ་བགྱི།། གུ་ཡ་ཧེ་རུ་གང་ལ་བགྱི།། ས་ནུ་ཧེ་རུ་གང་ལ་བགྱི།། མངོན་རྫོགས་ཡབ་ལ་བདག
278b3 ཉན་འཚལ།། མངོན་རྫོགས་ཡབ་ཀྱིས་བཀའ་སྩལ་པ།། གཏི་མུག་གནས་གྱུར་རྣམ་པར་སྣང་མཛད་ཡིན།། དེ་ལས་གནས་གྱུར་བུདྡྷ་ཧེ་རུ་ཀ། ཞེ་སྡང་གནས་གྱུར་རྡོ་རྗེ་སེམས་དཔའ་ཡིན།། དེ་ལས
278b4 གནས་གྱུར་བཛྲ་ཧེ་རུ་ཀ། ང་རྒྱལ་གནས་གྱུར་རིན་ཆེན་འབྱུང་ལྡན་ཡིན།། དེ་ལས་གནས་གྱུར་རཏྣ་ཧེ་རུ་ཀ། འདོད་ཆགས་གནས་གྱུར་སྣང་བ་མཐའ་ཡས་ཡིན།། དེ་ལས་གནས་གྱུར་པདྨ་ཧེ་རུ
278b5 ཀ། ཕྲག་དོག་གནས་གྱུར་དོན་ཡོད་གྲུབ་པ་ཡིན།། དེ་ལས་གནས་གྱུར་ཀརྨ་ཧེ་རུ་ཀ། དགྲ་བགེགས་འདུལ་པས་རཀྵ་ཧེ་རུ་ཀ། དམ་ཉམས་སྒྲོལ་བས་ཡཀྐ་ཧེ་རུ་ཀ། ཡི་དམ་ལྷ་སྤོང་གཉེན་པོ་འགུ་ཧྱ
278b6 ཧེ་རུ་ཀ།། ས་རྣམས་ཐོབ་པས་ས་ནུ་ཧེ་རུ་ཀ། འབྱུང་ལྔ་སྣོད་བཞི་གནས་གྱུར་པས།། དེ་ཡི་ཡུམ་དགུ་ཡིན་པར་བཤད།། གནོད་འདུལ་ལྷ་ཡིས་ཡང་གསོལ་པ།། རྡོ་རྗེ་གཞོན་ནུ་ཅི་ལ་བགྱི།། འཁོར་ལོ
iiif viewer powered by OpenSeadragon
