| e-texts navigator |
| Wylie |
276b1 བརྒྱད་ནི་ཁྲོ་མོ་བརྒྱད།། དེ་ཡི་ཡུལ་བརྒྱད་ཕྲ་མེན་བརྒྱད།། ཡན་ལག་བཞི་ནི་སྒོ་མ་བཞི།། སྒལ་ཚོགས་ཡེ་ནས་དབང་ཕྱུག་ཚོགས།། སོ་ནི་ཡེ་ནས་མཁའ་འགྲོའི་ཚོགས།། ནང་ཁྲོལ་མ་མོ་བདུན་དུ
276b2 གསལ།། ནམ་ཚོད་སྲིང་མོ་བཞི་ཡི་ཚོགས།། ཤ་ནི་ཡེ་ནས་ཕོ་ཉའི་ཚོགས།། ཁྲག་ནི་ཡེ་ནས་མ་སྲིང་ཚོགས།། རྩི་མ་ཡེ་ནས་གིང་གི་ཚོགས།། བསྒོམ་མི་དགོས་ཏེ་ཡེ་ནས་ཡིན།། སྤྲུལ་པའི་མ་མོ་བྱ་བ
276b3 ནི།། ཧཱུཾ་ཆེན་དགུ་ལས་ཡབ་ཡུམ་བསྐྱེད།། ཧ་ཧེ་ལས་ཀཻ་རི་ཕྲ་མེན་བསྐྱེད།། ཕཊ་ལས་སྒོ་བ་ཕྲ་མེན་བསྐྱེད།། བྷྱོ་ལས་དབང་ཕྱུག་ཚོགས་རྣམས་བསྐྱེད།། ཨ་ར་ལི་ལས་མཁའ་འགྲོ་བསྐྱེད།། ཧཱུཾ་ལས
276b4 མ་བདུན་སྲིང་བཞི་བསྐྱེད།། ཛ་ལས་ཕོ་ཉ་སུམ་བརྒྱ་དྲུག་ཅུ་བསྐྱོད།། ཨ་དང་ཧ་ལས་གིང་ཆེན་བསྐྱེད།། སྤྱན་དྲངས་མཆོད་ཅིང་བསྒྲུབ་པ་ལས།། སྐུ་གསུམ་དངོས་གྲུབ་སྩོལ་བ་དེ།། སྤྲུལ་པའི་མ་མོ
276b5 ཡིན་པར་བཤད།། འགྱུར་བའི་མོ་མ་ངས་བཤད་ཀྱིས།། ཉོན་ཅིག་གཡུང་དྲུང་ཡང་དག་པ།། སེམས་དཔའ་བརྒྱད་ནི་ཁྲོ་མོ་བརྒྱད་དུ་འགྱུར།། སེམས་མ་བརྒྱད་ནི་ཕྲ་མེན་བརྒྱད་དུ་འགྱུར།། ཐུབ་དྲུག
276b6 ཡིད་ཆོས་སྤོར་མ་བརྒྱད་དུ་འགྱུར།། རྒྱུ་འབྲས་སེམས་དཔའ་སུམ་ཅུ་གཉིས།། སྒྲོལ་བྱེད་སུམ་ཅུ་གཉིས་སུ་འགྱུར།། ཕོ་ལས་མོ་རུ་གྱུར་པ་སྟེ།། འགྱུར་པའི་མ་མོ་ཡིན་པར་བཤད།། རང་བཞིན་མ
iiif viewer powered by OpenSeadragon
