| e-texts navigator |
| Wylie |
276a1 ཆུབ་སེམས་ཀྱི་བསྒོམ་པ་ཡིན།། ལྟ་སྤྱོད་ཏིང་འཛིན་གཉིས་སུ་མེད།། ཅེས་གསུངས་སོ།། ཏནྟ་ཧེ་རུ་ཀའི་གལ་པོ་ལས། ལྟ་བ་བསྒོམ་པའི་ལེའུ་སྟེ་དྲུག་པའོ།། །། གནོད་འདུལ་ལྷ
276a2 ཡིས་ཡང་གསོལ་པ།། ཕྱི་ཡི་མ་མོ་གང་ལ་བགྱི།། ནང་གི་མ་མོ་གང་ལ་བགྱི།། གསང་བའི་མ་མོ་གང་ལ་བགྱི།། དབྱིངས་ཀྱི་མ་མོ་གང་ལ་བགྱི།། སྲུང་བའི་མ་མོ་གང་ལ་བགྱི།། འགྱུར་བའི་མ་མོ་གང
276a3 ལ་བགྱི།། རང་བཞིན་མ་མོ་གང་ལ་བགྱི།། མ་དང་མོ་ཞེས་གང་ལ་བགྱི།། མངོན་རྫོགས་ཡབ་ལ་བདག་ཉན་འཚལ།། མངོན་རྫོགས་ཡབ་ཀྱིས་བཀའ་སྩལ་པ།། ཕྱི་ཡི་མ་མོ་བྱ་བ་ནི།། ཡུམ་ཆེན་ཤེས
276a4 རབ་ཕ་རོལ་ཕྱིན།། དམྱལ་བ་འཇོམས་པའི་ཐོ་བ་ཡིན།། ནང་གི་མ་མོ་བྱ་བ་ནི།། མ་མོ་ཀུན་གྱི་རྗེ་མོ་སྟེ།། ཉིད་བཞི་མུ་ཁ་ལེ་ཞེས་བྱ།། གསང་བའི་མ་མོ་བྱ་བ་ནི།། ལུང་དང་མན་ངག་ཆོས་ཡིན
276a5 ཏེ།། ཅི་ཡི་ཕྱིར་ན་གསང་བས་བྱ།། རྡོ་རྗེ་ཐེག་པ་རེ་བཟང་ཡང་།། ཀུན་གྱིས་སྤྱད་པ་རབ་ཏུ་ངན།། ཅི་ཕྱིར་ཞེ་ན་གྲགས་པ་ཉམས།། བྱིས་པ་རྣམས་ལ་བཀྲི་དྲང་བསྟན།། རྒན་པོ་རྣམས་ལ་ངེས་དོན
276a6 བསྟན།། གསང་ཕྱིར་གཏན་ཚིག་སྣ་ཚོགས་བསྟན།། གསང་སྔགས་ན་ཡོད་མ་ཡིན་ཏེ།། འགྲོ་བའི་དོན་ཕྱིར་རབ་ཏུ་གསང་།། དབྱིངས་ཀྱི་མ་མོ་བྱ་བ་ནི།། འབྱུང་བ་དགུ་ནི་ཡུམ་ཆེན་དགུ།། དུར་ཁྲོད
iiif viewer powered by OpenSeadragon
