| e-texts navigator |
| Wylie |
275b1 འཕངས།། ཤེས་བརྙེས་བྱས་ན་བཀའ་དང་འགལ།། ཐུག་ཐུག་བྱས་ན་གཞུང་ཡང་ཉམས།། ཞེས་བཀའ་སྩལ་ཏོ།། དཔལ་ཧེ་རུ་ཀའི་གལ་པོ་ལས་དབང་དང་དམ་ཚིག་གི་ལེའུ་སྟེ་ལྔ
275b2 པའོ།། །། གནོད་འདུལ་ལྷ་ཡིས་ཡང་གསོལ་པ།། ལྟ་སྤྱོད་ཏིང་འཛིན་ཇི་ལྟར་ལགས།། རྒྱུད་ཀྱི་ལྷ་སྤྱོད་ཇི་ལྟར་ལགས།། ལུང་གི་ལྟ་སྤྱོད་ཇི་ལྟར་ལགས།། ངེས་པའི་མན་ངག་ཅི་ལྟར
275b3 ལགས།། ལྷ་སྤྱོད་ཏིང་འཛིན་རྣམ་པ་ཡང་།། གཅིག་གམ་གལ་ཏེ་ཐ་དད་ལགས།། མངོན་རྫོགས་ཡབ་ལ་བཀའ་ཉན་འཚལ།། མངོན་རྫོགས་ཡབ་ཀྱིས་བཀའ་སྩལ་པ།། ལྟ་སྤྱོད་བསམ་གྱིས་མི་ཁྱབ
275b4 ཀྱང་།། མ་ཧཱ་ཡོ་གའི་དཀྱིལ་འཁོར་ནི།། བསམ་མི་ཁྱབ་སྟེ་སྐུ་གསུང་ཐུགས།། ཨ་ནུ་ཡོ་གའི་དཀྱིལ་འཁོར་ནི།། བསམ་མི་ཁྱབ་སྟེ་གཉིས་སུ་མེད།། ཨ་ཏི་ཡོ་གའི་དཀྱིལ་འཁོར་ནི།། རང་སེམས
275b5 གདོད་ནས་རྣམ་པར་དག། བུ་གཅིག་མ་བཅོས་བདེ་བར་གནས།། བསྐྱེད་དང་མངོན་རྫོགས་རྫོགས་ཆེན་ལ།། རྣམ་པར་རྟོག་པ་མེད་མོད་ཀྱང་།། མི་ནག་འདུ་འཇི་ཡོངས་བཏང་ནས།། རྟོགས་པའི
275b6 གནད་ནི་འདི་ཀ་ཆེ།། ཆེ་བ་བས་ནི་གནད་ཀྱང་གནད།། ཆོས་ཉིད་བདེན་པའི་དོན་རྟོགས་ན།། སེམས་ལ་དྲན་རིག་རྣམ་རྟོག་ཅི་སྐྱེས་ཀྱང་།། རྟོག་པ་དེ་ཉིད་ཆོས་ཉིད་ཡིན་ཤེས་ན།། རྣམ་དག་བྱང
iiif viewer powered by OpenSeadragon
