| e-texts navigator |
| Wylie |
274b1 ཀྱི་རྩལ་ཤུགས་བཞིན་དུ་ཕྱུང་།། བར་དུ་གཅོད་པའི་ཞིང་བཅུ་ནི།། སྡང་བའི་དགྲ་ལྟར་གདུལ་བར་བྱ།། དངོས་གྲུབ་རྣམ་གསུམ་དབུས་ཀྱི་དཔལ་ལྟར་བསྐྱེད།། དམ་ཅན་ཞེས་ཀྱང་དེ་ལ་བྱ།། གང
274b2 ཞིག་དམ་ཚིག་ཉམས་པ་ལ།། དྲུང་ན་སུ་ཡང་མི་བལྟ་སྟེ།། དེ་ལ་བལྟ་ཞིང་སྤྱོད་པ་ནི།། བསམ་གྱིས་མི་ཁྱབ་བརྗོད་མི་ལང་།། ཞེས་གསུངས་སོ།། དེ་ནས་ཡང་དབང་གི་དོན་ཞུས་པ།། དབང་གི་སློབ
274b3 དཔོན་མཚན་ཉིད་གང་།། སློབ་མ་ཇི་ལྟ་བུ་ལ་བསྐུར།། དབང་གི་བསྐུར་ཐབས་དུ་ཞིག་མཆིས།། མཚན་ཉིད་ངན་པའི་སྐྱོན་ཅི་ལགས།། དབང་གི་དཀྱིལ་འཁོར་གང་ལྟར་ལགས།། དབང་གི་རྫས་ནི
274b4 དུ་ཞིག་མཆིས།། བསྐུར་བའི་དུས་ཚོད་གང་ལ་ཤིས།། དབང་གི་ཡུམ་ནི་གང་ལྟ་བུ།། དབང་ལ་ཡོན་ནི་ཅི་ཞིག་དབུལ།། དབང་རྟགས་ཅི་ཞིག་སྦྱིན་པར་བྱ།། དེ་ནས་ཡབ་མངོན་རྫོགས་རྒྱལ་པོས
274b5 དབང་གི་དོན་གསུངས་པ། དབང་གི་སློབ་དཔོན་བྱ་བ་ཡང་།། ཀུན་གྱིས་བྱ་བར་མ་གསུངས་ཏེ།། རིགས་ཀྱི་མཁས་པ་རྒྱུད་བཙུན་དང་།། རྡོ་རྗེ་ཟམ་པ་མ་ཆད་ལེགས།། དེ་དག་རྣམས་དང་ལྡན་པ
274b6 ན།། འཇིག་རྟེན་འདི་ན་མཐུ་དབང་ཆེ།། མ་མོ་མཁའ་འགྲོ་བྲན་བཞིན་ཁོལ།། དེ་ནི་དབང་གི་སློབ་དཔོན་ཡིན།། དབང་གི་སློབ་མ་བྱ་བ་ཡང་།། ཤེས་པ་སྒོ་ཡངས་ཐོས་པ་ཆེ།། བསྒོ་བ་བྲན་བཞིན
iiif viewer powered by OpenSeadragon
