| e-texts navigator |
| Wylie |
268a1 མགྲིན་ལགས།། ཁྱེད་ཀྱི་བཀའ་བཞིན་མ་བགྱིས་ན།། བདག་ཅག་རྡུལ་དུ་བརླག་པར་འགྱུར།། ཞེས་ཀླུ་རྣམས་ཀྱིས་དམ་བཅས་ཏེ། རྗེས་སུ་ཡི་རངས་ནས་མངོན་པར་དགའོ།། དཔལ
268a2 ཆེན་པོ་རྟ་མགྲིན་ནི་ཆོས་ཉིད་ཀྱི་དབྱིངས་སུ་ཐིམ་པར་གྱུར་ཏོ།། ཀླུ་རྣམས་རང་གི་གནས་སུ་དེངས་ནས་དམ་ཚིག་ལ་གནས་པར་གྱུར་ཏོ།། ལུང་བསྟན་དམ་བཅས་པའི་ལེའུ་སྟེ་སུམ་ཅུ་བདུན
268a3 པའོ།། །། ནཱ་ག་ཀླུ་འདུལ་ཞེས་བྱ་བའི་རྒྱུད་རྫོགས་སོ།། །། མཚྭ་འབྲམ་ཆུ།། དཔལ་ཧེ་རུ་ཀའི་གལ་པོ།། ཞི་ཁྲོ་འབུམ་གྱི་ཚོགས་ལ་ཕྱག་འཚལ་ལོ།། འདི་སྐད་ཐོས་ནས་བཤད
268a4 པའི་དུས་ཀྱི་ཚེ། ཕུན་སུམ་ཚོགས་པ་ལྔ་བསྟན་ཏེ། ནམ་མཁའ་སྟོང་པ་ལས་ཡིད་བྱེད་པ་པོ་ཀུན་ཏུ་བཟང་པོ་གཅིག་རང་བྱུང་དུ་སྤྲུལ་པས། ཆོས་བྱ་བ་མོ་ཀུན་ཏུ་བཟང་མོ་གཅིག་དེའི་བྱིན་རླབས་ལས
268a5 བྱུང་བ་ལས། འབྲས་བུ་རྒྱུ་རྐྱེན་ལས་རིགས་ལྔར་ལྷུན་གྱིས་གྲུབ་པར་གྱུར་ཏོ།། དེ་ནས་རྡོ་རྗེ་འཛིན་པས་འདི་སྐད་ཅེས་གསོལ་ཏོ།། ཕུང་པོ་ལྔ་ཞེས་ཅི་ལ་བགྱི།། འབྱུང་བ་ལྔ་ཞེས་ཅི་ལ་བགྱི།། རྣམ
268a6 ཤེས་བརྒྱད་ཅེས་ཅི་ལ་བགྱི།། དེའི་ཡུལ་བརྒྱད་ཅེས་ཅི་ལ་བགྱི།། འཇིག་རྟེན་དྲུག་ཅེས་ཅི་ལ་བགྱི།། ཐེག་པ་དགུ་ཞེས་ཅི་ལ་བགྱི།། དེ་ལས་མང་ན་ཅི་སྐྱོན་ལགས།། དེ་ལས་ཉུང་ན་ཅི་འགལ
iiif viewer powered by OpenSeadragon
