| e-texts navigator |
| Wylie |
207a1 བའི་ཀློང་།། དུས་གསུམ་རྒྱལ་བ་ཀུན་གྱི་ཡབ།། ཐམས་ཅད་མཁྱེན་ལ་ཕྱག་འཚལ་བསྟོད།། དེ་ནས་སེམས་དཔའ་རྡོ་རྗེ་དང་།། སྐུ་གསུམ་ཡེ་ཤེས་ལྔ་ལ་སོགས།། རང་སྣང་རིག་པའི་འཁོར་ཐམས
207a2 ཅད།། དགའ་ཞིང་མགུ་ནས་རྗེས་སུ་ཡི་རང་སྟེ།། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། ཆོས་ཐམས་ཅད་རིག་པ་ཉི་ཟླའི་མཐའ་དང་མཉམ་པ་དྲི་མ་མེད་པའི་རྒྱུད། བཅོམ་ལྡན་འདས་ཀུན
207a3 རིག་རྒྱལ་པོས་གསུངས་པ་རྫོགས་སོ།། ཤྲཱི་སིདྷ་དང་བཻ་རོ་ཙ་ནས་བསྐུར་བའོ།། །། @#།། རྒྱ་གར་སྐད་དུ། ཙརྱ་སཱུརྱ་ཙནྡ་ས་མ་ཏནྟྲ་སྱ་པཉྫི་ཀ། བོད་སྐད་དུ། སྤྱོད་པ་ཉི་ཟླ་དང་མཉམ་པའི
207a4 རྒྱུད་ཀྱི་དཀའ་འགྲེལ། རྩ་བྲལ་རིག་པའི་ལྷ་ལ་ཕྱག་འཚལ་ལོ།། ཨེ་མ་རྒྱུད་དོན་གསུམ་དུ་བཤད།། གླེང་གཞི་རྣམ་པར་དག་པ་དང་།། རྒྱུད་ཀྱི་དངོས་པོ་བསྟན་པ་དང་།། མཐར་ཕྱིན་ཡོངས་སུ་གཏད་པའོ།། གླེང
207a5 གཞི་གཉིས་སུ་བཤད་པར་བྱ།། ཕུན་སུམ་ཚོགས་དང་ཞུས་ལན་ནོ།། ཕུན་སུམ་ཚོགས་པ་ལྔར་བཤད་དོ།། གཅིག་གིས་དུས་བསྟན་བཞི་ཡིས་གནས།། བཞི་ཡིས་བསྟན་པ་དགུ་ཡིས་འཁོར།། གཅིག་གིས་སྡུད་པ
207a6 གཉིས་སུ་བསྟན།། ཞུས་ལན་ལ་ནི་གསུམ་ཡིན་ཏེ།། སེམས་དཔས་ཞུས་དང་སྟོན་པས་ལན།། ཤིན་ཏུ་རྒྱས་པར་ཞུས་པའོ།། དེ་ཡི་དང་པོ་དྲུག་དོན་གསུམ།། ཚིགས་བཤད་བརྒྱད་ལ་སྦྱར་ཏེ་བཤད།། སྟོན་པའི་ལན
iiif viewer powered by OpenSeadragon
