| e-texts navigator |
| Wylie |
202a1 རྒྱས་སེམས་ཅན་གཉིས་མེད་དེ།། ལམ་གྱིས་བཅོས་སུ་ག་ལ་ཡོད།། བསྒྲུབ་མེད་རྩལ་སྦུགས་སྨོན་མེད་པའི།། བྱར་མེད་ལྷུན་རྫོགས་སྔ་མ་དེ་ཉིད་དོ།། རྟོག་དཔྱོད་རྣམ་དག་གཉིས་མེད་ཆོས་དབྱིངས
202a2 ལས།། ལོག་རྟོག་བྱིས་པའི་སྤྱོད་པས་ཅི་ཞིག་བསླུས།། གཉིས་མེད་བདེ་ཆེན་སེམས་ཅན་ཀུན་སྤྱོད་ལ།། འཁྲུལ་པས་ནོར་བའི་ལམ་དུ་བསྟན་པ་ཡང་།། གང་བསྟན་ལམ་ཆེན་དེ་ལས་མི་གཉིས་པར།། མཉམ་པར
202a3 ཤེས་པས་སངས་རྒྱས་ཀུན་གྱི་རྗེ།། ང་བདག་འཛིན་པས་མུ་སྟེགས་འཁྲུལ་པའི་ལམ།། བྱིས་པས་བསླུས་པའི་ཆོས་སྤྱོད་སྤྱོད་པ་ཡང་།། རྣམ་པར་རྟོག་པའི་ལམ་དུ་བཙུད་པ་ནི།། ཕྱིན་པའི་ལམ་མེད་རྟོགས་དུས་མེད
202a4 པའོ།། ཆོས་ཉིད་ཆོས་ཚོལ་རྙེད་པར་ག་ལ་འགྱུར།། སློབ་དཔོན་ཚད་མར་མ་གྱུར་སྤྲེའུ་འདྲའི་ལུང་།། བརྟེན་ནས་ལམ་ནོར་རྟོག་པས་ཟིན་ཏ་རེ།། དེ་བས་གསེར་ལ་ནག་ཚུར་བཏང་འདྲ་ཡི།། སློབ་དཔོན་རིན་ཆེན་ལྷ
202a5 བུ་མཁས་པ་དེ།། རིན་ཐང་དཔག་ཏུ་མེད་པའི་རིན་གྱིས་བསླུའོ།། ཉི་ཟླ་དང་མཉམ་པ་དྲི་མ་མེད་པའི་རྒྱུད་ལས། རྩོལ་བྲལ་རྩལ་དྲུག་གི་ལེའུ་སྟེ་བཞི་པའོ།། །། དེ་ནས་བཅོམ་ལྡན་བཀའ་སྩལ་པ།། མི་གནས
202a6 དམིགས་མེད་ཆོས་ཀྱི་སྐུ།། སྤྲོས་མེད་བྱང་ཆུབ་སྙིང་པོའི་དོན།། བདེ་ཆེན་སྤྲུལ་པ་གཉིས་སུ་མེད།། གཞན་ནས་མི་བཙལ་རང་ལས་བྱུང་།། ཟིན་ཆགས་དང་བྲལ་ངང་ཞི་ན།། དངོས་པོ་མེད་པས་རྣམ་པར
iiif viewer powered by OpenSeadragon
