| e-texts navigator |
| Wylie |
200b1 པ།། མཉམ་ཉིད་རྒྱ་མཚོ་ལྟ་བུ་ཡི།། ཀུན་ཏུ་བཟང་ལ་མངོན་བསྟོད་དོ།། ཆོས་ཐམས་ཅད་རྒྱ་མཚོའི་མཐའ་དང་མཉམ་པ་རྙོག་པ་མེད་པའི་རྒྱུད། བཅོམ་ལྡན་འདས་ཀུན་རིག་རྒྱལ་པོས་གསུངས་པ་རྫོགས་སོ།། རྒྱ
200b2 གར་གྱི་མཁན་པོ་ཤྲཱི་སིདྷ་དང་། བོད་ཀྱི་ལོ་ཙཱ་བ་བེ་རོ་ཙ་ནས་བསྒྱུར་བའོ།། ། @#།། རྒྱ་གར་སྐད་དུ།། སརྦ་དྷརྨཱ་མ་ཧཱ་སནྟི་བོ་དྷི་ཙིཏྟ་སཾ་ས་ར་མཱ་ལ་ཙྪེད་ན་སཨཱརྱ་ཙནྡ་ས་མ་མ་ལ་ཏནྟ། བོད
200b3 སྐད་དུ། ཆོས་ཐམས་ཅད་བྱང་ཆུབ་ཀྱི་སེམས་རྫོགས་པ་ཆེན་པོ་འཁོར་བ་རྩད་ནས་གཅོད་པ་ཉི་ཟླ་དང་མཉམ་པ་དྲི་མ་མེད་པའི་རྒྱུད།། བཅོམ་ལྡན་འདས་ཀུན་རིག་རྒྱལ་པོ་ལ་ཕྱག་འཚལ་ལོ།། འདི་སྐད་བཤད་པའི
200b4 དུས་གཅིག་ན། ཆོས་ཉིད་ཀྱི་མཁའ། དབྱིངས་ཉིད་ཀྱི་ཀློང་། ཡེ་ཤེས་དྲི་མ་མེད་པར་དག་པ། ཆོས་ཀྱི་དབྱིངས་ཀྱི་ཕོ་བྲང་ན། བཅོམ་ལྡན་འདས་དཔལ་ཀུན་ཏུ་བཟང་པོ། ཡངས་པ་ནམ་མཁའ་ལྟ་བུ། སྐྱེ་མེད་བྱ།
200b5 བཙལ་བྲལ་བ། སྤྲོས་བྲལ་ཡེ་ཤེས་ཀྱི་ཀློང་ན་བཞུགས་སོ།། ཉིད་ཀྱི་རང་སྣང་རིག་པའི་འཁོར་ནི། སྐུ་གསུམ་དང་། ཡེ་ཤེས་ལྔ་དང་། ཁམས་གསུམ་དང་། འབྱུང་བ་ལྔ་དང་། དུས་གསུམ་དང་། ཉོན་མོངས་པ་ལྔ
200b6 དང་། སྣང་ཚུལ་བཅུ་བདུན་ལ་སོགས་ཏེ། གཟུགས་ནས་ཐམས་ཅད་མཁྱེན་པའི་བར་ཐམས་ཅད་འཁོར་རོ།། དེ་ནས་སེམས་དཔའ་རྡོ་རྗེས་གསོལ་པ།། ཨེ་མ་ཧོ་བཅོམ་ལྡན་འདས།། ཡེ་ཤེས་ཉི་ཟླའི་སྙིང་པོ
iiif viewer powered by OpenSeadragon
