| e-texts navigator |
| Wylie |
291a1 ཉོན་ཅིག། འདི་ཡི་དུས་ནི་གསུམ་སྟེ། འཇུག་པའི་དུས་དང་། གྲོལ་བའི་དུས་དང་། མཐར་ཕྱིན་པའི་དུས་སོ།། འཇུག་པའི་དུས་ནི་གཉིས་ཡིན་ཏེ། རིག་པ་འོད་ལ་ཕར་འཇུག་པ་དང་། འོད་རིག་པ་ལ
291a2 ཚུར་འཇུག་པའོ།། གྲོལ་བ་ནི་གསུམ་སྟེ། རིག་པ་ཉིད་རྐྱེན་རྣམས་དང་བྲལ་བས་འབྱུང་བ་ལས་གྲོལ་བ་དང་། རིག་པ་ལ་དྲི་མ་མེད་པས་ཉོན་མོངས་པ་ལས་གྲོལ་བ་དང་། རིག་པ་ཉིད་མཐའ་གང་དུ་ཡང་མ་ལྷུངས
291a3 པས་ཕྱི་ནང་གི་ཆོས་ལས་གྲོལ་བའོ།། མཐར་ཕྱིན་པ་ནི། རིག་པ་ཉིད་ཆོས་ཐམས་ཅད་ཀྱི་སྣང་བ་དུས་གཅིག་ལ་གྲོལ་བར་བསྟན་པའོ།། ཐབས་ནི་གཉིས་ཏེ། སྔོན་རོལ་གྱི་གདམས་པའི་གནད་དང་། འདི་དུས་ཀྱི
291a4 རིག་པ་རྣོ་བརྟུལ་གྱི་ཁྱད་དོ།། མི་རྟོག་ཐུབ་པས་ཡང་གསོལ་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ཆོས་ཉིད་བར་དོ་དེ་ལྟར་ན།། སྲིད་པའི་བར་དོ་ཇི་ལྟར་ལགས།། འདི་དག་བདག་ལ་ལེགས་པར་གསུང་།། ཆོས
291a5 གནས་པའི་བར་མ་དོར།། གང་གི་ཤེས་པ་མ་ཚུད་ན།། འཁོར་བའི་ལམ་ནི་ཇི་ལྟ་བུ།། འདི་ཀུན་བདག་ལ་གསུང་བར་ཞུ།། དེ་ནས་སྟོན་པས་བཀའ་སྩལ་པ།། ཀྱེ་མ་མི་རྟོག་ཐུབ་པ་ཉོན།། ངས་བསྟན་ཁྱོད་ཀྱིས
291a6 ལེགས་པར་ཟུང་།། འདི་ཉིད་ལུང་དང་མི་ལྡན་པའི།། སེམས་ཅན་ཀུན་གྱི་འཇུག་པའི་ས། སྲིད་པའི་བར་དོ་ཞེས་བྱ་བ།། འཁོར་བའི་གནས་ཀྱི་ལམ་སྒོ་ནི།། དཔེར་ན་ཟོ་ཆུན་བཞིན་དུ་འཁོར།། ཤ་ཁྲག་རང་གའི་སྲིད
iiif viewer powered by OpenSeadragon
