| e-texts navigator |
| Wylie |
290b1 བརྗེད་པའི་གཟུངས་རྣམས་ཀྱང་རང་གི་རྒྱུད་ལ་སྐྱེ་སྟེ། སྔོན་གྱི་ཆོས་རྣམས་ཐམས་ཅད་རྒྱུད་ལ་དུས་གཅིག་ཏུ་འཆར་རོ།། དེ་བཞིན་དུ་སྔར་མ་མཐོང་བའི་ཆོས་རྣམས་ཀྱང་འཆར་བས་ན་ཆོས་ཉིད་ཀྱི་བར་དོ་ཞེས
290b2 བྱའོ།། རྒྱུན་གྱི་ཏིང་ངེ་འཛིན་རྒྱུད་ལ་རང་བཞིན་གྱིས་འཆར་བས་རྣམ་པར་རྟོག་པ་ངན་པ་ཅི་ཡང་མི་སྐྱེའོ།། དབང་པོ་ཉི་ཤུ་རྩ་གཅིག་གི་བྱེ་བྲག་ཏུ་བརྟན་ལ་ལ་ནི་མདོག་དཀར་པོ་ལ་བརྟན་པ་ཐོབ་པ་ཞེས་བྱ་བ་རང་ཤར་ན་གསལ
290b3 པ་ཐོབ་པ་ཡང་ཡོད་དོ།། དེར་རང་གི་ཤེས་པ་མ་ཚུད་ཅིང་། སྔར་བླ་མའི་ལུང་མེད་པ་རྣམས་ནི། སྣང་བ་དེ་ལ་བྲེད་པ་དང་། སྔངས་པ་དང་། སྡུག་པ་དང་། འཇིགས་པ་དང་། འདུ་ཤེས་ཤོར་བ་ལ་སོགས་ཏེ། ཡང
290b4 འཁོར་བའི་ཉེ་བར་ལེན་པའི་ཁ་ལེན་ཏེ། ཡང་དབང་པོ་ཉི་ཤུ་རྩ་གཅིག་གིས་བྱེ་བྲག་ཏུ་འཁྲུལ་པ་ཡང་ཡོད་དོ།། དེ་ལྟར་དབང་པོ་གསུམ་ནི། རབ་ཀྱིས་སྐད་ཅིག་མ་གསུམ་ལ་གྲོལ་བར་འགྱུར་རོ།། འབྲིང་གིས་ཞག
290b5 ལྔལྡ་ན་བརྟན་པ་ཐོབ་པ་ཡང་ཡོད་དོ།། སྐད་ཅིག་མ་ཉི་ཤུ་རྩ་གཅིག་ན་བརྟན་པ་ཐོབ་པ་ཡང་ཡིན་ནོ།། ཐ་མ་རྣམས་ནི་རང་བཞིན་སྤྲུལ་པ་སྐུའི་ཞིང་ཁམས་རྣམས་སུ་དབུགས་ཕྱུང་ནས། བར་དོ་མེད་པར་སངས་རྒྱས་པ
290b6 ཡིན་ནོ།། དེ་ནས་མི་རྟོག་ཐུབ་པས་ཡང་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་འདས་དེ་དག་གི་དུས་དང་ཐབས་ཇི་ལྟ་བུ་ལགས། བདག་ལ་བསྟན་དུ་གསོལ། སྟོན་པས་བཀའ་སྩལ་པ། ཀྱེ་མི་རྟོག་ཐུབ་པ་ཁྱོད
iiif viewer powered by OpenSeadragon
