| e-texts navigator |
| Wylie |
289b1 པས། སྣང་བ་དེ་དག་མ་འདྲེས་པར། ཤིན་ཏུ་རྒྱ་ཆེ་བར་འཆར་ཏེ། དེ་ཡང་དང་པོ་མཐིང་གའི་སྣམ་བུའི་སྟེང་དུ་ཐིག་ལེ་ཟེར་དང་ལྡན་པ་མེ་ལོང་ཁ་སྒྲུབ་པ་ཙམ་ཤིན་ཏུ་གསལ་ལ་འཚེར་བ། དེ་ལ་ཡང་རང་བཞིན
289b2 གྱི་ཐིག་ལེ་ལྔ་ལྔས་བརྒྱན་པའོ།། ཡང་དེའི་སྟེང་དུ་དཀར་པོའི་སྣམ་བུའི་སྟེང་དུ་ཐིག་ལེ་ཤིན་ཏུ་གསལ་བ་གོང་དང་འདྲ་བ་འཆར་རོ།། སེར་པོའི་སྣམ་བུའི་སྟེང་དུ། ཡང་ཐིག་ལེ་གོང་དང་འདྲ་བར་འཆར་རོ།། དེའི
289b3 སྟེང་དུ་ཡང་དམར་པོའི་སྣམ་བུའི་སྟེང་དུ། ཐིག་ལེ་གོང་མ་ལྟར་འཆར་རོ།། དེའི་སྟེང་དུ་འོད་ཟླུམ་པོ་ཤིན་ཏུ་གསལ་བ་ཞིག་གདུགས་ལྟར་འཆར་རོ།། དེ་དག་ཀྱང་ཡེ་ཤེས་ལྔའི་སྣང་བ་སྟེ། བྱ་བ་གྲུབ་པའི་ཡེ་ཤེས་ཀྱི
289b4 རྩལ་མ་རྫོགས་པས་མི་སྣང་ངོ་།། དེ་ནི་ཡེ་ཤེས་བཞི་སྦྱོར་གྱི་སྣང་བ་ཞེས་བྱ་སྟེ། རྡོ་རྗེ་སེམས་དཔའ་ཁོང་སེང་གི་ལམ་ཞེས་བྱའོ།། དེའི་ཚེ་མི་འགྱུར་བ་གསེར་གྱི་ཐུར་མ་ལྟ་བུའི་ཐབས་མཆོག་ཏུ་དྲན་པར་བྱའོ།། དེ
289b5 ནས་རང་གི་ཤེས་པ་སྟེང་ཀུན་གྲུབ་ཀྱི་གཞི་ཡིན་གི་འོད་ལ་ཐིམ་པས་ཤར་ལུགས་བརྒྱད་ཉམས་སུ་མྱོང་བའོ།། དེའི་ཚེ་གོང་གི་ལོངས་སྐུ་ཁྲོ་བོའི་སྣང་བ་རྣམས་ཀྱང་མཐོང་བར་འགྱུར་རོ།། ཤར་ལུགས་བརྒྱད་གང་ཞེ
289b6 ན།། ཐུགས་རྗེ་ལྟར་ཤར་བས་འཁོར་འདས་རྒྱ་མ་ཆད། འོད་ལྟར་ཤར་བས་སྣང་བ་ཐམས་ཅད་ནང་ན་གསལ། སྐུ་ལྟར་ཤར་བས་ཤེས་པའི་ཁ་ཕྱིར་མ་ཤོར།། ཡེ་ཤེས་ལྟར་ཤར་བས་སྣང་བ་ཐམས་ཅད་ཟང་ཐལ།།
iiif viewer powered by OpenSeadragon
