| e-texts navigator |
| Wylie |
289a1 པ། མི་ཆུང་བ། ཆ་མཉམ་པ། རྒྱན་དང་། ཁ་དོག་དང་། བཞུགས་ཚུལ་དང་། གདན་ཁྲི་དང་། ཕྱག་རྒྱ་དང་བཅས་ཏེ། སྐུ་དེ་དག་ཀྱང་ལྔ་ལྔའི་གཟུགས་ཀྱིས་ཁྱབ་པ། ལྔ་ཚན་རེ་རེ་ལ་འོད་ཀྱི་མུ་ཁྱུད
289a2 དང་བཅས་པ། ཡབ་ཀྱི་ཆ་འཛིན་པའི་རིགས་དང་། ཡུམ་གྱི་ཆ་འཛིན་པའི་རིགས་དང་། སེམས་དཔའ་དང་། སེམས་མ་དང་། དཀྱིལ་འཁོར་ཐམས་ཅད་གཅིག་ལ་རྫོགས་པར་གནས་སོ།། དེའི་ཚེ་རང་གི་སྙིང་ག་ནས
289a3 འོད་ཤིན་ཏུ་ཕྲ་བ་ཞིག་འཆར་ཏེ། དེ་སྐུ་ཐམས་ཅད་ཀྱི་ཐུགས་ཀར་འབྲེལ་ཏེ་འཆར་རོ།། དེ་ལ་རང་གིས་ཤེས་པ་ཟིན་ཏེ། མི་རྟོག་པའི་བསམ་གཏན་ལ་རང་བཞིན་གྱིས་གནས་སོ།། དེ་ནི་རིག་པ་འོད་ལ་འཇུག་པ་ཞེས
289a4 བྱ་སྟེ། སྣང་བ་དེ་ཀུན་ཀྱང་རབ་ཏུ་འཕྲིགས་པར་མངོན་པར་འགྱུར་ཏེ། སྙིང་གའི་ཟེར་ཟག་དེ་ལ་ཡང་། ཐིག་ལེ་ཕྲ་མོ་གྲངས་མེད་པ་འཆར་རོ།། དེ་ནས་ཡང་རང་གི་སྙིང་ག་ནས་འོད་ཀྱི་ཟེར་ཟག་ཚོན་སྐུད་བསྒྲིལ་བ
289a5 ཙམ་ཞིག་འཆར་ཏེ། དེ་ནས་སྐུ་དེ་ཐམས་ཅད་རང་གི་ལུས་ལ་ཐིམ་པ་སྙམ་བྱེད་པའི་སྣང་བ་འཆར་ཏེ། དེ་ནི་འོད་རིག་པ་ལ་ཆུར་འཇུག་པ་ཞེས་བྱའོ།། དེའི་ཚེ་སྐྱེས་བུ་རྣམས་ཀྱིས་ཡིད་ཆེས་པ་མ་པང་དུ་བུ་འཇུག
289a6 པ་ལྟ་བུའི་ཐབས་མཆོག་ཏུ་དྲན་པར་བྱའོ།། ཡང་རང་གི་སྙིང་ག་ནས་འོད་ཀྱི་ཟག་པ་ཤིན་ཏུ་ཕྲ་བ་ཞིག་འཆར་ཏེ། དེའི་སྟེང་གི་ནམ་མཁའ་ལ་གྱེན་དུ་ཟུག་པར་སྣང་ངོ་།། དེ་ལ་རང་གི་མིག་གིས་མ་ཡེངས་པར་བལྟས
iiif viewer powered by OpenSeadragon
