| e-texts navigator |
| Wylie |
288a1 པ།། ཀྱེ་མ་སྟོན་པ་རྡོ་རྗེ་སེམས།། འཆི་ཀའི་བར་དོ་དེ་ལྟར་ན།། ཆོས་ཉིད་བར་དོ་ཅི་ལྟར་ལགས།། དོན་འདི་བདག་ལ་བཀའ་སྩོལ་ཅིག། དེ་ནས་བཅོམ་ལྡན་འདས་ཀྱིས་མི་སྣང་བ་རབ་ཏུ་འབྱེད་པའི
288a2 ཏིང་ངེ་འཛིན་ལས་བཞེངས་ནས་བཀའ་སྩལ་པ། ཀྱེ་མ་མི་རྟོག་ཐུབ་པ་ཆེན་པོ་ཉོན་ཅིག། དེ་ལྟར་ཚེའི་འདུ་བྱེད་བྱས་པ་ཐམས་ཅད་ལ་ཆོས་ཉིད་ཀྱི་བར་མ་དོ་འདིར་ཆོས་ཉིད་ཀྱི་བར་དེ་དང་སྲིད་པའི་བར་དེ་བསྟན། ཞེས་བྱ་བ།། འདི
288a3 ལྟར་སྣང་བ་འདི་ནུབ་སྟེ།། ཕུང་པོ་མེད་ཅིང་ཟག་བཅས་བྲལ།། སྣང་བ་ཐམས་ཅད་བདེ་བའི་ཞིང་།། རང་སྣང་དག་པའི་སྐུ་སྣང་སྟེ།། ཆོས་ཉིད་ཞིང་ཁམས་སྣང་བ་ལ།། རང་སྣང་དག་པའི་སྐུར་སྣང་སྟེ།། འདི་ལ་ཐེ
288a4 ཆོས་ཉིད་བར་དོ་ལ་ཚོམ་སུས་ཟ་བ།། རྒྱལ་བ་རྣམས་ཀྱི་སྐུར་ལ་བསྒྲིབ། ཕྱིས་མི་རྙེད།། ཅེས་གསུངས་སོ།། ཡང་གསོས་པ།། ཀྱེ་བཅོམ་ལྡན་འདས་དེ་ལྟ་བུའི་སྣང་བ་དེ་རང་ཅི་ལྟ་བུ་བདག་ལ་གསུང་དང་། ཡང་བཀའ་སྩལ
288a5 པ། ཀྱེ་མི་རྟོག་ཐུབ་པ་ཆེན་པོ་ཁྱོད་ཉོན་ཅིག། རང་བཞིན་དག་པའི་སྣང་བ་འདི་ལྟ་སྟེ།། སྐྱེས་བུ་རྣམས་ཀྱི་རྣམ་པར་ཤེས་པ་འོད་གསལ་ལ་ཐིམ་པ་ཞེས་བྱ་སྟེ། དབུགས་ཕྱི་ནང་གི་འགྲུལ་ཟག་ཚད་མ་ཟག་ཏུ། རང་གི
288a6 དབང་པོ་རྣམས་ཀྱི་ཆ་ལས་དངོས་པོར་སྣང་བ་ནི་མེད་དེ། ཡོད་སྙམ་པའི་ཤེས་པ་ནི་རྨི་ལམ་ལྟ་བུ་འབྱུང་ངོ་།། གདོས་བཅས་ཀྱི་ལུས་ནི་མི་ཤ་ཁྲག་རང་ག་མ་སྣང་སྟེ། འོད་ཀྱི་ལུས་སུ་སྣང་བའོ།། དེའི་ཚེ་དབང་པོའི་སྤྱོད
iiif viewer powered by OpenSeadragon
