| e-texts navigator |
| Wylie |
284b1 པ།། གློ་བུར་རྐྱེན་འབྱུང་བས་གྱིས་ཤི་བའོ།། འབྱུང་བ་རང་ལ་རང་ཐིམ་ནས།། སྐྱེས་བུ་རྒས་ནས་ཤི་བ་ཚེ་ཡི་དུས་ཚོད་ཟད།། འཆི་བའི་དུས་ལ་བབ་ཅེས་བྱ།། དེ་ཡང་བསྟན་པ་འདི་ལྟར་ཡིན།། སྐྱེས་བུའི་ལུས་ལ་ནད
284b2 བཏབ་ན།། རྟགས་འདི་སུ་ལ་བྱུང་བ་དེ།། ཤི་བའི་དུས་ནི་བཏབ་པ་ཡིན།། ས་ནི་ས་ལ་ཐིམ་པ་དང་།། དེ་བཞིན་ཆུ་དང་མེ་དང་རླུང་།། སོ་སོར་རང་ལ་ཐིམ་པ་ནི།། སྐྱེས་བུའི་ལུས་ལ་འདི་ལྟར་རོ།། ས་ནི་རང་ལ
284b3 རང་ཐིམ་པས།། ལུས་ནི་ལྗི་ཞིང་ས་མི་ཐེག་ཟས་མི་ལེན་ཡང་བྱུང་།། ལངས་དང་འགྲོ་བའི་སྟོབས་ཀུན་ཟད།། ཆུ་ནི་ཆུ་ལ་ཐིམ་པ་ཚེ། ཁ་ཆུ་སྣ་ཆུ་འཛག་པར་བྱེད།། དེ་བཞིན་མེ་ལ་མེ་ཐིམ་པས། ཁ་སྣ་དག་ནི་རབ་དུ
284b4 བསྐམ།། ལུས་ཀྱི་མཐའ་ནས་དྲོད་རྣམས་འཆོར།། དེ་བཞིན་རླུང་ལ་རླུང་ཐིམ་པས།། དབུགས་ནི་ངར་ངར་ཡན་ལག་ཕྲ།། མིག་ཀྱང་གྱེན་ལ་ལོག་པར་འོང་།། རྟགས་འདི་སུ་ལ་བྱུང་བ་དེ།། འདི་ལ་མི་གནས་ཕ་རོལ
284b5 དུ།། ངེས་པ་རུ་ནི་འགྲོ་བས་ན།། དེ་ཚེ་བླ་མའི་གདམས་ངག་རྣམས།། རང་གིས་རྒྱུད་ལ་འདྲིས་པར་བྱ།། དོན་འདི་རྣམས་ཀྱིས་གསལ་ཡང་གདབ།། དེ་ཚེ་སྐྱེས་བུ་སྐལ་ལྡན་དེ།། སྣང་བ་ཉིད་ནི་རང་གསལ་ན།། མི
284b6 གནས་ཤེས་པ་རང་སོ་ཞེས།། རླུང་བཞི་རིམ་གྱིས་ཞི་ནས་ཀྱང་།། རླུང་ཆེན་དག་གིས་བསྐྱོད་པའི་ཚེ།། ཡུལ་དང་གནས་ལ་འཇུག་པ་དང་།། སྐུ་དང་ཡེ་ཤེས་འཇུག་ལུགས་བསྟན།། ལུས་གནད་དག་ལ་འཇུག་ལུགས
iiif viewer powered by OpenSeadragon
