| e-texts navigator |
| Wylie |
280b1 གོམས་པ།། འདི་ནི་སྣང་སྟོང་གཉིས་སུ་མེད།། ཚོགས་དྲུག་མ་འགགས་ལྷུག་པའོ།། ནང་གི་ལྟ་བ་འདི་ལྟ་སྟེ།། དབྱིངས་དང་རིག་མངོན་སུམ་དུ་པ་སུས་མཐོང་བ།། འདི་ནི་སངས་རྒྱས་ས་ལ་གོམས།། འདི་ལས་ཐབས
280b2 གཞན་གོང་ན་མེད།། ཡིད་དཔྱོད་རྣམས་ཨ་ཏི་མན་ཆད་ལས་ཁྱད་པར་འཕགས།། མི་རྟོག་ཐུབ་པས་ཡང་གསོལ་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དེ་ལྟར་ལྟ་དང་སྒོམ་པ་དང་།། དེ་བཞིན་དུ་ཡང་སྤྱོད་པ་ཡི།། དོན
280b3 རྣམས་རྣམ་པར་བསྡུ་བའམ།། ཡང་ན་དེ་རྣམས་འབྲས་བུ་གང་།། བཅོམ་ལྡན་འདས་ཀྱིས་བདག་ལ་གསུངས།། དེ་ནས་སྟོན་པས་བཀའ་སྩལ་པ།། ཀྱེ་མ་མི་རྟོག་ཐུབ་པ་ཁྱོད་ཉོན་ཅིག། དེ་དག་རྣམས་ནི་བསྡུས་པ
280b4 ཡིས།། གཅིག་པར་གནས་པའི་ཐིག་ལེ་མཐོང་།། དེ་ཡང་གང་དང་གང་ཞེ་ན།། བཞག་པ་རྣམ་ཀྱིས་སྣང་བ་ཅོག་བཞག་ལ་སོགས་པ་རང་རྒྱས་ཐོབ།། དགོངས་པ་རྣམས་ཀྱིས་སྣང་སྲིད་གཞིར་བཞེངས་ལ་སོགས་པ། དུས་ཚོད
280b5 བསྟན།། ཟད་ལུགས་རྣམས་གང་ཟག་ཆོས་བོར་བ་ལ་སོགས་པ། ཀྱིས་དག་པ་བསྟན།། བསྟན་པའི་འཁོར་བར་ལྟུང་གིས་དོགས་པ་ལ་སོགས་པ་གདེང་ནི་མི་ལྡོག་ཚད།། དེ་ལྟར་དོན་རྣམས་སྡུས་པའོ།། དེ་ཡི་འབྲས་བུ་འདི་དག
280b6 ཡིན།། དབྱིངས་ཀྱི་སྒྲོན་མ་སུས་མཐོང་བ།། ཆོས་ཀྱི་དབྱིངས་ལ་མངོན་དུ་སྤྱོད།། ཐིག་ལེའི་སྒྲོན་མ་སུས་ཡེ་ཤེས་ལུས་མཐོང་བ།། རྩོལ་བཅས་རྣམས་ཀྱིས་རེ་གནས་ཐོབ།། ཤེས་རབ་སྒྲོན་མ་ཡུལ་རྣམས་པར་དག་པ་སུས
iiif viewer powered by OpenSeadragon
