| e-texts navigator |
| Wylie |
280a1 རྣམས་འབྱུང་།། མི་རྟོག་ཡེ་ཤེས་གང་བསྒོམ་པ།། འདིས་ནི་མཚན་མའི་ཞེན་པ་འགག། གཉིས་འཇུག་བདེ་བ་སུས་བསྒོམ་པ།། འདིས་ནི་འདོད་ཡོན་ལམ་དུ་བྱེད།། བར་སྣང་ལམ་དུ་སུས་བྱེད
280a2 པ།། འདིས་ནི་སེམས་ལ་དབང་ཡང་ཐོབ།། ཀྱེ་ཀྱེ་ཐུབ་པ་ཆེན་པོ་ཡང་ཉོན་ཅིག། ཐེག་པ་ཆེན་པོའི་བསམ་གཏན་ནི།། རང་བཞིན་ཤུགས་ཀྱི་བསམ་གཏན་གྱིས།། མ་བཅོས་ལུས་ངག་རྣལ་འདུ་ཕེབས།། དམིགས་པ
280a3 རྒྱུད་བརྟེན་བསམ་གཏན་གྱིས།། འཕྲལ་བྱུང་ཉོན་མོངས་མགོ་རྣམས་གནོན།། ས་ལ་གནས་པའི་བསམ་གཏན་གྱིས།། རང་རང་རྒྱུད་ཀྱི་འཚོ་སྐྱོང་བྱེད།། མི་རྟོག་ཐུབ་པ་ཡང་ཉོན་ཅིག། བདེར་གཤེགས་དགོངས་པ
280a4 རྣམ་གཉིས་ཏེ།། མ་བཅོས་བཞག་པས་བྱུང་ཚོར་འགགས།། མ་བསྒོམས་བལྟས་པས་དྲོད་ཚད་རྙེད།། ཀྱེ་ཐུབ་པ་ཆེན་པོ་ལྟ་བ་ནི་གཉིས་ཏེ།། ཕྱི་ཆོས་ཅན་རྣམས་ལ་བལྟས་པས། ཡུལ་སྣང་གཉིས་སུ་མེད་པ་བསྟན་པ
280a5 དང་། ནང་ཆོས་ཉིད་ལ་བལྟས་པས། རྣལ་འབྱོར་པ་རྣམས་ཀྱི་སེམས་ལ་རང་དབང་དུ་འགྱུར་བའོ།། མི་རྟོག་ཐུབ་པས་ཡང་གསོལ་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ཆོས་ཅན་ལྟ་བ་ཅི་ལྟ་བུ།། དེ་བཞིན་ཆོས་ཉིད
280a6 ལྟ་བ་གང་།། འདི་དག་བདག་ལ་བསྟན་དུ་གསོལ།། རྡོ་རྗེ་འཆང་གིས་བཀའ་སྩལ་པ།། མི་རྟོག་ཐུབ་པ་ཡང་ཉོན་ཅིག། ཕྱི་ཡི་ལྟ་བ་འདི་ལྟ་སྟེ།། དམིགས་པར་སྣང་བའི་ཡུལ་རྣམས་ལ།། རང་བཞིན་མེད་པར་གང
iiif viewer powered by OpenSeadragon
