| e-texts navigator |
| Wylie |
279b1 ཅིག། ཡི་གེ་ཨ་ལ་སེམས་གཏད་པས།། དངོས་པོའི་ཞེན་པ་རང་སར་འདོན།། བསྐྱེད་པའི་ལྷ་ལ་སེམས་གཏད་པས།། ལུས་ཀྱི་དྲི་མ་དག་པར་བྱེད།། ངག་གི་རྡོ་རྗེའི་གླུ་ཡིས་ནི།། དེ་ཡི་ཡིད་ནི་ཚིམ་པར་བྱེད།། ཡི་གེ
279b2 ཧཱུཾ་ལས་སེམས་གཏད་པས།། དེ་ཡི་ངག་གི་དྲི་མ་དག། རཾ་ལ་སེམས་ནི་སུས་འཛིན་པ།། དེ་ཡིས་དངོས་པོ་ཐམས་ཅད་སྦྱང་།། ཡི་གེ་ཧ་ལས་སུ་གནས་པ།། གཏི་མུག་ཐམས་ཅད་ཟད་པར་བྱེད།། གང་ཞིག་ཕཊ་ལ
279b3 སེམས་གཏད་པ།། དེ་ཡིས་ལུས་ངག་གནོད་པ་སྤངས།། སྨིན་མཚམས་ཐིག་ལེ་གང་བསྒོམ་པ།། འདིས་ནི་རླུང་ལ་གོམས་པར་འགྱུར།། བུ་ག་དགུ་ལུ་གུ་རྒྱུད་ཡང་བྱུང་།། ལ་སེམས་འཛིན་པ།། དེས་ནི་དབང་པོའི་སྒོ་རྣམས
279b4 ཁེགས།། སྣ་རྩེར་ཡིད་ནི་སུས་གོམས་པས།། འབྱུང་བ་ཡས་པ་རང་སར་སྡུད།། ལུས་རྟེན་རང་འོད་གང་བསྒོམ་པ།། འདིས་ནི་བར་དོའི་ས་ལ་གོམས།། ནམ་མཁར་སེམས་ནི་སུས་འཕང་བ།། དེ་ནི་སྟོང་པ་ཉིད་ལ
279b5 གོམས།། གང་གིས་རྣ་བར་སེམས་གཟུང་བ།། འདིས་ནི་སྒྲ་རྣམས་ཅི་དགར་སྤྱོད།། གང་གིས་སྙིང་གར་སེམས་འཛིན་པ།། འདིས་ནི་བསམ་པ་རང་སར་དག། སྟོང་པ་ཉིད་ལ་སུ་གནས་པ།། འདིས་ནི་དངོས་པོའི་ཞེན
279b6 པ་འགག། སྟོང་ཉིད་ཧད་པོར་སུས་བསྒོམ་པ།། དྲན་པ་རྣམས་ནི་ཅིག་ཆར་སྟོང་།། མི་རྟོག་སེམས་ལ་གང་བསྒོམ་པ།། འདིས་ནི་འཁོར་བའི་ཞེན་པ་བཟློག། འབྱུང་བ་ལྔ་ལ་སེམས་བཟུང་ན།། དེས་ནི་ལུས་ཀྱི་རྟགས
iiif viewer powered by OpenSeadragon
