| e-texts navigator |
| Wylie |
279a1 ཤེས་སྤང་།། ཉ་མོ་རྒྱ་ཡང་བྱུང་ལྟ་བུའི་སྤྱོད་པ་ཡིས།། འདོད་པས་ཆོག་ཤེས་དུས་ཚོད་བཅད།། དྲེའུ་མོ་ལྟ་བུའི་སྤྱོད་པ་ཡིས།། འཁོར་བའི་ས་བོན་སྤེལ་མི་བྱ།། བྲམ་ཟེ་ལྟ་བུའི་སྤྱོད་པ་ཡིས།། གཞན་གྱི
279a2 ལོངས་སྤྱོད་ཟས་རྣམས་སྤང་།། དཔའ་བོ་ལྟ་བུའི་སྤྱོད་པ་ཡིས།། འཁོར་འདས་རྣམས་ཀྱི་རུ་ཤན་དབྱེ།། ཆུ་མིག་ལྟ་བུའི་སྤྱོད་པ་ཡིས།། དྲན་པའི་རྟེན་ཉིད་རང་སར་བཞག། ནམ་མཁའ་མདུང་སྐོར་སྤྱོད་པ
279a3 ཡིས།། དངོས་པོ་རྣམས་ལ་ཟང་ཐལ་སྤྱོད།། བར་སྣང་རླུང་འདྲའི་སྤྱོད་པ་ཡིས།། གཟུང་དང་འཛིན་པའི་རྟོག་པ་སྤང་།། བྱ་ཁྱུང་ལྟ་བུའི་སྤྱོད་པ་ཡིས།། གཡང་ས་རྣམས་ནི་རླབས་ཀྱིས་གཅད།། རི་བོ་ལྟ་བུའི་སྤྱོད་པ
279a4 ཡིས།། འགྱུར་མེད་རང་དག་སྟེང་དུ་སྤྱད།། ཐེག་ཆེན་ལྟ་བུའི་སྤྱོད་པ་ཡིས།། སྣང་བ་ཕྱིར་མི་ལྡོག་པར་སྤྱད།། ཀྱེ་ཐུབ་པ་ཆེན་པོ་ཡང་ཉོན་ཅིག། སྒོམ་པ་ནི་གསུམ་སྟེ། ལྷ་ལ་སོགས་པ་སེམས་ཀྱིས་བསྒོམ་པ
279a5 དང་། ཐེག་པ་ཆེན་པོའི་བསམ་གཏན་དང་། དུས་གསུམ་གྱི་སངས་རྒྱས་ཐམས་ཅད་ཀྱི་དགོངས་པ་ཉིད་ཡིན་ནོ།། དེ་ནས་ཡང་གསོལ་པ།། ཀྱེ་ཀྱེ་བཅོམ་ལྡན་འདས། ལྷ་ལ་སོགས་པ་སེམས་ཀྱིས་བསྒོམ་པ་ནི་གང
279a6 ལགས། ཐེག་པ་ཆེན་པོ་རྣམས་ཀྱི་སེམས་ཀྱི་བསམ་གཏན་ནི་གང་ལགས། སངས་རྒྱས་རྣམས་ཀྱི་དགོས་པ་ནི་གང་ལགས། བདག་ལ་གསུང་དང་། དེ་ནས་ཡང་བཀའ་སྩལ་པ། ཀྱེ་ཀྱེ། ཐུབ་པ་ཆེན་པོ་ཡང་ཉོན
iiif viewer powered by OpenSeadragon
