| e-texts navigator |
| Wylie |
278b1 ཞུགས་ལམ་དུ་སློང་བར་བྱེད་པ་གྲངས་ཀྱི་སྤྱོད་པ་དང་། སྣང་བ་རང་སར་གྲོལ་བ་རིག་པ་རྣལ་དུ་ཕེབས་པའི་སྤྱོད་པའོ།། ཡང་གསོལ་པ། བརྟུལ་ཞུགས་ལམ་དུ་སློང་བར་བྱེད་པ་དབང་པོའི་བྱེ་བྲག་གི་གྲངས་ཀྱི་སྤྱོད
278b2 པ་ཞེས་བགྱི་བ་འདི་གང་ལགས། འདི་བདག་ལ་གསུང་དང་། སྟོན་པས་བཀའ་སྩལ་པ། ཀྱེ་ཀྱེ་ཐུབ་པ་ཆེན་པོ་ཉོན་ཅིག། ངས་བསྟན་ཁྱོད་ཀྱིས་ལེགས་པར་ཉོན།། རྣལ་འབྱོར་དོན་ལ་སུས་སྦྱོར་བ།། སྤྱོད་པ་འདི་ལ
278b3 གོམས་པར་བྱ།། བུང་བ་ལྟ་བུའི་སྤྱོད་པ་ཡིས།། ཆོས་རྣམས་ཀུན་གྱི་རོ་མྱང་བྱ།། རི་དྭགས་ལྟ་བུའི་སྤྱོད་པ་ཡིས།། འཁྲུལ་པའི་རྐྱེན་གྱུར་ཡུལ་རྣམས་སྤང་།། ལྐུགས་པ་ལྟ་བུའི་སྤྱོད་པ་ཡིས།། འཁྲུལ་པའི་ངག་ནི་སྤང
278b4 བར་བྱ།། ཐི་བྱ་ལྟ་བུའི་སྤྱོད་པ་ཡིས།། གསང་བའི་སྔགས་ཀྱི་ཐེ་ཚོམ་བཅད།། སྨྱོན་པ་ལྟ་བུའི་སྤྱོད་པ་ཡིས།། གཅིག་ཏུ་གནས་པའི་ཡུལ་རྣམས་སྤང་།། སེང་གེ་ལྟ་བུའི་སྤྱོད་པ་ཡིས།། འཇིགས་པའི་སེམས་སྤང་དུར
278b5 ཁྲོད་རྒྱུ།། ཁྱི་ཕག་ལྟ་བུའི་སྤྱོད་པ་ཡིས།། གཙང་དང་སྨེ་བའི་རྟོག་པ་སྤང་།། དོམ་བུ་ལྟ་བུའི་སྤྱོད་པ་ཡིས།། དྲན་བསམ་ཐོག་བབ་ཉིད་དུ་སྤྱོད།། བུ་ཆུང་ལྟ་བུའི་སྤྱོད་པ་ཡིས།། འཁྲུལ་པའི་ཞན་པ་རྒྱུད་རེངས
278b6 སྤང་།། ངང་མོ་ལྟ་བུའི་སྤྱོད་པ་ཡིས།། འཇིག་རྟེན་མཐུན་པའི་ཚིག་གིས་དྲང་།། གླང་ཆེན་ལྟ་བུའི་སྤྱོད་པ་ཡིས།། འཁོར་བའི་གཡུལ་རྣམས་གཏིང་ནས་བཟློག། རི་སྐེགས་ལྟ་བུའི་སྤྱོད་པ་ཡིས།། བུ་དང་དགྲ་ཡི་འདུ
iiif viewer powered by OpenSeadragon
