| e-texts navigator |
| Wylie |
278a1 བདག་ལ་བསྟན་དུ་གསོལ། བཀའ་སྩལ་པ། གཞི་འཛིན་པའི་རིག་པ་ནི། རྡོ་རྗེ་ལུ་གུ་རྒྱུད་དུ་སྣང་བའི་རིག་མངོན་སུམ་དུ་པ་ཆེན་པོ་སྟེ། རྒྱང་ཞགས་ཆུའི་སྒྲོན་མ་ལས་རིག་པ་གཅེར་བུར་རང་ཐོན
278a2 པའོ།། འདི་ནི་རྣལ་འབྱོར་པ་རྣམས་ཀྱི་ཉམས་བརྟན་པའི་ཡེ་ཤེས་སུ་སྣང་བའོ།། མཚན་ཉིད་འཛིན་པའི་རིག་པ་ནི། སེམས་ཅན་ཐམས་ཅད་ལ་རང་ཁྱབ་ཏུ་གནས་པའོ།། དེ་ནས་ཡང་མི་རྟོག་ཐུབ་པས་འདི་སྐད་ཅེས
278a3 ཞུས་སོ།། ཀྱེ་ཀྱེ་བཅོམ་ལྡན་འདས་དོན་དེ་རྣམས་ནི་བདག་ཅག་གིས་ལམ་དུ་བྱེད་ན། ཐབས་གང་གི་སྒོ་ནས་བྱེད་པ་ལགས། བདག་ལ་བསྟན་དུ་གསོལ། དེ་ནས་སྟོན་པས་གསུངས་པ།། དེ་ཡི་དོན་རྟོགས་པར་བྱེད
278a4 པའི་ཐབས་ནི། རང་གི་ཤེས་རབ་དང་། སྤྱོད་པའི་རྣམ་པ་རྣམས་དང་། སྒོམ་པའི་རྣམ་པ་རྣམས་དང་། ལྟ་བའི་རྣམ་པ་རྣམས་སོ།། ཡང་གསོལ་པ། སྟོན་པ་ཆེན་པོ།། ཤེས་རབ་ནི་གང་ལགས། སྤྱོད་པ་ནི་ཅི་ཙམ
278a5 ཞིག། སྒོམ་པ་ནི་གང་ལྟ་བུ། ལྟ་བ་ནི་ཅི་ལྟ་བུ་ལགས། བདག་ལ་གསུང་དང་། བཀའ་སྩལ་པ། ཤེས་རབ་ནི་གསུམ་སྟེ། ཟོས་པའི་ཤེས་རབ་ཀྱིས་ཕྱི་ཡི་སྒྲོ་འདོགས་གཅོད་པ་དང་།
278a6 བསམ་པའི་ཤེས་རབ་ཀྱིས་ནང་གི་སྒྲོ་འདོགས་གཅོད་པ་དང་། སྒོམ་པའི་ཤེས་རབ་ཀྱིས་གསང་བའི་སྒྲོ་འདོགས་གཅོད་པའོ།། སྤྱོད་པ་ནི་གསུམ་སྟེ། འཁོར་འདས་རུ་ཤན་འབྱེད་པ་ལུས་ངག་གི་སྤྱོད་པ་དང་། བརྟུལ
iiif viewer powered by OpenSeadragon
