| e-texts navigator |
| Wylie |
277b1 བ་ནི། དང་པོ་འོད་ཀྱི་སྣམ་བུར་སྣང་བ་དང་། གཉིས་པ་འོད་ཀྱི་ཟེར་སྣ་ཚོགས་སུ་ཐག་ཏུ་གནས་པ་དང་། གསུམ་པ་ཐིག་ལེ་ལུ་གུ་རྒྱུད་དུ་འབྲེལ་བ་མུ་ཁྱུད་དུ་འཆར་རོ།། འབྲས་བུ་རང་སྨིན་པའི་ཐིག་ལེ་ནི་གསུམ་སྟེ།
277b2 འོད་རྣམས་སྨིན་པའི་ཐིག་ལེ་དང་། ཡེ་ཤེས་སྨིན་པའི་ཐིག་ལེ་དང་། རིག་པ་སྨིན་པའི་ཐིག་ལེའོ།། ཡང་གསོལ་པ། འོད་རྣམས་འདུས་ཤིང་སྨིན་པའི་ཐིག་ལེ་གང་ལགས། ཡེ་ཤེས་སྨིན་པའི་ཐིག་ལེ་གང་ལགས།།
277b3 རིག་པ་སྨིན་པའི་ཐིག་ལེ་གང་ལགས། བདག་ལ་གསུང་དང་། ཡང་བཀའ་སྩལ་པ། ཀྱེ་ཐུབ་པ་ཆེན་པོ་ཁྱོད་ཉོན་ཅིག། འོད་རྣམས་སྨིན་པའི་ཐིག་ལེ་བསྒྲེངས་པར་གནས།། ཤིན་ཏུ་གསལ་ལ་གོང་ནས་གོང་དུ་མ་འདྲེས
277b4 འཇའ་ཚོན་བཞིན།། འདི་ལ་གོམས་ན་སྣང་བ་ཡང་མཐོང་ངོ་།། ཡེ་ཤེས་སྨིན་པའི་ཐིག་ལེ་རྩིབས་ལ་གནས། ཁ་དོག་རང་གསལ་ཉི་མའི་དཀྱིལ་འཁོར་འདྲ།། འདི་ལ་གོམས་པས་འདི་ལ་རང་སྣང་མཐོང་།། རིག་པ
277b5 སྨིན་པའི་ཐིག་ལེ་མུ་ཁྱུད་ཟླུམ་པོར་བཅས།། རང་གསལ་ཟླུམ་པོ་འདི་ལ་གང་གོམས་པ།། དག་པ་ཆེན་པོའི་སྣང་བ་མཐོང་བར་འགྱུར།། དེ་དག་རྣམས་ཀྱི་ཐིག་ལེའི་ཕྱི་དབྱིབས་ཟླུམ།། འདི་ལ་གོམས་ན་རྣལ་འབྱོར
277b6 འབྲས་བུ་ཐོབ།། རིག་པ་ནི་གཉིས་ཏེ། གཞི་འཛིན་པའི་རིག་པ་དང་། མཚན་ཉིད་འཛིན་པའི་རིག་པའོ།། ཡང་གསོལ་པ། གཞི་འཛིན་པའི་རིག་པ་ནི་གང་ལགས། མཚན་ཉིད་འཛིན་པའི་རིག་པ་ནི་གང་ལགས།།
iiif viewer powered by OpenSeadragon
