| e-texts navigator |
| Wylie |
276a1 དང་། མཉམ་པ་ཉིད་ཀྱི་ཡེ་ཤེས་དང་། སོ་སོར་རྟོག་པའི་ཡེ་ཤེས་དང་། བྱ་བ་གྲུབ་པའི་ཡེ་ཤེས་སོ།། འོད་ནི་གཉིས་ཏེ། རང་གསལ་ཁ་དོག་འཛིན་པའི་འོད་དང་། མི་གནས་པའི་ཡེ་ཤེས་རང་སར་དག
276a2 པ་ཁ་དོག་ལས་འདས་པའི་འོད་དོ།། ཡང་གསོལ་པ། རང་གསལ་སྣང་བ་ཁ་དོག་འཛིན་པའི་འོད་ནི་གང་ལགས། མི་གནས་པའི་ཡེ་ཤེས་རང་སར་དག་པ་ཁ་དོག་ལས་འདས་པའི་འོད་ནི་གང་ལགས། བཀའ་སྩལ
276a3 པ། རང་སྣང་གསལ་བའི་ཁ་དོག་འཛིན་པའི་འོད་ནི་ལྔ་སྟེ། དཀར་པོ་དང་། སེར་པོ་དང་། དམར་པོ་དང་། ལྗང་གུ་དང་། མཐིང་གའོ།། མི་གནས་པའི་ཡེ་ཤེས་རང་སར་དག་པ་ཁ་དོག་ལས་འདས་པའི་འོད་ནི། དྲི
276a4 མ་མེད་ཆོས་ཉིད་སྣང་བའི་དུས་པའི་དཀར་པོ་རང་སར་དག་སྟེ་སྣང་བ་གང་དུ་ཡང་མི་འབྱེད། མ་བཙལ་བཞག་པའི་སེར་པོ་རང་སར་དག་སྟེ་ཡུལ་དུ་མར་མི་སྣང་། ཆགས་པ་མེད་པའི་དམར་པོ་རང་སར་དག་སྟེ་ཤེས་པ
276a5 འདི་ཞེས་བྱ་བ་ནི་མི་སྣང་། བྱ་བཙལ་བྲལ་བའི་ལྗང་གུ་རང་སར་དག་སྟེ་བྱ་བྱེད་ཐམས་ཅད་ལས་འདས། མི་འགྱུར་ཡངས་པའི་མཐིང་ག་རང་སར་དག་སྟེ་ཤེས་པ་ཅིའི་ངོ་བོར་ཡང་མ་གྲུབ་པར་གནས་སོ།། ཐིག་ལེ
276a6 ནི་གསུམ་སྟེ། གཞི་འཛིན་པའི་ཐིག་ལེ་དང་། སྣང་བ་ལམ་གྱི་ཐིག་ལེ་དང་། འབྲས་བུ་རང་སྨིན་པའི་ཐིག་ལེའོ།། ཡང་གསོལ་པ། གཞི་འཛིན་པའི་ཐིག་ལེ་ནི་གང་ལགས། སྣང་བ་ལམ་གྱི་ཐིག་ལེ་ནི་གང་ལགས།།
iiif viewer powered by OpenSeadragon
