| e-texts navigator |
| Wylie |
275a1 ཡུལ་ཅན་དང་ཉོན་མོངས་པ་རྣམས་རྣམ་པར་དག་པའི་སྒྲ་ཆེན་པོའོ།། དངས་མ་འདུས་པའི་སྒྲ་ནི་འདི་ལྟ་སྟེ། རང་གི་མཚན་ཉིད་འཛིན་པའི་སྒྲ་དང་། ཡེ་ཅི་བཞིན་པའི་སྐུའོ།། ཡང་གསོལ་པ།
275a2 བཅོམ་ལྡན་འདས་རང་གི་མཚན་ཉིད་འཛིན་པའི་སྐུ་ནི་གང་ལགས། ཡེ་ཅི་བཞིན་པའི་སྐུ་ནི་ཅི་ལྟར་ལགས། བདག་ལ་གསུང་དུ་གསོལ། དེ་ནས་ཡང་བཀའ་སྩལ་པ། ཀྱེ་ཐུབ་པ་ཆེན་པོ་ཁྱོད་ཉོན་ཅིག། རང་གི་མཚན
275a3 ཉིད་འཛིན་པའི་སྐུ་ནི་འདི་ལྟ་སྟེ། རྣམ་པར་མི་འབྱེད་པའི་རོལ་པ་ཆེན་པོའི་སྐུ་དང་། ཐུགས་རྗེའི་གོ་མ་འགགས་པ་དམ་པ་སྤྱི་ཕུད་ཆེན་པོའི་སྐུ་དང་། ཆོས་ཉིད་ཀ་དག་རིགས་རིགས་ལྔ་རྗེས་སུ་འཛིན་པ་ལ་སོགས་པ་རྗེས་སུ་འཛིན
275a4 པའི་སྐུའོ།། ཡེ་ཅི་བཞིན་པའི་སྐུ་ནི་འདི་ལྟ་སྟེ།། ཡེ་གནས་དང་པོའི་སྐུ་ཀ་དག་ཆེན་པོ་དང་དང་།། ཡེ་ཐོག་མ་རང་རིག་པའི་ཆའོ།། མི་འགྱུར་བའི་སྐུ་དང་། འབྲས་བུ་སྒྲ་གསུམ་གྱི་རྩལ་དུ་རང་རྫོགས་པའི་སྐུའོ།། ཡང་གསོལ་པ།
275a5 ཀྱེ་ཀྱེ་བཅོམ་ལྡན་འདས། འབྲས་བུ་རང་རྫོགས་པའི་ཞེས་བགྱི་བའི་སྒྲ་ནི་ཅི་ལྟ་བུ་ལགས། འདི་དག་རྣམས་ཕྱེ་ལ་གསུངས་ཤིག། དེ་ནས་ཡང་བཀའ་སྩལ་པ། ཀྱེ་ཐུབ་པ་ཆེན་པོ་ཉོན་ཅིག། འབྲས་བུ་རང་རྫོགས་པའི
275a6 སྐུ་ཞེས་བྱ་བ་ནི་གསུམ་སྟེ། ཆོས་ཀྱི་སྐུ་སྤྲོས་པ་མེད་པ་ཆེན་པོ་དང་། ལོངས་སྤྱོད་རྫོགས་པའི་སྐུ་འཛིན་པ་མེད་པ་ཆེན་པོ་དང་། སྤྲུལ་པའི་སྐུ་བདག་མེད་པ་ཆེན་པོའོ།། ཡང་གསོལ་པ། ཀྱེ་སྟོན་པ་ཆེན་པོ་ཆོས་ཀྱི་སྐུ
iiif viewer powered by OpenSeadragon
