| e-texts navigator |
| Wylie |
273a1 སོ།། ཕྱོགས་རྟོགས་པ་ནི་ཉན་ཐོས་དང་སངས་རྒྱས་ལ་སོགས་ཏེ་ཐེག་པ་རིམ་པ་དགུའོ།། མི་རྟོག་ཐུབ་པས་ཡང་གསོལ་པ། ཀྱེ་ཀྱེ་རྡོ་རྗེ་འཆང་ཆེན་པོ།། སྟོན་པ་ཉིད་ཀྱིས་གོང་དུ་བསྟན་པ་དེ་རྣམས
273a2 སྤང་ལགས་སམ། སྦྱང་ལགས་སམ། སྦྱར་བ་ལགས་སམ། རང་ཞིར་བཏང་བ་ལགས་སམ། དེ་དག་རེ་རེ་ལ་ཡང་གཉེན་པོ་རེ་རེས་འདུལ་བ་ལགས་སམ། རང་ལུགས་སུ་འཇོག་པ་ལགས་སམ། དེ་ཉིད་རང་ཆོས
273a3 ཉིད་ལགས་སམ། དེ་དག་རྣམས་རང་གིས་རང་གྲོལ་བ་ལགས་སམ། འདི་དག་རྣམས་ཀྱི་དོན་བདག་གིས་མ་འཚལ་ལགས་སོ།། སྟོན་པ་ཐུགས་རྗེ་ཆེན་པོ་ཉིད་ཀྱིས་གསུང་བར་ཞུ། དེ་ནས་རྡོ་རྗེ་འཆང་གིས་བཀའ
273a4 སྩལ་པ། ཀྱེ་མ་ཉོན་ཅིག་ཐུབ་པ་ཆེན་པོ་ཁྱོད།། ངས་བསྟན་པ་ཡི་ཚིག་རྣམས་ནི།། སེམས་ཅན་ཀུན་གྱི་རྒྱུད་ལ་གནས། ཉོན་མོངས་པའི་ཚོགས་དེ་ཀུན།། དེ་རྣམས་ཀྱིས་ནི་འཁོར་བར་བཅིངས།། བདེ་བ་ཆེན་པོ་ཉིད་བསྒྲིབས
273a5 པས།། འདི་དག་རྣམས་ནི་སྤང་བ་མིན།། དེ་བཞིན་ཉིད་དུ་མ་རྟོགས་ན།། རྣལ་འབྱོར་ལུས་དང་གྲིབ་མ་བཞིན། ལན་ཅིག་སྐྱེས་པའི་མ་རིག་པ་དང་རིག་པ་གཅེས། དེ་ལས་དེ་ཉིད་རང་བྱུང་བས།། སྤངས་པས་སྤང་བ་མ་ཡིན
273a6 ནོ།། དེ་བཞིན་གཞིདདེ་སྦྱངས་པས་ཀྱང་ནི་མིན།། བསྐུར་བས་ཀྱང་ནི་མི་འགྱུར་རོ།། འགྱུར་མེད་སྙིང་པོ་རིག་པ་མ་རྟོགས་པས།། ཤེལ་སྦྱང་དུ་མི་བཏུབ་གྱི་བྲག་གམ་གཡུ་རྡོ་བཞིན།། སྦྱང་ཞིང་ཞི་བར་ནུས་པ
iiif viewer powered by OpenSeadragon
