| e-texts navigator |
| Wylie |
272b1 ཅི་ལྟར་ལགས། ཕྱོགས་རྟོགས་པ་ནི་གང་ལགས། འདི་དག་རྣམས་ནི་བདག་གིས་མ་འཚལ་ན། བཅོམ་ལྡན་འདས་ཀྱིས་གསུང་དང་། སྟོན་པས་བཀའ་སྩལ་པ། ཨེ་མ་ཧོ།། མི་རྟོག་པའི་ཐུབ་པ་ཆེན་པོ་ཁྱོད་ཉོན
272b2 ཅིག། ཉོན་མོངས་པ་ནི་དྲུག་སྟེ། མ་རིག་པ་ཞེས་བྱ་བ་ནི། གཞིའི་འཁྲུལ་རྟོག་གི་ཆ་འཛིན་པའོ།། གཏི་མུག་ནི་ཤེས་རབ་ཀྱི་ཆ་ལས་འཁྲུལ་པའོ།། ཞེ་སྡང་ནི་བསྐྱེད་པའི་རིམ་པའི་ཆ་ལས་འཁྲུལ་པའོ།། ང་རྒྱལ་ནི་ལྟ
272b3 བའི་ཆ་ལས་འཁྲུལ་པའོ།། འདོད་ཆགས་ནི་སྣང་བའི་ཆ་ལས་འཁྲུལ་པའོ།། ཕྲག་དོག་ནི་མི་རྟོག་པའི་ཆ་ལས་འཁྲུལ་པའོ།། དེ་དག་ལ་སོགས་ཏེ་ཉོན་མོངས་པ་ནི། བསམ་པ་འཛིན་པའི་སེམས་དང་། དྲན་པ་རྣམས
272b4 འཛིན་པའི་ཡིད་དང་། མཚམས་སྦྱོར་བའི་བག་ཆགས་དང་། ཐེ་ཚོམ་ཐམས་ཅད་ཀྱི་གཞིར་གྱུར་པའི་རྟོག་པ་དང་། ཡུལ་དང་དངོས་པོར་འཛིན་པའི་ཆ་ལ་སོགས་ཏེ་དཔག་ཏུ་མེད་དོ།། དེ་རྣམས་ཀྱི་དོན་མ་རྟོགས་པ
272b5 ནི། སོ་སོའི་སྐྱེ་བོ་ནས་ཨ་ནུ་མན་ཆད་དོ།། ལོག་པར་རྟོགས་པ་ནི་མུ་སྟེགས་ཅན་རྣམས་ཏེ། མཐར་འཛིན་པའི་ཡོད་མེད་རྟག་ཆད་ཀྱི་མཐར་འཛིན་པ་སྟེ་བདག་རྟོག་རྟག་པ་དང་ཆད་པ་བལྟ་བ་དང་། བདག་ཏུ་འཛིན་པའི་བལྟ
272b6 བ་ཐམས་ཅད་དང་། མདོར་ཉན་ཐོས་དང་ཨ་ཏི་ཁ་ཅིག་མན་ཆད་ན་ཡིད་དཔྱོད་དུ་འཛིན་པའི་ལྟ་བ་རྣམས་དང་། རྟག་ཆད་དུ་འཛིན་པའི་ལྟ་བ་རྣམས་དང་། འདུ་ཤེས་ཅན་དུ་འཛིན་པའི་ལྟ་བ་ལ་སོགས་པ་རྣམས
iiif viewer powered by OpenSeadragon
