| e-texts navigator |
| Wylie |
272a1 པའོ།། ཡང་གསོལ་པ། བྱུང་ཚོར་གྱི་སྒོ་འགག་པ་དེ་གང་ལགས། དེ་ནི་རང་བཞིན་གྱིས་འོད་གསལ་བའོ།། ཡང་གསོལ་པ།། རང་བཞིན་གྱིས་འོད་གསལ་བ་དེ་གང་ལགས། བཀའ་སྩལ་པ། དེ་ནི
272a2 ཡུལ་ཐམས་ཅད་རྣམ་པར་དག་པའོ།། ཡང་གསོལ་པ། ཡུལ་ཐམས་ཅད་རྣམ་པར་དག་པ་ཞེས་བགྱི་བ་དེ་གང་ལགས། བཀའ་སྩལ་པ། དེ་ནི་ཆོས་ཐམས་ཅད་ཀྱི་ཟད་པའི་མཚན་ཉིད་ཤེས་པའོ།། ཡང་གསོལ་པ། ཀྱེ
272a3 ཀྱེ་བཅོམ་ལྡན་འདས་དེ་ལྟ་བས་ན། ལྟ་བ་ལས་འདས་པ་དེ་གང་ལགས། བཀའ་སྩལ་པ། ལྟ་བ་ལས་འདས་པ་ནི་བརྗོད་དུ་མེད་པ་ཞེས་བྱའོ།། ཡང་གསོལ་པ། དེ་ཉིད་གང་ལགས། བཀའ་སྩལ་པ། དེ་ནི
272a4 རྐྱེན་ཐམས་ཅད་ལས་འདས་པའོ།། ཡང་གསོལ་པ། རྐྱེན་ཐམས་ཅད་ལས་གྲོལ་བ་དེ་ཉིད་གང་ལགས། བཀའ་སྩལ་པ། དེ་ནི་མཐའ་གང་དུ་ཡང་མི་འབྱེད་པའོ།། ཡང་གསོལ་པ། མཐའ་གང་དུ་ཡང་མི་འབྱེད་པ་དེ
272a5 གང་ལགས། བཀའ་སྩལ་པ། དེ་ནི་རྩིས་གདབ་ཐམས་ཅད་ལས་འདས་པ་ཉིད་དོ།། བྱ་བྱེད་འབད་རྩོལ་ལས་འདས་པ་ཉིད་དོ།། ཕྱོགས་རིས་ཐམས་ཅད་ལས་འདས་ཏེ་ལྷུན་གྱིས་རྫོགས་པ་ཉིད་དོ།། དེ་ནས་ཡང་མི
272a6 རྟོག་ཐུབ་པས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་འདས་དེ་ལྟ་བས་ན། ཉོན་མོངས་པ་ཞེས་བགྱི་བ་རྣམས་ནི་གང་ལགས། དེ་དག་རྣམས་ཀྱི་དོན་མ་རྟོགས་པ་ནི་གང་ལགས།། ལོག་པར་རྟོགས་པ་རྣམས་ནི
iiif viewer powered by OpenSeadragon
