| e-texts navigator |
| Wylie |
271b1 འདས་ཀྱིས་གསུངས་པ། ཀྱེ་མི་རྟོག་ཐུབ་པ་ཡང་ཉོན་ཅིག། དངོས་པོའི་ཡུལ་ནི་འདི་དག་གོ། གཟུགས་ཡུལ་དྲུག་ཏུ་དང་སྒྲ་དང་དྲི་དང་རོ་དང་ཆོས་དང་རེག་ཏུ་སྣང་བ་དང་། འབྱུང་བ་ཆེན་པོ་ཐམས་ཅད་གཅིག་ཏུ་བཞིར
271b2 སྣང་བ་དང་། འཇུག་པའི་རྐྱེན་ཐ་དེ་དག་ལ་དད་དུ་སྣང་བ་རྣམས་སོ།། སྟོང་པའི་ཡུལ་ནི་སྟོང་པ་ཉིད་ཐམས་ཅད་དང་། མཐར་ཡོད་མེད་རྟག་ཆད་འཛིན་པའི་ཤེས་པ་ཐམས་ཅད་དང་བྲལ་བའོ།། ཡུལ་མ་ཡིན་པ་ནི
271b3 གཉིས་ཏེ། མཐའ་ལས་འདས་པ་རྣམས་དང་། ལྟ་བ་ལས་ཡོད་མེད་འདས་པའོ།། མི་རྟོག་ཐུབ་པས་ཡང་གསོལ་པ། ཀྱེ་ཀྱེ་བཅོམ་ལྡན་འདས་མཐའ་ལས་འདས་པ་ཞེས་བགྱི་བ་ནི་གང་ལགས། བལྟ་བ་ལས་འདས
271b4 པའི་ཡུལ་མ་ཡིན་པ་ཞེས་བྱ་བ་ནི་གང་ལགས། བདག་ལ་གསུང་དུ་གསོལ། དེ་ནས་ཡང་སྟོན་པས་བཀའ་སྩལ་པ། ཀྱེ་ཀྱེ་མི་རྟོག་ཐུབ་པ་ཆེན་པོ་ཁྱོད་ཉོན་ཅིག། མཐའ་ལས་འདས་པ་ཞེས་བྱ་བ་ནི། དངོས་པོ་ལ
271b5 བདག་ཏུ་མི་འཛིན་པའོ།། ཡང་གསོལ་པ། དངོས་པོ་བདག་ཏུ་མི་འཛིན་དེ་གང་ལགས། བཀའ་སྩལ་པ། ཆོས་ཐམས་ཅད་འདུས་མ་བྱས་པའོ།། ཡང་གསོལ་པ།། ཆོས་ཐམས་ཅད་འདུས་མ་བྱས་པ་ཞེས་བགྱི་བ་དེ
271b6 རང་གང་ལགས། བཀའ་སྩལ་པ། དེ་ནི་ཆོས་ཐམས་ཅད་ཉག་གཅིག་ཏུ་འདུ་ཤེས་པར་ཞེས་བྱའོ།། ཡང་གསོལ་པ། གཅིག་ཏུ་འདུ་ཤེས་པ་དེ་གང་ལགས། བཀའ་སྩལ་པ། དེ་ནི་བྱུང་ཚོར་རྣམས་ཀྱི་སྒོ་འགག
iiif viewer powered by OpenSeadragon
