| e-texts navigator |
| Wylie |
271a1 ནས་སྟོན་པས་བཀའ་སྩལ་པ། ཐུབ་པ་ཆེན་པོ་ལེགས་པར་ཉོན། གཟུགས་ལ་འདུ་ཤེས་སུ་སེམས་པ་དང་། སྒྲ་ལ་འདུ་ཤེས་སུ་སེམས་པ་དང་། དྲི་ལ་འདུ་ཤེས་སུ་སེམས་པ་དང་།། རོ་ལ་འདུ་ཤེས་སུ
271a2 སེམས་པ་དང་། ཆོས་ལ་འདུ་ཤེས་སུ་སེམས་པ་དང་། རེག་ལ་འདུ་ཤེས་སུ་སེམས་པ་དང་། མིག་གིས་གཟུང་བའི་ཆ་དང་། རྣ་བས་གཟུང་བའི་ཆ་དང་། སྣས་གཟུང་བའི་ཆ་དང་། ལྕེས་གཟུང་བའི་ཆ་དང་། ཡིད་ཀྱིས
271a3 གཟུང་བའི་ཆ་དང་། ལུས་ཀྱིས་གཟུང་བའི་ཆ་སྟེ་བཅུ་གཉིས་སོ།། འཛིན་པའི་སྐྱེ་མཆེད་བཅུ་གཉིས་ཏེ། གྲངས་མིང་རྣམས་དང་། ཕུང་པོ་གཟུགས་དང་།། དཀར་དམར་ལ་སོགས་པ་ཁ་དོག་རྣམས་དང་། དབྱིབས་རྣམས
271a4 དང་། ཚིག་གི་ཚོགས་འཛིན་པ་རྣམས་དང་། ཐ་སྙད་ཀྱི་ཚོགས་དུ་མ་རྣམས་དང་། བརྡའི་ཚོགས་སྣང་དང་མི་སྣང་བ་རྣམས་དང་། རྟེན་ཅིང་འབྲེལ་བར་འབྱུང་བ་རྣམས་དང་། བདག་དང་རྟག་པ་དང་ཆད་པའི་བདག་མ་ཡིན
271a5 ཐོས་པ་རྣམས་དང་། ཐམས་ཅད་ལ་འདུ་ཤེས་སུ་རང་སངས་རྒྱས་སེམས་པ་དང་། ཉེ་བར་ལེན་ཕུང་པོ་དང་མཚུངས་པའི་རྒྱུ་དང་། རྐྱེན་རྣམས་དང་། འབྱུང་བ་རྣམས་སུ་འདུ་ཤེས་པའོ།། ཡུལ་ནི་གཉིས་ཏེ། དངོས་པོའི
271a6 ཡུལ་དང་། སྟོང་ཉིད་ཀྱི་ཡུལ་ལོ།། མི་རྟོག་ཐུབ་པས་ཡང་གསོལ་པ། ཀྱེ་ཀྱེ་བཅོམ་ལྡན་འདས། དངོས་པོའི་ཡུལ་གང་ལགས། སྟོང་པའི་ཡུལ་རྣམས་གང་ལགས། བདག་ལ་གསུང་དུ་གསོལ།། དེ་ནས་བཅོམ་ལྡན
iiif viewer powered by OpenSeadragon
